УИХ-ын Төрийн байгуулалтын байнгын хорооны тогтоолоор байгуулсан Төрийн албан хаагчийн төлөөллийг сонгон шалгаруулах комисс сонгон шалгаруулалтад оролцох шаардлага хангасан оролцогчдоос өчигдөр (01.25) ярилцлагын шалгалт авч, дүнгээ гаргажээ.

Ярилцлагад орсон найман оролцогчоос Д.Зүмбэрэллхам 113.10 оноо, Д.Баатарсайхан 89.78 оноо авсан байна. Тэдний нэрийг комиссоос УИХ-ын Төрийн байгуулалтын байнгын хороонд өргөн мэдүүлэх бөгөөд УИХ-аар хэлэлцэн баталбал төрийн албан хаагчийн төлөөлөл болж Төрийн албаны зөвлөлийн гишүүнээр ажиллах юм.

“Төрийн албаны тухай” шинэ хуулиар Төрийн албаны зөвлөл нь орон тооны таван гишүүнтэй байх бөгөөд тэдний хоёр нь төрийн албан хаагчдыг төлөөлөх билээ.



Х.Хулан