Хөрөнгийн бирж өнөөдөр өдөр I, II, III ангиллын 31 хувьцаат компанийн 162,076,313 төгрөгийн үнийн дүн бүхий 398,087 ширхэг хувьцаа арилжигдсан байна. Үүнээс 13 хувьцаат компанийн хувьцааны ханш өсч, 16 хувьцаат компанийн хувьцааны ханш буурч 2 хувьцаат компанийн хувьцааны ханш тогтвортой байлаа. Үүнээс "Тав" ХК (TAV+14.95%) болон "Увс чацаргана" ХК (CHR+14.86%)-ийн хувьцааны ханш хамгийн өндөр өсөлттэй байсан бол "Монгол Базальт" ХК (MBW-9.74%) болон "Шивээ овоо" ХК (SHV-9.09%) -ийн хувьцаа хамгийн их уналттай байлаа.
"Түмэн шувуут" ХК-ийн анхдагч зах зээлийн арилжааны захиалгаар нийт 302 харилцагчийн 1.08 тэрбум төгрөгийн үнийн дүн бүхий 5,423,545 ширхэг үнэт цаас худалдан авах захиалга ирсэн байна.
Энэ өдөр шинэчлэгдсэн "TOP 20" индекс 0.17 хувиар буурч 21564.18 нэгжид хүрсэн бол зах зээлийн үнэлгээ 2,462,320,191,847 төгрөг боллоо.
П.ГОО
Оллоо.мн
Холбоотой мэдээ
С.Баярцогт: Тавантолгойн 10 хувийг хөрөнгийн биржээр гаргаж, иргэдэд эрхийг нь нээж өгөөд л хувьцаа эзэмшүүлнэ
Нийслэлийн бонд гаргах хүсэлтээ Санхүүгийн зохицуулах хороо, Монголын хөрөнгийн биржид хүргүүллээ
Хөрөнгийн биржээр нүүрсийг арилжаалж эхэлснээр эрчим хүчний нүүрсний үнэ 7.5 дахин нэмэгджээ
