Улсын драмын эрдмийн театрын жүжигчин, соёлын тэргүүний ажилтан Б.Одончимэг олон улсын наадамд тэргүүн байр эзэлжээ. Тодруулбал, тэрбээр Энэтхэгийн Колката хотод зохион байгуулагдсан "International Theatre 2019" наадмын нэг хүний жүжгийн төрөлд амжилттай оролцож, нэгдүгээр байр эзэлсэн байна.
Б.Одончимэг энэ тухайгаа “Нэгдүгээр шатандаа нэг хүний төрөлд гол төлөөлөгч болсон. Харин хоёрдугаар шатандаа нэг хүний жүжгийн Физикл төрлийн төлөөлөгч болсондоо маш их баяртай байна. Намайг явахад дэмжсэн театрын хамт олон, Гэгээн муза академийн хамт олонд баярлалаа” хэмээн сэтгэгдлээ илэрхийлжээ.
Х.Хулан