Яллагдагчаар татагдах гишүүдийн урт цуваа УИХ-ыг “тараах” уу

Парламент өнгөрсөн долоо хоногт ард түмэнд зориулсан бага хувийн хүүтэй зээлийг ашиг орлогоо нэмэгдүүлэхээр авч хууль зөрчсөн гишүүдээ хамгаалж үлдлээ. Прокурорын яллагдагчаар татах саналд гишүүд энэ удаад “дунд хуруугаа үзүүлэв”. 

УИХ-ын гишүүний халдашгүй байдлын дэд хорооны дарга УИХ-ын гишүүн Ц.Нямдорж “Энэ гишүүд мөрдөн байцаалт, шалгалтын явцад саад болохгүй, дуудсан цагт очиж тайлбар мэдүүлгээ өгнө. Тиймээс бүрэн эрхийг нь түдгэлзүүлэх шаардлагагүй гэж үзлээ” хэмээн мэдэгдэж, гишүүд нь хамгаалж үлдсэн. Гэтэл ЖДҮХ сангаас зээл авч өрөө дарсан, мөнгө хүүлж хууль зөрчсөн нөгөө эрхмүүд том толгойлоод эхэлжээ. Тодруулбал, УИХ-ын гишүүн Г.Солтан, Д.Дамба-Очир, Л.Энхболд нар яллагдагчаар татах тухай тогтоолтой танилцахгүй “зугтаах” болсон байна.  “Шалгалтын явцад саад болохгүй, дуудсан цагт очиж тайлбар мэдүүлгээ өгнө” гэсэн ам тангараг ч талаар болж. Хуулийн байгууллага дуудах бүрт УИХ-ын гишүүн Г.Солтан, Д.Дамба-Очир, Л.Энхболд нар ямар нэг тайлбар өгч, өмгөөлөгч нь ч яллагдагчаар татах тухай тогтоолтой танилцахгүй байх арга саамыг хайх болсон гэнэ. Ц.Нямдорж сайдын жигтэйхэн дуулгавартай байгаа хэмээн өмгөөлөөд байсан дөрвөн гишүүн ийнхүү түүний чихийг халууцуулаад эхэлсэн байх юм. Эрхэм гишүүд ч бүрэн эрх нь дэнжигнэсээр байгаа гэдгийг мартсан бололтой.

Тэгвэл прокурор даагаа нэхэхээр зэхэж байгаа тухай бор шувуу нисээд эхэлж. Эх сурвалжуудын мэдээлж байгаагаар прокурор энэ удаад УИХ-ын 23 гишүүний бүрэн эрхийг түдгэлзүүлэх саналыг оруулж ирэхээр “бэлтгэж” байгаа юм байх. Ингэснээр 75 гишүүний 23-ынх нь ирээдүй бүрхэг болчихлоо. Нэг үгээр УИХ хүссэн хүсээгүй тарах нөхцөл бүрдэж байна. УИХ-ын нийт гишүүнийхээ дөрөвний гурваас доошгүй бүрэлдэхүүнтэй байж, бүрэн эрхээ хэрэгжүүлэх боломжтой. 57-оос дээш гишүүний бүрэн эрх хадгалагдсанаар УИХ цаашид үйл ажиллагаагаа үргэлжлүүлдэг. Гэтэл УИХ-ын 20 гишүүнийг "хэрэг"-т холбогдуулан бүрэн эрхийг нь түдгэлзүүлэх  санал өнөө маргаашгүй бэлэн болох гэж байдаг. Ийнхүү МАН-ын үнэмлэхүй олонх болсон парламент чадамжгүй болон тарж, шившгийн хөндийн бас нэг бүлэг түүхээ эхлүүлэх нь.
 

П.ГОО
Оллоо.мн 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2019-01-18 12:20:14
    МАНАН ямар ч том үндэстэй юм. Ми овогт унах нь гээд үүрээ эвдүүлсэн шоргоолж шиг бужигнаж байна.Сѳрсѳн базаа нь тэднийг аврахгүй
    66.181.161.27
    Мэдэгдсэн Хариулах
  • Зочин 2019-01-17 07:36:01
    Одоо цэвэр хүн хайгаад хэрэггүй байлгүй дээ. ирээдүйд бохир хүн төрд ажиллах боломжгүй болгох систщмийг үүсгэх хэрэгтэй гэж бодхол юм...
    183.177.98.182
    Мэдэгдсэн Хариулах
  • taij 2019-01-17 05:56:43
    uneheer mongoliin tor luivarchdaar duurchee.ene bol tun aimshig.bugdiig ni shorond hiij daraa daraachiinhad ni surgamj bolgoh shaardlagatai shaardlagatai!!!!!!!...
    122.201.21.130
    Мэдэгдсэн Хариулах
  • Бат 2019-01-17 01:38:22
    Үндсэн хуулиндаа өөрчлөлт оруулж параламентаа 2 танхимтай болгож төрдөө ард түмэн хяналт тавихгүй бол хяналтгүй төр мухардалд орлоо
    202.9.42.186
    Мэдэгдсэн Хариулах