Э.Эрдэнэжамъянд оноосон ялыг хэвээр үлдээлээ
Улсын Дээд Шүүхийн Хяналтын шатны эрүүгийн хэргийн шүүх хуралдаанаар өчигдөр  Э.Эрдэнэжамъянд холбогдох хэргийг шүүлээ.

Дүүргийн Эрүүгийн хэргийн анхан шатны I шүүх 2014 оны гуравдугаар сарын 31-ний өдөр уг хэргийг анхан шатны журмаар хянан хэлэлцээд Э.Эрдэнэжамъянг албан тушаалын байдлаа ашиглаж, мөрдөн байцаалтын ажиллагаанд санаатайгаар саад учруулсан гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 245 дугаар зүйлийн 245.2 дахь хэсэгт зааснаар түүний улс төрийн албан тушаал эрхлэх эрхийг 2 жилийн хугацаагаар хасч, 8 сая 424 000 төгрөгийн торгох ялаар шийтгэсэн билээ.

Эрүүгийн хэргийн давж заалдах шатны 10 дугаар шүүх мөн хэргийг 2014 оны зургаадугаар сарын 5-ны өдөр хянан хэлэлцээд анхан шатны шүүхийн шийдвэрийг хэвээр үлдээсэн юм. Улсын Дээд шүүхийн хяналтын шатны эрүүгийн хэргийн шүүх хуралдаанаар Э.Эрдэнэжамъянд холбогдох хэргийг хянан хэлэлцээд анхан болон давж заалдах шатны шүүхийн шийдвэрийг хэвээр үлдээлээ.

Хууль зүйн дэд сайд Э.Эрдэнэжамъян нь албан тушаалын байдлаа ашиглаж, 2012 оны аравдугаар сарын 17-ны өдөр өөрийн и-мэйл хаягаар Интерполын Ерөнхий Нарийн бичгийн дарга Роналд Нобелд хандан захидал илгээснээр Интерполын Ерөнхий нарийн бичгийн даргын газраас 2012 оны арванхоёрдугаар сарын 5-ны өдөр Б.Хуяг, Н.Энхтуяа нарын эсрэг хэвлэн нийтэлсэн улаан булант зар мэдээг цуцалж, дээрх хүмүүсийг интерполоор эрэн сурвалжлах ажиллагааг 2013 оны дөрөв дүгээр сарын 18-ны өдрийг хүртэлх хугацаанд зогсоож, тэдний талаарх мэдээллийг Интерполын гишүүн улс орнуудаас авах боломжгүй нөхцөл байдал үүсгэн мөрдөн байцаалтын ажиллагаанд санаатайгаар саад учруулсан гэмт хэрэгт холбогдсон билээ.

Г.Уянга
оллоо.мн

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зөв шүү 2014-09-07 18:25:27
    Шүүх зөв шийдсэн шүү одоо би дэд сайд болмоор байнаа түүнээс өмнө Энхбаяр ахдаа давж заалдвал давж заалд
    103.26.193.6
    Мэдэгдсэн Хариулах
  • монгол 2014-09-06 10:09:04
    Чи ямар хуний мууд дуртай оодгуй хун бэ?
    37.29.88.40
    Мэдэгдсэн Хариулах
  • зочин 2014-09-06 07:35:19
    ял биш захиргааны арга хэмжээ л байнашдээ
    103.26.193.12
    Мэдэгдсэн Хариулах