Ойд барилга байгууламж, хашаа бариулсан тохиолдолд байгаль хамгаалагчид хариуцлага тооцно

Нийслэлийн Байгаль орчны газрын даргын тушаалаар ойн сан, усны сан бүхий газрын онцгой хамгаалалтын бүсэд шинээр барилга, байгууламж, хашаа бариулсан тохиолдол бүрт нутаг дэвсгэрийг хариуцсан байгаль хамгаалагчид сахилгын шийтгэл ногдуулж байхаар боллоо. Уг шийдвэрийн хэрэгжилтэд тодорхой хугацааны давтамжтай авагдсан сансрын зургийн мэдээллийн санг эх сурвалж болгон ашиглах юм.

Нийслэлийн Засаг даргын захирамжийн дагуу ногоон бүсэд газрын зөрчил арилгах нэгдсэн арга хэмжээг Нийслэлийн Газрын алба, Байгаль орчны газар хамтран зохион байгуулж, албадан чөлөөлөлтийг хийж эхэлсэн бөгөөд дээрх шийдвэр нь захирамжийг хэрэгжүүлэх дараагийн шатны ажил болж байна.

Засгийн газрын 2018 оны 62 дугаар тогтоол гарч, Улаанбаатар хотод 2019 оны 5 дугаар сарын 15-наас эхлэн түүхий нүүрс хэрэглэхийг хориглосонтой холбогдуулан ногоон бүсийн ойн санд учирч болзошгүй эрсдэлийг бууруулах зорилгоор ойн сантай нутаг дэвсгэрийн морин эргүүлийн тоог нэмэгдүүлэх, хамтарсан эргүүл шалгалтад шаардлагатай шатахууны хэмжээг өсгөх, ойн сан бүхий нутгийн иргэдэд идэвхтэн байгаль хамгаалагчийн эрх олгох, хууль, тогтоомж сурталчлах ажлыг эрчимжүүлэх үүрэг мөн байгаль хамгаалагчдад өгөгдлөө. Иймд ой, усны сан бүхий газарт барилга байгууламж, хашаа барьж буй талаарх дуудлага мэдээллийг нийслэлийн Байгаль орчны газрын Ойн хэлтэст 318003 утсаар мэдэгдэж байхыг иргэддээ уриалж байна гэж Нийслэлийн Байгаль орчны газраас мэдээлэв.  

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • d5 2019-01-02 17:35:51
    Гүнжийн давааны эргэн тойрон болон Нийслэл-н хойт талын зуслгуудын эргэн тойрон нилээд өртөнө хэрэв шудрага ажиллаж чадвал,байгаль хамгаалагч бариулсан бишдээ.
  • irgen 2019-01-02 13:49:15
    oig suitgegchid bol oin hamgaalagch gedeg daisan setgeltei nohduud shuu
  • зочин 2019-01-02 10:50:37
    богд уулын ам туул голын эргээр егсен газруудаа яах вэ амарсайханы зайсан толгой туулын эргээрх газруудаа янзалчихаад хий юм ярь