Мал сүргийнхээ тоогоор Хөвсгөл аймаг дахин тэргүүлжээ
Мал тооллогын урьдчилсан дүнгээр 2018 оны жилийн эцэст Монгол Улсын мал сүргийн нийт дүн 66 сая 463.7 мянган толгойд хүрч, 2017 оныхоос 0.4 хувь буюу 244.7 мянгаар өссөн байна.

Малын тоо толгойн өсөлт, бууралтыг төрлөөр авч үзвэл хонь 443.6 мянган толгой буюу 1.5 хувиар, тэмээ 25.6 мянган толгой буюу 5.9 хувиар өсч, адуу өнгөрсөн оны түвшинд буюу 3939.8 мянган толгой, харин үхэр 7.8 мянган толгой буюу 0.2 хувиар, ямаа 216.7 мянган толгой буюу 0.8 хувиар тус тус буурсан байна. 
 
Харин Хөвсгөл аймгийн малчид мал сүргийнхээ тоо толгойг нэмэгдүүлж таван жилийн дараа мал сүргийн тоогоор улсад дахин тэргүүлжээ. Мал тооллогын урьдчилсан дүнгээр 5.709.892 тоо толгой мал тоолуулсан байна.
 
Аймагтаа мал сүргийнхээ тоогоор Цагаан-Уул сум 456.977 толгой мал тоолуулж тэргүүлсэн бол Бүрэнтогтох сум 420.683 толгой мал тоолуулж хоёрт, Арбулаг сум 379.068 толгой мал тоолуулж гуравт оржээ.

Мал сүргээ таван төрөл дээр нь 13 сум өсгөсөн бөгөөд Мөрөн, Цагааннуур сумын мал хамгийн их өссөн гэдгийг Хөвсгөл аймгийн Статисикийн хэлтсийн дарга Б.Базардамбуу, ахлах мэргэжилтэн Т.Алтанцэцэг нар мэдээлсэн байна.

О.Гэрэл
Оллоо.mn 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • BOLJ BAINA 2018-12-30 10:36:03
    Sain baina. Yamar ch l baisan Mongolchuud ulsgulunguur l uhehhui yum bainaa. Bolj dee. Malyn buyan ih dee.
  • Zochin 2018-12-30 04:18:46
    Хоймор нутгийнхандаа баяр хүргэе Мундаг шү өшөө их амжилт