“Хариуцлагатайгаар олборлосон алтаа эх орондоо тушаая” уралдааны дүн гарлаа
Эх орныхоо алтыг эрдэнэсийн сандаа тушаая аян орон өрнөж, "Хариуцлагатайгаар олборлосон алтаа эх орондоо тушаая" нийтлэлийн уралдааныг Монголбанк, ШХА хамтран амжилттай зохион байгуулав.

Уралдаанд нийт 31 бүтээл ирснээс шилдэг зургаан байрыг нь шалгаруулж, өнөөдөр шагнал гардуулах ёслол болов.

Телевизийн нэвтрүүлгийн тэргүүн байранд “25 дугаар суваг” телевизийн сэтгүүлч Б.Баттүвшин Х.Соёлбаяр хоёр шалгарсан бол "ТВ9" телевизийн сэтгүүлч Д.Ганзориг дэд байр эзлэв. Харин сонин болон мэдээллийн цахим хуудасны нийтлэлийн төрөлд  “Өнөөдөр” сонины эдийн засгийн албаны дарга, сэтгүүлч Т.Энхбат тэргүүлж, "Зууны мэдээ" сонины сэтгүүлч Ц.Мягмарбаяр удаалав. Харин радиогийн бүтээлд “МҮОНР”-ийн “Хурд” агентлагийн редактор, сурвалжлагч Д.Баяржаргал, фото зургийн төрөлд “Үндэсний шуудан” сонины гэрэл зурагчин А.Чимэдцэрэн нар тус тус шалгарч, шагнал хүртлээ.

Монголбанкны эрдэнэсийн сангийн захирал П.Эрдэнэтуяа “Монголбанк, Швейцарын хөгжлийн агентлаг болон бусад төрийн болон ТББ-уудтай хамтран сүүлийн жилүүдэд алт олборлолтын үйл ажиллагааг олон нийтэд сурталчлах чиглэлээр нэлээд олон ажил хийж байгаа. Тухайлбал алтны гарал үүслийг тодорхой болгох, жижиг алт олборлогч иргэдэд хүрч ажиллаж байна. Үүний үр дүн Баянхонгор, Дархан-Уул аймагт алт, үнэт металлын сорьцын лабораторийг нээгээд өнөөдрийн байдлаар 160 орчим кг алтыг Монголбанк худалдан авсан байна. Нийт Монголбанкны худалдан авалт 21 тоннд хүрсэн.

Энэ сарын 20-ны өдрөөс эхлэн Монголбанк мөнгөний худалдан авах үнээс цэвэршүүлэлтийн зардлыг 1 ам.доллараар хасаж тооцохоор болсон бөгөөд худалдан авах үнээ нэмсэн гэсэн үг. Монгол Улсад татварын таатай орчин бүрдсэнээс хойш нийт олборлож байгаа алтны дийлэнхи хувь нь Монголбанкинд тушаагдаж байгаа гэж үзэж байгаа” гэв.
О.Гэрэл
Оллоо.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2018-12-23 10:07:02
    монгол банкныхан хүнийгараар могой бариулчихаад ухаандаа нх орондоо тушаа маркын юм яриад л цааш нь Хятадууд бөөнддөг бүлэглэд байгаа биш үү
  • иргэн 2018-12-23 09:37:02
    монгол банкны лалрууд алт хөтөлбөр нэрээр халхын хавтгайг Цианит аар гол горхи нууруудыг бузарлаж дууслаа . Монголын нутаг дэвсгэр үндсэндээ цианитаар бузарлаг...
  • иргэн 2018-12-20 09:26:00
    Алтны ханш уруудаж буй өдгөө үед валютын нөөцөнд байгаа евро доллар юаниа алтаар солимооргүй байа