“Дисковер Монголиа 2014”-т шинэ хөрөнгө оруулагчид ирсэнгүй
Монголын уул уурхайн салбарт хөрөнгө оруулах сонирхолтой гадныханд зориулан 1 дэх жилдээ зохион байгуулж буй Дисковер Монголиа чуулга уулзалт өчигдөр Монголын хүүхдийн ордонд нээлтээ хийсэн.  “Welcome back” буюу “Эргэн тавтай морил” уриан дор зохион байгуулагдаж байгаа чуулга уулзалтад  урьд жилүүдийнхээс цөөн төлөөлөгч ирж орлолцож байгаа юм. Чуулга уулзалтын эхний өдөр Уул уурхайн сайд Д.Ганхуяг, Уул уурхайн ассоциацын дарга Н.Алгаа нар Газрын тосны тухай хууль үндсэндээ шинэчлэгдэж, Эрдэс баялгийн эрхзүйн орчны шинэтгэл, Байгалийн нөөц ашигласантай холбоотой татварын орчин зэрэг гадныханд “чанга” хуулиудын ихэнхийг нь өнгөрсөн хугацаанд өөрчлөн найруулсан талаар илтгэлдээ дурьдсан.

Ингээд үндсэн илтгэл дуусч үүний дараагаар  “Эрдэс баялгийн салбарт хамтарч ажиллах гурван талт тунхаг бичигт талууд гарын үсэг зурлаа. Засгийн газрыг төлөөлж Уул уурхайн сайд Д.Ганхуяг, мэргэжлийн байгууллагаас Монголын уул уурхайн үндэсний ассоциацийн дарга Н.Алагаа, Монголын байгаль орчны иргэний нийгмийг төлөөлж Дамдинсүрэн нар тунхагт гарын үсэг зурсан юм. Эрдэс баялгийн салбарт хамтарч ажиллах гурван талт тунхаг бичиг нь байгаль орчинд ээлтэй ашигт малтмалын олборлолт, хайгуул болон хариуцлагатай, эзэнтэй уул уурхай болж хөгжихөд зориулсан санамж бичиг болсон юм.

Үдээс хойш Монгол улсын нүүрсний экспорт, өрөслдөх чадвар болоод үнэ зардлын талаар хэлэлцүүлэг өрнөлөө. Ингээд энэ үеэр Уул уурхайн түлшний бодлогын газрын дарга Раднаасүрэн илтгэлдээ өмнөд хөршийн төрийн тэргүүний айлчлалтай холбоотойгоор нүүрсний экспортыг шинэ шатанд гаргах боломж бүрдсэн хэмээсэн нь чуулганд оролцогчдын анхаарлыг ихэд татсан. Тэрбээр хэлэхдээ далайд гарц бий болгон дараа дараагийн хүлээн авагч орнуудад нүүрс гаргах боломж бүрдээд байгаа”-г онцолж байв. Ийнхүү эхний өдрийн уулзалт, хэлэлцүүлэг өндөрлөсөн.

Өнөөдөр Уул уурхайн Геологи хайгуулын салбарынхан оролцон илтгэлүүд хэлэлцэх бөгөөд Уул уурхайн салбарын санхүүжилтийн асуудлаар эцэслэн шийдвэрлэж, дүгнэлт гаргах юм. Дашрамд дуулгахад энэ удаагийн чуулга уулзалтанд шинэ хөрөнгө оруулагчид бараг ирээгзүй бөгөөд хуучин хөрөнгө оруулагчид идэвхжсэн хэмээн зохион байгуулагчид хэлж байна.
Б.Сансартуяа
Оллоо.мн
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.