“УБТЗ”-ын удирдлагыг Оросын тал авах уу?

Монгол, Оросын хамтарсан “УБТЗ” ХНН-ийн ерөнхий хорооны хурал өнөөдөр болно. Энэ хуралд оролцохоор “Оросын төмөр замууд” Нээлттэй нийгэмлэгийн ерөнхийлөгч, Тэргүүн дэд ерөнхийлөгчтэйгөө Монголд хүрэлцэн ирсэн гэсэн мэдээлэл байна.

Энэ нь Оросын тал “УБТ3” ХНН-ийн ерөнхий хорооны хуралд ач холбогдол өгч байгаа хэрэг бололтой. Учир нь “УБТЗ” ХНН-ийн одоогийн дарга Д.Жигжиднямааг чөлөөлөх гэнэ. Харин түүний оронд Оросын талаас хүнээ томилох тухай яригдаж байгаа юм байна.

Ер нь бол “УБТЗ” ХНН-ийн ерөнхий хорооны хурлаар даргын халаа, сэлгээнээс гадна өнгөрсөн зунаас хойш ЗТХЯ-нд өрнөсөн үйл явдлууд, ялангуяа ЗТХ-ийн сайд дараалан солигдож байгаатай холбоотойгоор “УБТЗ”-ын бодлого, үйл ажиллагааны талаарх тайлан мэдээллийг хэлэлцэх юм байна.

“УБТ3” XНН-ийн дүрэмд зааснаар тус нийгэмлэгийн ерөнхий хороо зургаан гишүүнтэй. Ерөнхий хорооны даргаар “Оросын төмөр замууд” Нээлттэй нийгэмлэгийн тэргүүн дэд ерөнхийлөгч А.А.Краснощек, түүнээс гадна Оросын талыг төлөөлж тус ерөнхий хорооны гишүүнээр ОХУ-ын тээврийн орлогч сайд А.С.Цыденов, “Оросын төмөр замууд” Нээлттэй нийгэмлэгийн ерөнхийлөгчийн ахлах зөвлөх В.Н.Морозов нар ажилладаг.

Харин Монголын талаас тус ерөнхий хорооны орлогч даргаар ЗТХ-ийн дэд сайд Б.Цогтгэрэл, гишүүдээр ЗТХЯ-ны Төмөр зам, далайн тээврийн бодлогын хэрэгжилтийг зохицуулах газрын дарга Б.Артур, ЗГХЭГ-ын ахлах референт Н.Буяндэлгэр нар багтдаг байсан. Гэвч өнгөрсөн зун Б.Цогтгэрэл, Б.Артур нар ЗТХЯ дээр гарсан хүн амины хэргийн улмаас хариуцлага хүлээж албан тушаалаасаа чөлөөлөгдсөн байдаг.

Ингэхээр ерөнхий хорооны Монголын талын гишүүдэд өөрчлөлт оруулж, Б.Цогтгэрэлийн оронд ЗТХ-ийн дэд сайд болсон Л.Халтар, Б.Артурын оронд Төмөр зам, далайн тээврийн бодлогын хэрэгжилтийг зохицуулах газрын дарга болсон А.Батболдыг оруулах бололтой.

Уг нь “УБТЗ” ХНН-ийн ерөнхий хорооны гишүүдийг гурван жилийн хугацаатай сонгодог юм байна. Мөн ерөнхий хорооны дарга, орлогч даргын үүргийг хоёр тал мөн гурван жилийн хугацаатай ээлжлэн гүйцэтгэнэ гэж дүрэмдээ заажээ.
 

Гэхдээ энэ хурлын хамгийн гол асуудал нь дээр хэлсэнчлэн “УБТЗ” ХНН-ийн дарга Д.Жигжиднямааг чөлөөлөх тухай юм байна. Өөрөөр хэлбэл, Д.Жигжиднямааг чөлөөлөх нь тодорхой, харин түүний оронд хэн "УБТЗ” ХНН-ийн дарга болох вэ гэдэг асуудал анхаарал татаж байгаа юм.

Зууны мэдээ
Б.Дамдин-Очир

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • tumur zamchin 2018-12-15 11:33:48
    olloo.mn bodit medeelel bich. dandaa bitgii xund xudaldagsaj bai. archaagui site ve
  • Jigjidnyamaa 2018-12-14 04:20:33
    Laboratorin xulxi tenderee yaax gej baigaa boloo.Tegeed buugaad xulxidaad alga bolox gej bgaa um u?ATG -nxan ta nar xudulj yadsaar baital idej uugaad alga bollo...
  • зочин 2018-12-14 02:34:23
    Энэ Жигжиднямаа гэдэг хүний талаар үнэн худал нь мэдэгдэхгүй маш их мэдээлэл гарах юм даа,
  • Бат 2018-12-14 02:02:31
    Нэн яаралтай Үндсэн хуулиндаа өөрчлөлт оруулж параламентаа 2 танхимтай болгож төрдөө ард түмэн хяналт тавихгүй бол одоогийн төр мухардалд орлоо
  • TZ CHIN 2018-12-14 01:55:29
    mongolchuud pizdaa, engeed l hudlaa tashaa, zahialagt medee bicheed bdiimaa.