Шатар сонирхогчдын нийслэлийн аваргыг шалгарууллаа

Монгол Улсын шинэ Үндсэн хуулийг баталсны ойн өдрийг тэмдэглэн өнгөрүүлэх ажлын хүрээнд УИХ-ын даргын ивээл дор жил бүрийн нэгдүгээр сард "Шатар сонирхогчдын улсын аварга шалгаруулах тэмцээн"-ийг зохион байгуулдаг уламжлалтай. Уг тэмцээний анхан шат буюу дүүргүүдийн аварга шалгаруулах тэмцээнийг өнгөрсөн арваннэгдүгээр сард зохион байгуулсан юм.

Тэгвэл хагас шигээ буюу "Шатар сонирхогчдын нийслэлийн аварга шалгаруулах тэмцээн"-ийг өнгөрсөн амралтын өдрүүдэд нийслэлийн ИТХ-ын ивээл дор "Оюунлаг иргэдтэй нийслэлийн төлөө" уриатайгаар нийслэлийн Шатрын холбоотой хамтран зохион байгуулж, аваргуудаа шалгарууллаа. Нийслэлийн ИТХ-ын Тэргүүлэгчдийн Нарийн бичгийн дарга бөгөөд Ажлын албаны дарга Б.Батбямба тэмцээний нээлтийн үеэр "Шатар тоглох нь тархины дасгал болж, оюуныг хөгжүүлдэг гэдгийг хүн бүр мэднэ. Та бүхнийг оюуны спортоор идэвхтэй хичээллэж, бусдадаа үлгэр дуурайл үзүүлж байгаад талархаж байна. Та бүхэндээ амжилт хүсье" гэсэн юм.

Тус тэмцээнд 78 тамирчин оролцож, швейцар системээр найман өрөг, талдаа нэг цагийн хяналттай тоглож, өрсөлдсөн юм. Тэмцээнээс 18 эрэгтэй, есөн эмэгтэй тамирчин ирэх оны нэгдүгээр сард болох "Шатар сонирхогчдын улсын аварга шалгаруулах тэмцээн"-д  оролцох эрх авлаа.

Эх сурвалж: Нийслэлийн ИТХ-ын ХМОНХТ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.