Нефть импортлогчид бензин, шатахууны үнээ бууруулна гэв

ЗГХЭГ-ын дарга Г.Занданшатар, УУХҮ-ийн сайд Д.Сумъяабазар нар өнөөдөр нефть импортлогч компаниудын удирдлагуудтай уулзаж, бензин, шатахууны үнийг бууруулах боломжийн талаар санал солилцож зарчмын байр сууринд хүрлээ.

Дэлхийн зах зээл дээр нефтийн үнэ буурч байгаа үед импортлогчид бараа бүтээгдэхүүний үнээ бууруулж, нэмэгдсэн үед нэмэх байдлаар зах зээлийн уян хатан бодлого хэрэгжүүлэх ёстой. Засгийн газар бензиний үнийг хүчээр барьж, импортлогчдод дарамт үзүүлж, үнэ тогтворжуулах бодлого хэрэгжүүлэхгүй гэдэг байр суурь баримталсаар ирсэн. Иймд ам.долларын ханш суларч, дэлхийн зах зээл дээр нефть бүтээгдэхүүний үнэ эрс буурсан энэ үед ойрын хугацаанд бензин шатахууныхаа үнийг литр тутамд хямдруулах нэгдсэн арга хэмжээ авахыг импортлогч компаниудаас Засгийн газар шаардаж байгааг ЗГХЭГ-ын дарга Г.Занданшатар илэрхийллээ.

Импортлогчид улстөрийн зорилгоор эсвэл үгсэн хуйвалдах хэлбэрээр үнээ бууруулахгүй санаатай үйлдэл гаргавал тусгай зөвшөөрлийг нь цуцлах хүртэл арга хэмжээ авахыг УУХҮ-ийн сайд Д.Сумъяабазар анхааруулав.

Төгрөгийн ханш чангарч, ам.долларын ханш аажмаар суларч байна. Энэ байдал тогтворжвол дэлхийн зах зээлийн үнэтэй хамааруулж бензин шатахууны үнээ шат дараатай бууруулах боломжтой гэдгээ импортлогчид хэллээ.

Ам.долларын ханшийг хөөрөгдөж, зохиомол хомсдол үүсгэн, бензин шатахууны үнийг өсгөхөд хүргэсэн гол хүчин зүйлийн нэг нь БНХАУ-руу Тавантолгойн ордоос хийж буй нүүрс тээвэрлэлт саатах нь гэх мэдээлэл нийгэмд тархсан явдал байв. Иймд ЗГХЭГ-ын дарга БНХАУ-ын ЭСЯ-ны удирдлагуудтай уулзаж мэдээлэл сонсов. 


 

Нүүрс тээвэрлэлт хэвийн болно

 

ЗГХЭГ-ын дарга Г.Занданшатар мөн энэ өдөр  БНХАУ-ын Элчин сайдын яамны Хэргийг түр хамаарагч Ян Чин Дун, Улстөрийн зөвлөх Ли Янь Жүн нарыг хүлээн авч уулзан Тавантолгой, Гашуунсухайт, Ганцмодны боомт чиглэлд нүүрс тээврийн тэрэгний урт дараалал үүсээд байгаа явдалд БНХАУ-ын ЭСЯ-аас анхаарлаа хандуулж, нүүрс тээврийн автомашины хил нэвтрэх тоог нэмэгдүүлэхийг хүслээ. БНХАУ-ын Засгийн газраас хилийн боомтууддаа техник, технологийн нэгдсэн шинэчлэлт хийж, ухаалаг системд шилжиж байгаа нь Ганцмод боомтын үйл ажиллагааг түр удаашруулсан байна.  Боомт дахь технологийн шинэчлэлт дуусч буй бөгөөд энэ долоо хоногоос нүүрс тээврийн автомашинуудыг хилээр нэвтрүүлэх ажил хэвийн горимд шилжинэ гээд энэхүү түр зуурын саатал нь Хятад Монголын худалдаа эдийн засгийн харилцаанд сөрөг нөлөө үзүүлэхгүй гэдэгт итгэж байна гэж ноён Ян Чин Дун хэлэв гэж Засгийн газрын Хэвлэл, мэдээлэл олон нийттэй харилцах хэлтсээс мэдээллээ. 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • БАТ 2018-12-05 14:28:29
    НЕФТЬ ИМПОРТЛОГЧИД ЮУ ГЭНЭВ ??? ҮНЭЭ НЭМЭХДЭЭ ШАТ АЛГАСААД НЭМЧИХДЭГ БУУЛГАХ БОЛОХООР ШАТ ШАТААР БУУЛГАНА ГЭЖ ДАХИН АРД ТҮМНИЙГ ТОХУУРХАН ДОРОМЖЛОВ !!!
  • зочин 2018-12-05 00:45:59
    Доллар ханш буурч байгаа гэнэ үү.
  • Зочин 2018-12-04 18:09:46
    Цэцийгээс хилээр авна гэсэн тоогоор нь ачилтыг хийж байгаачээ. Авах авахгүйг нь мэдэхгүй хэдэн мянган машинд ачилт хийгээд замаар нэг очер болгохоор цаадуул чин...
  • Үнэн гэж бодном 2018-12-04 16:15:48
    Шатахууны үнийг бууруулах л хэрэгтай ашигтай өолоод нь энэ бизнёсээс татгалзахгүй хийгээд бгаа биз дэ татгалзвал Монголдоо үйлдвэрээ барихаас өөр аргагүй болоод...
  • Fh 2018-12-04 13:48:07
    Ene amisgaanuud arai baga hanshaar dollaraa avdag baih shuu
  • Oyun 2018-12-04 13:13:13
    Gaihaad bn. Omno ni ZG ene arga hemjeeg abch boloogui umuu. Esvel iim amarhan shiiddeg asuudal uu ih sonin
  • Эрд 2018-12-04 12:34:58
    Өнөөдөр 17 төгрөгөөр ханш өссөн байна ийм байхад яаж шатхууны үнэ буух юм бэ засгийн газар ханшаа барьж чадахгүй байж дандаа дарамталсан ажил л хийх юм