Таеквондоч М.Түмэнбаяр Армийн ДАШТ-ээс хүрэл медаль хүртлээ
Бразилийн Рио Де Жаниеро хотноо 24 дэх удаагийн Армийн Дэлхийн аварга шалгаруулах тэмцээн болж байна. Энэ удаагийн тэмцээнд дэлхийн 41 орны 500 гаруй тамирчин оролцож буй юм. Өчигдөр буюу арваннэгдүгээр сарын 29-нд манай тамирчин М.Түмэнбаяр урамтай сайхан тоглолтууд хийж, Монголын таеквондогийн түүхэнд шинэ хуудас нээж хүрэл медаль хүртлээ.

Тэрбээр тэмцээний салхийг хагалж -58кг жинд зодоглосон. Эхний тойрогт гоц мөргөж хоёрдугаар тойрогт Камерун улсын тамирчныг, гуравдугаар тойрогт Шри Ланка улсын тамирчныг тус тус онооны илт давуугаар буулган авсан юм. Харин хагас шигшээ тоглолтод БНХАУ-ын тамирчинд хожигдож, дагах тулаанд Кувейт улсын тамирчныг онооны илт давуугаар буулган авснаар хүрэл медаль хүртсэн юм. М.Түмэнбаяр нь Алдар спорт хороо, Монголын Таеквондогийн Үндэсний шигшээ багийн тамирчин билээ.  Тэрээр 2018 онд Ази тивийн аварга шалгаруулах тэмцээнээс хүрэл медаль, Оюутны Дэлхийн Аварга Шалгаруулах Тэмцээнээс Алтан медаль, Армийн Дэлхийн Аварга Шалгаруулах Тэмцээнээс хүрэл медаль хүртээд байна.



Армийн дэлхийн аварга шалгаруулах тэмцээнд Алдар спорт хороо, Монголын Таеквондогийн Үндэсний шигшээ багийн таван тамирчин Алдар спорт хорооны дасгалжуулагч,  дасгалжуулагч багш Н.Эрдэнэбаатарын удирдлага дор оролцож байгаа юм.

Б.ОД

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.