500 га газрыг нөхөн сэргээх шаардлагатай байна
Швейцарын хөгжлийн агентлагаас санаачлан бичил уурхай болоод алтны нийлүүлэлтийн талаар сэтгүүлчдийг хамруулсан олон талт сургалтыг үе шаттай явуулдаг уламжлалтай.

“Хариуцлагатай бичил уурхай, алтны нийлүүлэлтийн сүлжээ” сэдэвт аялалд нийтдээ 30 орчим сэтгүүлч хамрагдлаа.
Энэ жил шинээр ашиглалтад орсон алтны сорьц тогтоох, худалдан авах нэг цэгийн үйлчилгээг сэтгүүлч нарт танилцуулах ажлыг зохион байгууллаа.

Улсын хэмжээнд хуулийн хүрээнд зохион байгуулалтад орсон 6500 гаруй бичил уурхайчин байдаг байна.
Харин Дархан-Уул аймгийн Шарын гол суманд үйл ажиллагаа явуулж буй “Буянтын хөндий” төрийн бус байгууллагын 200 орчим бичил уурхайчидтай уулзалт хийн үйл ажиллагаатай нь газар дээр нь танилцав.

Мөн тус аймгийн Стандарт хэмжилзүйн хэлтсийн харьяа Сорьцын хяналтын газартай танилцаж өөрсдийн сонирхсон асуултаа аймаг орон нутгийн удирдлагуудаас асууж хариултаа авчээ. Тус аяллын гол зорилго нь Бичил уурхайн сайн жишээг олон нийтэд таниулах, бичил уурхайгаар олборлосон алтны худалдааны төвлөрлийг бууруулах, алтны гарал үүсэл, ил тод байдлыг нэмэгдүүлэхэд болон Дархан-Уул аймагт байгуулагдсан алтны сорьц тогтоох, худалдан авах нэг цэгийн үйлчилгээний талаар олон нийтэд зөв ойлголт өгөхийг зорьжээ.

Дархан-Уул аймгийн Засаг даргын орлогч Б.Ганболд “Бичил уурхай эрхлэгч нөхөрлөлд энэ онд таван удаа хяналт шалгалт хийсэн. Өнгөрсөн онд эвдэрсэн газрынхаа тооллогыг хийжээ. Өнөөдрийн байдлаар 500 га газрын нөхөн сэргээх шаардлагатай байгаа. Аймгийн Стандарт, хэмжилзүйн газрын харьяа Сорьцын хяналтын газарт өнгөрсөн аравдугаар 15-ны байдлаар 3 аж ахуй нэгж 20 гаруй иргэн нийтдээ 64 гулдмай буюу 99 кг алтыг Дархан-Уул аймгийн харьяа Монголбанкинд тушаасан байна” гэв.

 
О.Сайхан
Оллоо.mn 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.