“Юнивишн” ХХК Дархан-Уул аймагт хууль бусаар үйл ажиллагаа явуулж байгаа талаар "Дархан Ай Пи Тв"-гийн захирал Б.Бямбадаш өнгөрсөн сарын эхээр мэдээлж байсан билээ. Тодруулбал “Юнивишн” компани нь Дархан-Уул аймагт харилцаа холбоо, технологийн чиглэлээр үйл ажиллагаа явуулах тусгай зөвшөөрөлгүйгээр “Ай Пи Тв” үйлчилгээгээ эхлүүлж өөрийн зах зээлд эзэлсэн давуу байдлаа ашиглан үнэ төлбөргүй холболт хийж эхэлсэн байна. Тэдний энэхүү хууль бус үйл ажиллагаанаас болж Дархан-Уул аймагт энэ чиглэлээр үйл ажиллагаа явуулах тусгай зөвшөөрөл бүхий “Ай Ай Эн” ХХК дампуурах аюулд оржээ.
Тус компанийнхан “Юнивишн” компанийн энэхүү хууль бус үйлдлээс болж 400 сая төгрөгөөр шатжээ. Тиймээс тус компанийг Өрсөлдөөний тухай хууль, Харилцаа холбооны тухай хууль зэрэг хэд хэдэн хууль журам зөрчсөн тул холбогдох газруудад нь шалгуулах хүсэлтээ өгсөн байна. Энэ дагуу ШӨХТГ-ынхан ажиллаж байгаа бөгөөд одоогоор шалгалт арай дуусаагүй байгаа хэмээн тус газрын мэргэжилтэн хэлж байна. Шалгалтын хариу гарсан даруйд бид эргэн мэдээлэх болно.
Б.Сансартуяа
Оллоо.мн
Тус компанийнхан “Юнивишн” компанийн энэхүү хууль бус үйлдлээс болж 400 сая төгрөгөөр шатжээ. Тиймээс тус компанийг Өрсөлдөөний тухай хууль, Харилцаа холбооны тухай хууль зэрэг хэд хэдэн хууль журам зөрчсөн тул холбогдох газруудад нь шалгуулах хүсэлтээ өгсөн байна. Энэ дагуу ШӨХТГ-ынхан ажиллаж байгаа бөгөөд одоогоор шалгалт арай дуусаагүй байгаа хэмээн тус газрын мэргэжилтэн хэлж байна. Шалгалтын хариу гарсан даруйд бид эргэн мэдээлэх болно.
Б.Сансартуяа
Оллоо.мн