Нэр бүхий албан тушаалтнууд нэгдүгээр сургуульд авлига үүсэх нөхцөлийг бүрдүүлжээ

Авлигатай тэмцэх газраас Нийслэлийн Засаг дарга С.Батболдод Мөрдөгчийн мэдэгдэл хүргүүлсэн байна.

Тодруулбал, Нийслэлийн нэгдүгээр сургуулийн захирлын үүргийг түр орлон гүйцэтгэгч Г.Бум-Эрдэнэ нь холбогдох хууль тогтоомжийг ноцтой зөрчин Багшийн мэргэжил дээшлүүлэх инстиут, Нийслэлийн Боловсролын газрын харьяа байгууллагын нэр бүхий албан тушаалтнуудтай үгсэн тохирч хамран сургах тойргийн бус хүүхдүүдийг тус сургуульд элсүүлэх, шилжүүлэн суралцуулсныхаа төлөө эцэг, эхээс удаа дараагийн үйлдлээр хахууль авсан гэмт хэрэгт холбогдуулан Мөрдөгчийн мэдэгдлийг Эрүүгийн хэрэг хянан шийдвэрлэх тухай хуулийн 29.6 дугаар зүйлд заасныг үндэслэн хүргүүлжээ.

Энэ гэмт хэрэг үйлдэгдэхэд хэд хэдэн шалтгаан, нөхцөл нөлөөлсөн гэж АТГ-ын мөрдөгч нар үзэж байна. Тухайлбал, Сүхбаатар дүүргийн Боловсролын хэлтсийн бага боловсрол хариуцсан мэргэжилтэн М, 32 дугаар сургуулийн захирал М, Багшийн мэргэжил дээшлүүлэх институтын дэд захирал О нар нь Авлигын эсрэг хууль болон “Ерөнхий боловсролын сургууль, цэцэрлэг, албан бус, насан туршийн боловсролын төвийн багш, удирдах болон бусад ажилтны ёс зүйн дүрэм”-д заасныг зөрчиж, тухайн салбарт нь үйлдэгдсэн авлигын гэмт хэрэгт хамтран оролцож, өөртөө болон танилууддаа хууль бус давуу байдал бий болгосон. Мөн УИХ-ын гишүүн, нийслэлийн агентлаг, БСШУСЯ-ны нэр бүхий албан тушаалтнууд нь хамран сургах тойргийн бус хүүхдүүдийг нэгдүгээр сургуульд элсэн суралцуулах агуулга бүхий хүсэлт, чиглэлийг тус сургуулийн захиралд өгч, авлига үүсэх нөхцөлийг бүрдүүлжээ.

Түүнээс гадна Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 17 дугаар зүйлд заасан зохицуулалтыг хэрэгжүүлдэггүй, эрх зүйн мэдлэг дутмаг, Нийслэлийн Боловсролын газар нь хууль тогтоомж, гаргасан тушаалынхаа биелэлт, хэрэгжилтийг хянадаггүй зэрэг нөхцөл, шалтгаан нөлөөлсөн болохыг Мөрдөгчийн мэдэгдэлд дурджээ.

Мөрдөгчийн мэдэгдлийн мөрөөр авлигын гэмт хэргээс урьдчилан сэргийлэх, гэмт хэрэг гарахад нөлөөлсөн шалтгаан, нөхцөлийг арилгах, дахин энэ төрлийн гэмт хэргийг үйлдүүлэхгүй байх, албан хаагчдын ёс зүйг дээшлүүлэх чиглэлээр тодорхой ажлууд зохион байгуулах, мэдэгдэлд нэр дурдагдсан албан тушаалтнуудад хариуцлага тооцож Эрүүгийн хэрэг хянан шийдвэрлэх тухай хуульд заасан хугацаанд хариу мэдэгдэхийг хүсчээ.

Х.Хулан

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • doogii 2018-12-27 09:23:55
    urdah zahiral ni hyrtel abilgalaar bajzaad arai gej tetgebertee garsan,1r syrgyylid hyyhdee oruulah geed eh ecgyyd helsen heden mjngan dollariig ogsoor olon zil...
  • zochin 2018-12-06 04:04:53
    Авилга авч багш нарын нэр хүндийг шавартай хутгаж байгаа захирлуудыг нэр устай нь олон нийтэд мэдээлж байх нь зөв юм. Захирлууд олигархжаад байна шүү!!!
  • иргэн 2018-11-04 04:48:02
    мэргэжлийн хяналт сургууль цэцэрлэг эмнэлэг ер нь авлигагуй юм монголд байхгуй болсон юм шив дээ
  • зочин 2018-11-03 11:44:28
    Яасан бүдэг бадаг муу мэдээ бичдэг юм бэ? ЯАМНЫ АЛБАН ТУШААЛТНЫГ НЬ НЭРЛЭЖ ЧАДАХГҮЙ ЮУ? ХУЛЧГАР БАЙНА.
  • Бүх сургуулийн захирлуудыг шалга 2018-11-01 15:38:27
    Бусад сургуулийн захирлууд ч мөн авилгал авдаг гэдгийг олон түмэн мэдэж байгаа шүү дээ.
  • 93 in zahirliig shalga 2018-11-01 15:38:06
    1-in dara odo 93 dugar surguukin zahiral huvi-zayag shalga ugnuu. 1-r angiin 2 buleg avah yostoigoos ene jil iluu 2- iig avLA.