Зөөгч нар бусдын картын мэдээллийг ашиглаж, 6 сая төгрөгийн хохирол учруулжээ
Цагдаагийн газрын эх сурвалж “Залилагч нар зөөгч хийдэг юм” гэж хэлж байсан нь үнэний ортой.

Шүүгч нар ч бусдын картын нууц дөрвөн орныг ашиглаж, их хэмжээний залилан хийсэн этгээдүүдэд холбогдох шүүх хурал олон ордог талаар ярьж байв.
 
Сүүлийн үед иргэд бэлэн бус төлбөрөөр тооцоо хийхийг чухалчилдаг болсон билээ. Үйл ажиллагаагаа явуулж буй албан байгууллага болон зоогийн газар үйлчилгээний цэгүүд карт уншигч “Epos” төхөөрөмж ашиглан иргэдэд үйлчилдэг.
 
Энэхүү үйлчилгээний хялбар аргыг ашиглан Төрийн ордны хажууд байрлах Франц ресторанд ажилладаг зөөгч нар бүлэглэн үйлчлүүлэгч нарынхаа картнаас их хэмжээний мөнгө авсан хэрэг гарчээ.
 
Хэргийг тодруулбал, тус ресторанд зөөгчийн ажил эрхэлдэг 18-25 насны Н, Э, Д нарын гурван этгээд тооцоо хийхдээ карт ашиглаж нийт 19 иргэний картаас зургаан сая төгрөг авсан байна.
 
Тэд үйлчлүүлэгчдээс картынх нь 4 оронтой нууц кодыг асууж, төхөөрөмжид уншуулах явцдаа туузан мэдээллийг нь хуулдаг аж. Хуулсан мэдээллээ тусгай төхөөрөмж ашиглан олон удаагийн үйлдлээр бусдын картаас мөнгө уншуулдаг байжээ.

Уг хэргийг Эрүүгийн цагдаагийн газрын Кибер гэмт хэрэгтэй тэмцэх хэлтэс илрүүлэн шалгаж байна. Шалгалтын явцад урьдчилсан байдлаар 6 сая төгрөгийн хохирол учирсан бөгөөд хэргийг үргэлжлүүлэн нарийвчлан шалгаж байгаа хэмээн албаны эх сурвалж мэдээлэв.
 
Иймд иргэдийг үйлчилгээний байгууллагаар үйлчлүүлж карт ашиглахдаа өөрийн нууц дугаарыг бусдад хэлэхгүй, өөрийн гараар хийж байхыг анхааруулж байна.

О.Сайхан
Оллоо.mn 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Zochin 2018-10-16 16:39:42
    Restaruaniih ni bairshliig helehee bolildoo naana chin businessiin erh ashig zurchigduj bn. Hulgai hiisen zalilsan humuus ni tend ajilj bsn humuus ni bolhoos
    122.201.21.14
    Мэдэгдсэн Хариулах
    • Zochin urgeljlel 2018-10-16 16:41:24
      Restaruan ni uuruu bish shuudee tgeed ch tend gantshan frants restaraun tend bga ene medeegee zasaj bich
      122.201.21.14
      Мэдэгдсэн Хариулах
  • zochin 2018-10-16 03:44:02
    Damaa ene kolonkuud...nuuts kod hed be geed l baidag shdee
    202.179.26.29
    Мэдэгдсэн Хариулах
  • ene 2018-10-16 03:12:22
    nuuts dugaar ni hed ve geed asuugaad bdiinshd
    103.87.255.42
    Мэдэгдсэн Хариулах