Аюулт үзэгдэл, ослын улмаас 15.8 тэрбум төгрөгийн хохирол учирчээ

Он гарсаар долдугаар сарын 31-ний өдрийн байдлаар улсын хэмжээнд нийт 2715 удаа аюулт үзэгдэл, осол тохиолджээ. Үүний улмаас 120 хүн амь насаа алдан, 40 хүн гэмтэж бэртэж, 1412.9  мянган толгой мал хорогдон, 15,8 тэрбум төгрөгийн шууд хохирол учирчээ.

Тохиолдсон аюулт үзэгдэл, ослын тоо, хохирлыг өнгөрсөн оны мөн үетэй харьцуулахад аюулт үзэгдэл ослын тоо 7,7 хувиар буурсан бол хохирлын хэмжээ 25,3 хувиар өссөн үзүүлэлттэй байна.

Эдгээрийн хор уршгийг арилгахад Онцгой байдлын байгууллагын  болон орон нутгийн  нийт 15760 гаруй  хүн, 3170 орчим  автомашинтайгаар ажиллаж, 659 хүний амь нас, байгууллага, аж ахуйн нэгж, иргэдийн 29.2 тэрбум төгрөгийн өмч хөрөнгийг авран хамгаалжээ. Гамшигтай тэмцэх, хор уршгийг арилгах ажилд Засгийн газар, Онцгой байдлын алба болон орон нутгаас 9,9 тэрбум төгрөг зарцуулсан байна.

Өнгөрсөн онтой харьцуулахад улсын хэмжээнд аюулт үзэгдэл, осолд өртөж нас барсан хүний тоо долоогоор, гэмтэж бэртсэн хүний тоо наймаар тус тус буурчээ.


Харин аюулт үзэгдэл, ослоос аварсан хүний тоог өнгөрсөн оны мөн үетэй харьцуулахад 74-өөр буурч, аварсан эд хөрөнгө 15,4 тэрбум төгрөгөөр нэмэгдсэн байна гэж Онцгой байдлын ерөнхий газраас мэдээллээ.



Х.Хулан

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.