Дэлхийн аялал жуулчлалын нүүр царайг сонгох хамгийн том шалгаруулалт болох “The world miss tourism ambassador 2018” тэмцээний тайзнаа Монгол бүсгүйн гоо үзэсгэлэнг гайхуулж чадсан мисс Б.Гүнзаяа өчигдөр эх орондоо иржээ.
Өнгөрсөн сарын 25-наас энэ сарын 08-ний хооронд Тайланд улсад зохион байгуулагдсан энэхүү тэмцээнд Монгол Улсын төлөөлөл эхнээсээ номинаци бүрт тэргүүлж дэмжигч, фэнүүдээ баярлуулж, омогшуулж байсан гэнэ.
1994 оноос хойш уламжлал болон зохион байгуулагдаж байгаа тус тэмцээний энэ оны шалгаруулалтад 57 орны гоо охид шалгаран уригдаж 14 хоногийн туршид тусгай хөтөлбөрийн дагуу тэсвэр хатуужил, гоо үзэсгэлэн, нийгмийн хариуцлага, авьяас чадвараараа өрсөлдсөнөөс Монгол охин Б.Гүнзаяа гуравдугаар байрын шагналыг эх орондоо авчирлаа.
“The world miss tourism ambassador 2018” арга хэмжээг зохион байгуулагчид болоод хэвлэлийн агентлагууд, үзэгчдийн онцолсоноор Монголын төлөөлөл болон оролцсон Б.Гүнзаяа онгон дагшин байгалийн сүр хүч, нүүдэлчин амьдралын хэмнэл, тал нутгийн охидын эрэмгий зоригийг илтгэсэн эко видео, хувийн үзүүлбэр, үндэсний хувцасаараа өөрийн эрхгүй анхаарал татаж байсныг мэдээлжээ.
Б.Гүнзаяа охин ийнхүү дэлхийн нэр хүндтэй арга хэмжээнд амжилт үзүүлж эх орноо сурталчилж, аялал жуулчлалын хөгжилд хувь нэмрээ оруулсандаа баяртай байгаагаа илэрхийлсэн байна. Мөн тэмцээний хамгийн чухал шалгаруулалт болох олон нийтийн санал асуулгын сүлжээнд Монголчууд хамтдаа байж, тасралтгүй саналаа өгч нийт дүнгээрээ тэргүүлж байсан нь онцлох үйл явдал болж чадсан юм. Энэ бол бидний эв нэгдлийг харуулсан үнэхээр сэтгэл догдлуулсан мөчүүд байсан гэж Б.Гүнзаяа ярьжээ.
Тэмцээнийг үзэхээр дэлхийн 100 гаруй орны 40 орчим сая жуулчин Тайландыг зорин ирсэн бөгөөд эх орноо төлөөлөн оролцож байгаа охидоос тус орны өв соёлыг танин мэдэж дараа дараагийн аялалынхаа зорилгыг тодорхойлсоноо илэрхийлсэн байна. Манай орны хувьд энэхүү олон улсын цар хүрээтэй тэмцээнд 3дахь удаагаа амжилттай оролцож байгаа бөгөөд Б.Гүнзаяа энэ удаа хүндэт титмийг эх орондоо авчирч чадав.
О.Сайхан
Оллоо.mn
Өнгөрсөн сарын 25-наас энэ сарын 08-ний хооронд Тайланд улсад зохион байгуулагдсан энэхүү тэмцээнд Монгол Улсын төлөөлөл эхнээсээ номинаци бүрт тэргүүлж дэмжигч, фэнүүдээ баярлуулж, омогшуулж байсан гэнэ.
1994 оноос хойш уламжлал болон зохион байгуулагдаж байгаа тус тэмцээний энэ оны шалгаруулалтад 57 орны гоо охид шалгаран уригдаж 14 хоногийн туршид тусгай хөтөлбөрийн дагуу тэсвэр хатуужил, гоо үзэсгэлэн, нийгмийн хариуцлага, авьяас чадвараараа өрсөлдсөнөөс Монгол охин Б.Гүнзаяа гуравдугаар байрын шагналыг эх орондоо авчирлаа.
“The world miss tourism ambassador 2018” арга хэмжээг зохион байгуулагчид болоод хэвлэлийн агентлагууд, үзэгчдийн онцолсоноор Монголын төлөөлөл болон оролцсон Б.Гүнзаяа онгон дагшин байгалийн сүр хүч, нүүдэлчин амьдралын хэмнэл, тал нутгийн охидын эрэмгий зоригийг илтгэсэн эко видео, хувийн үзүүлбэр, үндэсний хувцасаараа өөрийн эрхгүй анхаарал татаж байсныг мэдээлжээ.
Б.Гүнзаяа охин ийнхүү дэлхийн нэр хүндтэй арга хэмжээнд амжилт үзүүлж эх орноо сурталчилж, аялал жуулчлалын хөгжилд хувь нэмрээ оруулсандаа баяртай байгаагаа илэрхийлсэн байна. Мөн тэмцээний хамгийн чухал шалгаруулалт болох олон нийтийн санал асуулгын сүлжээнд Монголчууд хамтдаа байж, тасралтгүй саналаа өгч нийт дүнгээрээ тэргүүлж байсан нь онцлох үйл явдал болж чадсан юм. Энэ бол бидний эв нэгдлийг харуулсан үнэхээр сэтгэл догдлуулсан мөчүүд байсан гэж Б.Гүнзаяа ярьжээ.
Тэмцээнийг үзэхээр дэлхийн 100 гаруй орны 40 орчим сая жуулчин Тайландыг зорин ирсэн бөгөөд эх орноо төлөөлөн оролцож байгаа охидоос тус орны өв соёлыг танин мэдэж дараа дараагийн аялалынхаа зорилгыг тодорхойлсоноо илэрхийлсэн байна. Манай орны хувьд энэхүү олон улсын цар хүрээтэй тэмцээнд 3дахь удаагаа амжилттай оролцож байгаа бөгөөд Б.Гүнзаяа энэ удаа хүндэт титмийг эх орондоо авчирч чадав.
О.Сайхан
Оллоо.mn