Хүний нутагт ажиллаж амьдарч байгаа монголчууд улсынхаа их баяр наадмаар нутгаа ихээр үгүйлэн санадаг байна. Харь газар буюу Чех улсад ажиллаж амьдарч байгаа нэгэн залуу эх нутгаа, элгэн саднаа санаж ийнхүү шүлэглэжээ.
Салхи ирлэн уралдах соёолонгийн тоосонд нэг булагдахсан
Санагдан санагдан зүүдлэх аавынхаа газрыг нэг эргэхсэн
Сар хээрлэх хөдөө адуу манаж нэг хонохсон
Сайхан ээжтэйгээ хуучлан өнжин ярьж суухсан
Монголдоо л нэг очихсон
Хэлхэгэр дээлтэй эрчүүдийнхээ урцалдан барилдахыг нэг үзэхсэн
Хэдэр ааштай өвгөдийнхээ уурлаж уцаарлахыг нэг харахсан
Хэдэн муу найз нартайгаа өдөржин дарвиж суухсан
Хэний ч юм бэ, найран дээр шөнөжин дуулж хонохсон
Монголдоо л нэг очихсон
Таанын айрганд цохиулж хэдэнтээ унаад босохсон
Тарваганы боодогонд бялуурч хэсэгтээ өег алхсан
Тавилан заяаны минь шүтээн Жанрайсагтаа нэг мөргөхсөн
Танихгүй нэгэнтэй учирч, улсаа ярьж магтахсан
Монголдоо нэг очихсоон.....
О.Сайхан
Оллоо.mn
Салхи ирлэн уралдах соёолонгийн тоосонд нэг булагдахсан
Санагдан санагдан зүүдлэх аавынхаа газрыг нэг эргэхсэн
Сар хээрлэх хөдөө адуу манаж нэг хонохсон
Сайхан ээжтэйгээ хуучлан өнжин ярьж суухсан
Монголдоо л нэг очихсон
Хэлхэгэр дээлтэй эрчүүдийнхээ урцалдан барилдахыг нэг үзэхсэн
Хэдэр ааштай өвгөдийнхээ уурлаж уцаарлахыг нэг харахсан
Хэдэн муу найз нартайгаа өдөржин дарвиж суухсан
Хэний ч юм бэ, найран дээр шөнөжин дуулж хонохсон
Монголдоо л нэг очихсон
Таанын айрганд цохиулж хэдэнтээ унаад босохсон
Тарваганы боодогонд бялуурч хэсэгтээ өег алхсан
Тавилан заяаны минь шүтээн Жанрайсагтаа нэг мөргөхсөн
Танихгүй нэгэнтэй учирч, улсаа ярьж магтахсан
Монголдоо нэг очихсоон.....
О.Сайхан
Оллоо.mn