Гэр хорооллын иргэдийг сайжруулсан түлшээр хангах төлөвлөгөөг батлав

Нийслэлийн Засаг даргын зөвлөл өчигдөр/07.05/ хуралдлаа. Хуралдаанаар Засгийн газрын 2018 оны “Түүхий нүүрсний хэрэглээг хориглох тухай” тогтоолын хүрээнд хэрэгжүүлэх ажлын төлөвлөгөөний төслийг хэлэлцэж батлав. Хотын удирдлагууд өвлийн бэлтгэл ажлаа эртнээс ярьж, агаар орчны бохирдлыг бууруулах ажлын хүрээнд хийж хэрэгжүүлэх ажлын төлөвлөгөөгөө ийнхүү баталж байна.

Төлөвлөгөөний хүрээнд хийгдэж ажлын талаар “Өдгөө 200 мянган өрх гэр хороололд амьдарч түүхий нүүрс хэрэглэж буй гэсэн тоо бий. Эдгээр айл өрхийг  стандартын шаардлага хангасан сайжруулсан түлшээр хангавал агаарын бохирдол тодорхой хувиар буурна. Сайжруулсан түлш үйлдвэрлэх, тээвэрлэх асуудлыг салбарын яамд хариуцах бол сайжруулсан түлшийг иргэдэд хүргэх асуудлыг НЗДТГ хариуцаж байгаа. Бидний зүгээс сайжруулсан түлшийг нийслэл дэх дундын агуулахад нөөцөлж, төвийн 6 дүүрэг дэх 390 борлуулах цэгээр дамжуулан иргэдэд хүргэхээр төлөвлөж байна.

Азийн хөгжлийн банкны 2017 онд хийсэн судалгаагаар гэр хорооллын иргэдийн 91 хувь нь нүүрсээ бөөнд нь, 9 хувь нь жижиглэнгээр худалдан авдаг гэж гарсан байдаг. Сайжруулсан түлшний нөөцлөлт, түгээлтийг нэмэгдүүлэх ажлыг хэрэгжүүлэхэд түлш худалдаалах дараа болон урьдчилсан төлбөрт тогтолцоог бүрдүүлэх шаардлагатай байна” гэж Нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан танилцууллаа.

Зөвлөлийн гишүүд уг төлөвлөөг батлах нь зүйтэй гээд бэлтгэл ажлыг сайтар хангаж, эрх зүйн орчинг боловсронгуй болгох, борлуулалт хийх иргэд, аж ахуйн нэгжид ямар дэмжлэг үзүүлэх, хяналт тавих ажилтай уялдуулж ажиллах зэргийг анхаарч ажиллах хэрэгтэй гэсэн санал хэлж байв.

Нийслэлийн Засаг дарга бөгөөд Улаанбаатар хотын Захирагч С.Батболд “Урин дулаан цаг гэлгүй бид ирэх өвлийн бэлтгэл ажил, утааг бууруулах асуудлыг ярьж, хийж хэрэгжүүлэх ажлаа төлөвлөн хэрэгжүүлэх учиртай” гээд төлөвлөгөөний төсөлд зөвлөлийн гишүүдийн саналыг тусган хэрэгжилтэд хяналт тавьж ажиллахыг Нийслэлийн Засаг даргын орлогч Ж.Батбаясгаланд үүрэг болголоо гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • иргэн 2018-07-06 02:08:25
    килкалор сайтай,үнэ хямд,борлуулах цэг сайтай хүндрэлгүй шуурхай байвал иргэд авч таараа утаа буурч таараа тийм биш бол урьдын гашуун түүх датагдана даа