“Гамшгийн эрсдэлийг бууруулахад хэвлэл мэдээллийн төлөвлөгөө“ сэдэвт сургалт боллоо
Монгол Улсын Засгийн газар, НҮБ-ын Гамшгийн эрсдэлийг бууруулах газраас Гамшгийн эрсдэлийг бууруулах Азийн сайд нарын бага хурлыг долдугаар сарын 03-06-ны өдрүүдэд Улаанбаатар хотноо зохион байгуулна. 

Тус хурлын хүрээнд НҮБ-ын Гамшгийн эрсдэлийг бууруулах газар, Азийн гамшгийн бэлэн байдлын төв, Тайландын олон нийтийн телевиз, Онцгой байдлын ерөнхий газраас хамтран Гамшгийн эрсдэлийг бууруулахад хэвлэл мэдээллийн төлөвлөгөө сургалтыг ОБЕГ-ын харьяа Давтан сургалт сэргээн заслын төвд өчигдөр зохион байгууллаа. 
 

 Азийн сайд нарын бага хурлын ач холбогдол, хурлын онцлогийн талаар хэвлэл мэдээллийн байгууллага, сэтгүүлч, зураглаачдад нэгдсэн мэдээлэл өгөх, гамшгийн эрсдэлийг бууруулахад сэтгүүлчдийн оролцоог нэмэгдүүлэх зорилготой тус сургалтад  төвийн телевиз, сонин, сайтын 30 орчим сэтгүүлч хамрагдсан юм. 

Сургалтаар өнгөрсөн 05 дугаар сарын 28-наас 06 дугаар сарын 10-ны өдрүүдэд Тайландын Вант улсад сургалтад хамрагдсан ОБЕГ-ын Гамшгаас урьдчилан сэргийлэх газрын ОНХТ-ийн ахлах мэргэжилтэн, дэслэгч Ш.Анхтуяа, МҮОНТ-ийн “ММ агентлаг”-ийн сурвалжлагч Ц.Анхбаяр, “Зууны мэдээ” сонины сэтгүүлч С.Уянга нар  туршлагаасаа хуваалцлаа. 

Мөн Азийн гамшгийн бэлэн байдлын төв, Тайландын олон нийтийн телевизээс ирсэн холбоо харилцааны болон цаг агаарын гамшгийн мэдээний чиглэлээр мэргэшсэн редактор, сэтгүүлчид удирдан явуулсан  бөгөөд дүрстэй мэдээллийг гар утас ашиглан чанарын өндөр түвшинд бэлтгэх, шуурхай дамжуулах чадварт суралцах практик дадлагуудыг хийсэн юм. 

Энэ удаагийн сэтгүүлчдийн сургалт нь НҮБ-ын Гамшгийн эрсдэлийг бууруулах газар, Азийн гамшгийн бэлэн байдлын төв, Онцгой байдлын ерөнхий газартай хамтран зохион байгуулсан гуравдахь удаагийн сургалт юм гэж Онцгой байдлын ерөнхий газраас мэдээллээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.