Түлүүгийн давааны бууж, суух цэгийг иж бүрэн шинэчилнэ
Урин дулааны цагт Монголын аялал жуулчлалын гол цэг "Хөвсгөл далай" болдог. Хөвсгөл далай явах замд Булган аймгийн төвөөс 45 км зайд том буузаараа алдартай "Түлүүгийн даваа" гэж бий. Энэхүү өндөр давааны чанх орой дээрх 3800м2 талбай тус аймгийн дөрвөн сумын 300 гаруй өрх айраг, цагаан идээ, жимс жимсгэнэ зарж амьжиргаагаа залгуулдаг гэж хэлж болох юм.

Тэгвэл энэ давааг иж бүрэн шинэчлэхээр болжээ. Тодруулбал УИХ-ын гишүүн, Зам тээврийн хөгжлийн сайд Ж.Бат-Эрдэнийн санаачилсан "Шинэ хөдөө" төслийн хүрээнд иж бүрэн шинэчлэх гэж байна.  
 

Энэхүү даваан дээр асфальтбетон хучилт, явган хүний зам болон замын хашлага, замын хэвтээ тэмдэглэгээ, тэмдэг зэргийг байршуулжээ. Мөн хурд сааруулагч, 50 гаруй жижиг автомашины зогсоол, автобус зургаа, хүнд даацын машины таван зогсоол хийгдэх юм байна. Түүнчлэн нарны тэжээлтэй шөнийн гэрэлтүүлэг, ширээ сандал, худалдаа наймаа хийх боломжтой лангуу байрлуулахаар төлөвлөжээ. Үүнээс гадна эрэгтэй, эмэгтэй ариун цэврийн байгууламж байгуулна. 

Түлүүгийн давааны шинэчлэлийн ажил долдугаар сард эхлэх бөгөөд ирэх намар хүлээлгэн өгөхөөр болжээ.

Г.Зул

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • СМУЖМУМУ 2018-06-25 10:36:46
    7-р сард эхлээд намар дуусах юм уу? Амрагч зугаалагч нар чинь 6-7-8 сард л явдаг юм шдээ. Төсөв мөнгөө өвлөөс хөөцөлдөөд 4-1-с ажлаа эхлэж ядаж 7 сарын 1-д дуус...
  • болжээ 2018-06-25 06:40:16
    монгол улсад ингэж тохижуулсан замын цэг байхгүй бас анхдагч болохнээ амжилт хүсье.