ББСБ-уудад шалгалт хийж эхэллээ

Санхүүгийн зохицуулах хорооны дарга С.Даваасүрэн тушаал гаргаж, ББСБ-уудад газар дээр нь шалгалт хийж эхэллээ. Өнөөдрийн байдлаар нийслэлд 437 ББСБ үйл ажиллагаа эрхэлж байна. Шалгалтаар Мөнгө угаах, терроризмыг санхүүжүүлэхтэй тэмцэх тухай хууль болон холбогдох зохицуулалтын хэрэгжилтийг хэсэгчлэн үзэх аж.

Өнгөрөгч тавдугаар сараас СЗХ Ажлын хэсэг байгуулан, банкнаас бусад санхүүгийн байгууллагуудад санхүүгийн гэмт үйлдлүүд, тэр дундаа мөнгө угаах, терроризмыг санхүүжүүлэх гэмт хэргээс урьдчилан сэргийлэх, хамгаалах Монгол Улсын тогтолцоо, эрх зүйн орчны талаар сургалт явуулжээ.

Улсын хэмжээнд зохион байгуулсан тус сургалтын хүрээнд холбогдох мэдээлэл, гарын авлагыг бэлтгэн түгээсэн бөгөөд дээрх хуульд шинээр орсон зохицуулалтыг хэрэгжүүлэх, ялангуяа байгууллагуудад мөнгө угаах, терроризмыг санхүүжүүлэх гэмт хэргээс сэргийлэх, санхүүгийн мэдээллийн албанд сэжигтэй гүйлгээний мэдээллийг өгч, холбогдох арга хэмжээг авч байх нэгж байгуулах, эсвэл комплаенсийн ажилтныг томилох зэрэг шаардлагыг хэрэгжүүлэх талаар тодорхой заавар, чиглэл өгсөн байна.

Эх сурвалж: Санхүүгийн зохицуулах хороо

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.