Ерөнхий сайд аа, Баянхонгор аймгийн Засаг дарга Г.Батжаргалын хөрөнгө өсөөд байна

Өнгөрсөн сард Монгол Улсын Ерөнхий сайд У.Хүрэлсүх аймгуудын Засаг дарга нарын ажлыг дүгнэж, тэднийг тансаглалаас хол байж аймаг орон нутгаа хөгжүүлэхийг анхааруулсан. Яг үнэндээ өнгөрсөн хугацаанд аймгуудын Засаг дарга нар төсвийн хөрөнгийг үрэн таран хийсэн, авлига авсан, нутаг орны хөгжилд анхаардаггүй гээд олон зүйл яригдаж эхнээсээ дээлээ нөмөрч аавынд суусан баримт ч бий. Тэгвэл өдгөө Баянхонгорчуудын итгэлийг дааж тус аймгийн Засаг дарга болсон Г.Батжаргал гэгчтэй холбоотой хэл ам одоог хүртэл тасрахгүй, хэвлэлийн хуудаснаа саараар бичүүлсэн хэвээр л байна.

Тухайлбал, тус аймагт 2017 оны дөрөвдүгээр сарын байдлаар бүртгэлтэй ажилгүй иргэдийн тоо 1237 бөгөөд энэ нь өмнөх оноос гурван хувиар өссөн үзүүлэлттэй гарсан гэдгийг статистик тоо баримт нотолж буй юм. Аймгийн иргэд нь ажилгүй гудамжинд лааз өшиглөж амьдралаа арай хийж өл залгуулж явахад Засаг ноён Г.Батжаргал төсвийн хөрөнгөөр өөртөө орон сууц худалдан авсан гэх яриа одоо хүртэл гарсан хэвээр байна. Түүний худалдаж авсан орон сууцны үнэ 52 сая төгрөг бөгөөд уг мөнгийг өнгөрсөн оны орон нутгийн төсөвт тусгасан төдийгүй аймгийнхаа Цагдаагийн дарга, өрөнхий шүүгч хоёрт мөн адил 52 сая төгрөгийн орон сууц, ЗДТГ-ын хэрэгцээнд 17 сая төгрөгийн шинэ автомашин, ИТХ-ын төлөөлөгчдийн хурлын зардалд 10 сая төгрөг, ИТХ-ын 10 тэргүүлэгчид 9.9 сая төгрөгийн “Notebook" хуваарилжээ.

Ямартай ч эрх мэдэлд дулдуйдсан Засаг ноён нэр нөлөө бүхий хүмүүст ийнхүү тусламж үзүүлсэн нь тус аймгийн санхүүгийн баримтад баримт болон үлджээ. Уг нь Ерөнхий сайд У.Хүрэлсүхийн өгсөн үүрэг чиглэлд орон нутгийн удирдлагуудыг тансаглалаас хол бай гэж үүрэгдсэн ч Г.Батжаргал даргад огтоос хамаагүй бололтой. Яг үнэндээ засаглалын тэргүүн нь гаднаас хөрөнгө оруулалт татаж, эдийн засгаа босгох гэж нэр нүүрээ барж яваа гэдгийг бид бүхэн мэднэ. Тэгэхээр Г.Батжаргал яагаад орон нутгийн төсвөөс төсөв гаргуулж өөртөө 52 сая төгрөгөөр орон сууц худалдан авах болов гэдгийг холбогдох албаныхан шалгаад үзэхэд гэмгүй болов уу.

Өдгөө Г.Батжаргал Засаг дарга болсноор түүний хөрөнгө хэрхэн яаж өссөнийг харцгаая. Тодруулбал, 2017 оны тавдугаар сард нийтлэгдсэн Засаг дарга нарын Хөрөнгө орлогын мэдүүлгээс тодорхой харагдаж байгаа юм. Түүний орлого 40 сая 897 мянга гаруй болон нэмэгдэж. Орон сууц, автомашинтай болсон бөгөөд тэмээнээс бусад малтай, 30 саяар үнэлэгдэх үнэт эдлэл бүртгэгджээ. Хадгаламжиндаа 13 сая 771 мянган төгрөг хийгээд амжсан гэдгийг хэвлэлүүд олонтаа онцолж байсан удаатай. Тиймээс л Ерөнхий сайд аа, таны шууд удирдlагын дор байдаг орон нутгийн засаг захиргаануудад чухам юу болоод тэд хэний мөнгөөр ийнхүү тансаглаж байна вэ. Засгийн газар нь хичнээн гоё, том том яриад аймаг, сум дээрээ очоод энэ ярьсан ажlууд нь унаад байвал аймаг орон нутаг яаж хөгжиж чадах билээ гэж асуумаар байна.

Хэл амтайхан Засаг ноёны суудалд тухлаад авсан Г.Батжаргал даргын хөрөнгө яаж өсөөд байгааг хэнээс асуувал зохилтой вэ.

Өглөөний сонин
Р.Төгс

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • СОНГОГЧ 2018-06-19 02:52:53
    эрх мэдэлтэнгүүд нь баяжаад иргэд нь ядуураад байвал эрх чөлөө хумигдаж тусгаар тогтнол алдагдана.
  • ?.? 2018-06-18 05:56:24
    Төсвийн хөрөнгийг зүй бусаар зарцуулсан бол эрүүгийн хариуцлага хүлээлгэдэг заалт Эрүүгийн хуулинд бий шүү дээ!!! Зүгээр шүүмжлээд л орхих уу???
  • зочин 2018-06-18 02:42:17
    албан тушаалын байр ш дээ. Энэ нөхөр огцроход цагдаа, прокурор нь шилжээд явахад дараагийхад нь үлднэ. Мэдсээр байж мэдээгүй юм шиг бичих сэтгүүлч нарыг яая даа...
  • fhg 2018-06-18 01:41:35
    tsagdaagiin dargad ogch bgaa bair ni avilgal uu