Энэ жил зургаан эмнэлгийн гадна талбайг иж бүрэн тохижуулна

Нийслэлийн 2019 оны нийгэм эдийн засгийн зорилт, Нийслэлийн засаг даргын мөрийн хөтөлбөрийн хүрээнд тохижилт бүтээн байгуулалтын ажил эхлээд байна.

Тухайлбайл, Улаанбаатар хотын 30 орчим байршил, гудамжинд том оврын шилмүүст мод болон 10 гаруй төрлийн гоёлын бут, сөөгийг тарьж ургуулжээ. Мөн орон сууцны дунд, гудамж, эмнэлгийн гадна орчинг тохижуулах ажлууд хийгдэж байна.

Төрөх эмнэлгийн гадна үйлчлүүлэгчдийн ар гэрийнхэн хүссэн газраа машин байршуулснаас авто замын түгжрэл үүсдэг. Эмнэлэгүүдийн орц гарцын хүрэлцээ муу байгаагаас түгжрэл үүсэх, түргэн тусламжийн авто машин орох зогсоолгүй, хөгжлийн бэрхшээлтэй иргэдэд зориулсан зам талбай байхгүй зэрэг асуудлууд их үүсдэг. Үүнийг зохицуулахаар өнгөрсөн жил буюу 2017 онд Улаанбаатар хотын Захирагчийн ажлын албанаас Шастины нэрэмжит гуравдугаар эмнэлэг, ГССҮТ, ХСҮТ, Сонгинохайрхан дүүргийн эрүүл мэндийн нэгдлийн гадна тохижилтын ажлыг хийж, зам талбайг нэмэгдүүлж усан оргилуур, ногоон байгууламж, гэрэлтүүлэг зэргийг цогцоор нь хийж гүйцэтгэсэн юм.

Энэ жил үргэлжлүүлэн Эх хүүхдийн эрүүл мэндийн үндэсний төв, Баянзүрх дүүргийн нэгдсэн эмнэлэг, Халдварт өвчин судлалын үндэсний төв зэрэг нийт зургаан эмнэлгийн гадна талбайг иж бүрэн тохижуулах бөгөөд эмнэлэг бүрийн гадна шилмүүст ойн төгөл байгуулах аж.

Г.Зул

 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.