Сирид хоёр жилийн өмнө зэвсэгт этгээдүүдэд барьцаалагдаад байсан америк сэтгүүлч Тео Куртис өнгөрсөн ням гарагт суллагджээ. АНУ-ын цагаан ордноос өгсөн мэдээгээр Куртис ямар нэгэн аюулгүйгээр Сирийн нутгаас гарч, удахгүй гэр бүлийнхэнтэй уулзах ажээ. АНУ-ын Төрийн нарийн бичгийн дарга Жон Керри эл явдалтай холбоотойгоор хэвлэлийнхэнд хандан мэдэгдэл хийсэн бөгөөд 2012 оны аравдугаар сард Лалын хэт даврагч бүлэглэлд барьцаалагдсан байсан америк сэтгүүлч Тео Куртис суллагдсан гэж албан ёсоор мэдэгдсэн байна.
Тэрбээр “Ямар ч гэсэн суллагдлаа. Америкийн Засгийн газар өнгөрсөн хоёр жилийн хугацаанд 20 гаруй оронтой хамтарч ажиллахыг хүссээр ирсэний дүнд нэг иргэнийгээ суллаж авч чадлаа” хэмээжээ. Гэхдээ сэтгүүлчийг чухам яаж сулласан талаар тодорхой мэдээлэл өгөөгүй аж. Сэтгүүлч залуугийн ойрын хүмүүсийн хэлснээр Катарын Засгийн газар Тео Куртисыг барьцаанаас суллах хэлэлцээрийг зуучилж, ямар ч мөнгө төлөлгүйгээр сулласан байна. Өнгөрөгч ням гарагт америк сэтгүүлчийг хэт даврагч бүлэглэл НҮБ-ын энхийг сахиулагчдад шилжүүлэн өгсөн бөгөөд удахгүй эх орондоо ирэх юм байна.
Тео Куртисын талаар цухас дурьдвал, тэрбээр Жоржиа мужийн Атлантад төржээ. Массачусетсын их сургуульд докторын зэрэг хамгаалсан бөгөөд франц, араб хэлийг нэвтэрхий мэддэг нэгэн аж. Мөн герман, орос хэлээр ч гэсэн ярьж чаддаг байна. Куртис Сирийн нутагт албан үүргээ гүйцэтгэж яваад 2012 оны аравдугаар сард олон улсын террорист байгууллага Аль-Кайдагийн салбар Лалын хэт даврагч Нусра бүлэглэлд барьцаалагдаж байжээ.
Түүнтэй хамт барьцаалагдсан америк залуу өнгөрсөн жил хэт даврагчдын гараас мултарч чадсан бөгөөд тэр үед хоёул хамт зугтаасан хэдий ч, харамсалтай нь Куртис баригджээ. Сирид өнгөрсөн долоо хоногт Иракийн хойд хэсгийн зарим хотуудыг хяналтдаа аваад буй Лалын хэт даврагч “Лалын улс” АНУ-ын агаараас өгч буй цохилтын хариу болгож, 2012 оны арваннэгдүгээр сард Сирид зэвсэгт этгээдүүдэд барьцаалагдаж, ор сураггүй болсонд тооцогдох болсон америк сэтгүүлч Жэймс Фолег цаазалж буйг харуулсан таван минут орчим үргэлжлэх бичлэгийг интернэтэд тавьсан юм.
Түүнчлэн Стевен Сотлоф гэх америк сэтгүүлчийг ч мөн барьцаалсан байх бөгөөд энэ хүн амьд үлдэх эсэх Барак Обама Лалын улсын эсрэг хийж буй дайралтаа зогсоох эсэхээс шууд хамаарна гэж сүрдүүлж байсан билээ. АНУ-ын Дэд ерөнхийлөгчийн хэвлэлийн төлөөлөгч Тео Куртис суллагдсанд Ерөнхийлөгч Обама баяртай байгаа гэсэн бөгөөд “Сирид барьцаанд буй америк хүмүүсээ суллахын тулд чадах бүхнээ хийх болно” хэмээн мэдэгджээ.
Монголын мэдээ
Б.Даваахүү
Тэрбээр “Ямар ч гэсэн суллагдлаа. Америкийн Засгийн газар өнгөрсөн хоёр жилийн хугацаанд 20 гаруй оронтой хамтарч ажиллахыг хүссээр ирсэний дүнд нэг иргэнийгээ суллаж авч чадлаа” хэмээжээ. Гэхдээ сэтгүүлчийг чухам яаж сулласан талаар тодорхой мэдээлэл өгөөгүй аж. Сэтгүүлч залуугийн ойрын хүмүүсийн хэлснээр Катарын Засгийн газар Тео Куртисыг барьцаанаас суллах хэлэлцээрийг зуучилж, ямар ч мөнгө төлөлгүйгээр сулласан байна. Өнгөрөгч ням гарагт америк сэтгүүлчийг хэт даврагч бүлэглэл НҮБ-ын энхийг сахиулагчдад шилжүүлэн өгсөн бөгөөд удахгүй эх орондоо ирэх юм байна.
Тео Куртисын талаар цухас дурьдвал, тэрбээр Жоржиа мужийн Атлантад төржээ. Массачусетсын их сургуульд докторын зэрэг хамгаалсан бөгөөд франц, араб хэлийг нэвтэрхий мэддэг нэгэн аж. Мөн герман, орос хэлээр ч гэсэн ярьж чаддаг байна. Куртис Сирийн нутагт албан үүргээ гүйцэтгэж яваад 2012 оны аравдугаар сард олон улсын террорист байгууллага Аль-Кайдагийн салбар Лалын хэт даврагч Нусра бүлэглэлд барьцаалагдаж байжээ.
Түүнтэй хамт барьцаалагдсан америк залуу өнгөрсөн жил хэт даврагчдын гараас мултарч чадсан бөгөөд тэр үед хоёул хамт зугтаасан хэдий ч, харамсалтай нь Куртис баригджээ. Сирид өнгөрсөн долоо хоногт Иракийн хойд хэсгийн зарим хотуудыг хяналтдаа аваад буй Лалын хэт даврагч “Лалын улс” АНУ-ын агаараас өгч буй цохилтын хариу болгож, 2012 оны арваннэгдүгээр сард Сирид зэвсэгт этгээдүүдэд барьцаалагдаж, ор сураггүй болсонд тооцогдох болсон америк сэтгүүлч Жэймс Фолег цаазалж буйг харуулсан таван минут орчим үргэлжлэх бичлэгийг интернэтэд тавьсан юм.
Түүнчлэн Стевен Сотлоф гэх америк сэтгүүлчийг ч мөн барьцаалсан байх бөгөөд энэ хүн амьд үлдэх эсэх Барак Обама Лалын улсын эсрэг хийж буй дайралтаа зогсоох эсэхээс шууд хамаарна гэж сүрдүүлж байсан билээ. АНУ-ын Дэд ерөнхийлөгчийн хэвлэлийн төлөөлөгч Тео Куртис суллагдсанд Ерөнхийлөгч Обама баяртай байгаа гэсэн бөгөөд “Сирид барьцаанд буй америк хүмүүсээ суллахын тулд чадах бүхнээ хийх болно” хэмээн мэдэгджээ.
Монголын мэдээ
Б.Даваахүү