“Найрамдал 40 жил” олон улсын майхант зусланг зохион байгуулна
Хүүхдийн гүрэнт улс-Олон Улсын Хүүхдийн “Найрамдал” Цогцолборын 40 жилийн ойн арга хэмжээний хүрээнд “Найрамдал 40 жил” олон улсын майхант зусланг зохион байгуулах гэж байна.

Уг арга хэмжээ нь Найрамдал цогцолборын 40 жилийн ойд илүү олон хүүхдийг хамруулж, биечлэн танилцах боломжийг олгохоос гадна энэ 2018 оны хүүхдийн хамгийн том арга хэмжээ болох юм.

Ирэх долдугаар сарын 16-22-ны өдрүүдэд гадаад, дотоодын 1000 гаруй оролцогчид, зохион байгуулагч 500 гаруй залуучууд, багш нар хамрагдана.

Зуслангийн онцлог нь хүүхдийн зуслангийн хамгийн шинэлэг, бүтээлч хөтөлбөрийг шинжлэх ухааны ололт амжилт, техник сэтгэлгээг хөгжүүлэх, амьдрах ур чадварт суралцах, адал явдал амвхаалж самбааг сорих зэрэг олон сонирхолтой үйл ажиллагаатай хослуулсан мартагдашгүй дурсамж бүхий зуслан байх болно.

Оролцогчид 10 хүүхэд, 1 удирдагч гэсэн зохион байгуулалттайгаар 4 дэд зусланд хуваагдан үйл ажиллагаанд оролцоно.

Үйл ажиллагаа нь Нүүдэлчдийн соёл төв, Шинжлэх ухаан танин мэдэхүйн төв, Нийгмийн хөгжлийн төв, Адал явдалт хөтөлбөрийн төв, Хүүхдийн ертөнц тоглоомын төв гэсэн 5 төв дээр хүүхдүүдийг хуваарийн дагуу хүлээн авч үйлчилнэ.

Нүүдэлчдийн соёл төв нь гадаад болон дотоодын хүүхдүүдэд монгол орны ёс заншил, ахуй амьдралтай танилцуулах бол дэлхийн түүх, шинжлэх ухааны гайхамшигт ололт амжилт, техник технологийн шинэчлэлтэй танилцуулж бага хэмжээний туршилтуудыг хийлгэхээр Шинжлэх ухаан танин мэдэхүйн төв ажиллах юм.

Харин өнөөдөр хүүхдийн эрх, хамгаалал, тулгарч байгаа бэрхшээл саадыг даван туулах, аливаа эрсдэл, гамшгийн учирч болзошгүй аюулаас урьдчилан сэргийлэх, тохиолдсон үед хохирол сүйрлийг түргэн хугацаанд арилгах арга замын талаар Нийгмийн хөгжлийн төв тайлбарлан танилуулах болно.

Мэдээж хүүхдийн насны амьдралыг адал явдалгүй төсөөлөх аргагүй тэгвэл энэ дурсамжийг адал явдалт хөтөлбөрийн төв дээрээс оролцогчид маань авч үлдэнэ.

Мөн Хүүхдийн тоглоомын ертөнцөөр аялж спортын шинэ төрөлтэй танилцах, спортын нөхөрсөг уулзалтуудыг хийж чөлөөт цагаа өнгөрөөх боломжтой.

Та бүхнийг Найрамдал цогцолборын түүхт 40 жилийн баярт оролцон адал явдал, саад бэрхшээлийг даван туулж, шинжлэх ухааны ололтыг биширч, нарлаг зуны намуухан үдэш мянга түмэн оддын дор түүдгийн дэргэд дурсамж түүхээ хүүрнэн ярилцаж, хамтдаа ил гал дээр өөрсдөө хоолоо хийж амрах дурсамж дүүрэн Олон улсын майхант зусланд хүрэлцэн ирж амрахыг урьж байна.

Майхант зуслангийн үйл ажиллагааг Монголын Скаутын Холбоо зохион байгуулж байгаа бөгөөд илүү дэлгэрэнгүй мэдээллийг 324-171, 9996-0606 утсаар лавлаж болно.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.