Хүүхдийн мөнгө тойрсон улстөр

Төрийн ордонд томчууд сүүлийн хоёр сарын хугацаанд хүүхдийн мөнгөний талаар ярилаа. Хүүхдийн мөнгөтэй холбоотой хоёр ч хуулийн төсөл бүлэг, байнгын хороо, УИХ-ын танхимд хэлэлцэгдэж, талцал хуваагдал тарихаас биш шийдэгдэхгүй байна. Ерөнхийлөгчийн зүгээс хүүхдийн мөнгийг 100 хувьд олгох хуулийн төсөл санаачилсан. Үүнийг АН-ын бүлэг дэмжин, зүтгүүлж байна. Харин Засгийн газраас 80 хувьд нь олгох хуулийн төсөл оруулан, үүнээс цааш явах газаргүй хэмээн гүрийж суугаа.

Сангийн сайд Ч.Хүрэлбаатар “Одоогоор хүүхдийн мөнгийг 60 хувьд нь олгож байна. 80 хувьд олгох гэж бид ОУВС-тай дөрвөн сарын турш хэлэлцээр хийж, арай гэж зөвшөөрүүлсэн. 100 хувьд олгох боломжгүй” хэмээсэн гэсэн ч Ерөнхийлөгч болон АН-ын зүгээс бүх хүүхдэд олгох ёстой гэдэг дээр хатуу байр суурь илэрхийлсээр байна. Мөн энэ хуулийн төслөө Ерөнхийлөгч халамж биш, Засгийн газар халамж мөн хэмээн үг хэллэгийг хувьд ч тогтож өгөхгүй маргасаар байна. Ийнхүү Төрийн ордонд талцаж, хүүхдийн мөнгөөр улстөржиж байхад ордны гадна иргэд энэ асуудлыг хэрхэн шийдэгдэх бол хэмээн хүлээсээр байна.
 

100 ХУВЬД ОЛГОХОД 80 ОРЧИМ ТЭРБУМ ТӨГРӨГ ШААРДЛАГАТАЙ


Ерөнхийлөгчийн санаачилсан бүх хүүхдэд мөнгө олгох төсөл болон Засгийн газрын 80 хувьд хүргэх тогтоолын төсөл хоёрыг УИХ нэгтгэж хэлэлцэхээр болсон. Мөн хүүхдийн мөнгөний хамрах хүрээг нэмэхийн тулд 2018 оны төсөвт тодотгол хийх ёстой гэсэн хатуу шаардлагыг АН-ын гишүүд сайд нарт тулгаж эхэллээ. Эндээс л хүүхдийн мөнгө тойрсон улс төрийн үнэн төрх тодорч байгаа юм.

Уг нь хүүхдийн мөнгийг 100 хувьд олгоход 80 орчим тэрбум төгрөг шаардлагатай байна. “Энэ мөнгийг ирээдүйгээсээ харамлаж, үр хүүхдээ ялгаварлан гадуурхахаасаа ичих хэрэгтэй” гэж АН-ын дарга С.Эрдэнэ хэлж байна. Уг нь гоё л үг юм. Харин Сангийн сайд Ч.Хүрэлбаатар “Хүүхдийн 80 хувьд өгөх ОУВС-гийн хэлэлцээр их хүнд болсон. 80 хувь болгосноор 41 тэрбум төгрөгшаардлагатай. Энэ мөнгийг төсөвт тодотгол хийхгүйгээр олгоно. Хэрэв хүүхдийн мөнгийг 100 хувьд олговол ОУВС-гийн хөтөлбөр ч цуцлагдана” хэмээн сүрдүүлэх янзтай тайлбарлаж байгаа.

Засгийн газар хүүхдийн мөнгийг 100 хувьд олгохоор болвол 2018 оны төсөвт тодотгол хийж таарна. Сангийн сайд Ч.Хүрэлбаатар сайд болохдоо түүний дараа төсөв батлахдаа ч 2018 оны төсөвт тодотгол хийх шаардлагагүй сайн төсөв болсон, хэрэв тодотгол хийвэл би сайдын суудлаа өгнө гээд бараг л амлачихсан хүн. Тэгэхээр түүний эрх ашиг ч энд бий. Ийм л олон эрх ашиг хүүхдийн мөнгөтэй хамт яригдаж байна.
 

80 УУ, 100 ЮУ?


Эдийн засаг сайн, төсвийн орлого өндөр байх үед хүүхдийн мөнгийг Хүний хөгжил сангаас олгож байжээ. Тэр үед халамж биш, байгалийн баялгийн тэгш хуваарилалтын зарчмаар тараагддаг байсан юм. Харин Хүний хөгжил санг татан буулгаж, хүүхдийн мөнгийг халамжийн сангаас олгож эхэлжээ.. Энэ хөтөлбөрт өнгөрсөн хугацаанд хоёр их наяд төгрөг зарцуулсан гэсэн тооцоо бий. Энэ бол дээхнэ үеийн бүтэн жилийн төсөв, өнөөгийн төсвийн зарлагын дөрөвний нэг. Гэхдээ ийм хэмжээний хөрөнгө төсөвлөдөг, тараадаг байсан ч өнөөг хүртэлх хугацаанд хүн амын тодорхой хэсэг нь хүүхдийн мөнгийг огт авдаггүй байжээ. Байгалийн баялгийн хуваарилалт хэлбэрээр Хүний хөгжил сангаас 21 мянган төгрөгөөр тарааж байхад нь сайн дураараа авдаггүй байсан өрхүүд Халамжийн сангаас олгож эхэлснээр хуулийн дагуу хасагдсан байна. Тэгэхээр энэ удаагийн хүүхдийн мөнгийг 80 хувьд нь өгнө, 100 хувь өгөх ёстой гэдэг маргаан бол үнэндээ утгагүй юм. 100 хувь олгохоор боллоо ч 20 хувь нь угаасаа авахгүй байх магадлалтай юм. Бодит байдал ийм байхад ч хүүхдийн мөнгө улс төрийн оноо авах хэрэгсэл, өрсөлдөгчөө намнах зэвсэг болсоор л байна.

Ийнхүү байнгын хороо, УИХ-ын чуулган дээр гацаж, энэ долоо хоногт хэлэлцэх байсан ч бас л хойшлуулаад байна. Хүүхэд тойрсон улс төржилт хэзээ дуусах юм бол доо.

Зууны мэдээ
Т.Батсайхан
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • эээ 2018-05-24 07:51:24
    зүгээр л авах хүсэлт гаргасан хүмүүст л өгчихөөч дээ. Баячууд нь авья гэхгүй л байлгүй.
    203.91.114.244
    Мэдэгдсэн Хариулах
  • иргэн 2018-05-24 06:08:30
    60-80 хувьд нь хүүхдийн мөнгө өгч байгаа гээд байх юм ер нь өгч байгаа юм уу, хүн амьтнаас асуухаар аваагүй л гэх юм_
    66.181.190.109
    Мэдэгдсэн Хариулах
  • зочин 2018-05-24 03:13:26
    огт егехее больчих зориг бна уу чадахгуй ш дээ ийм учраас зуун хувь олго ан еренхийлегч оноо авчихна гэж айгаад бна уу эрх баригчид жаахан зоригтой байл даа
    112.72.14.140
    Мэдэгдсэн Хариулах
    • irgen 2018-05-24 18:02:45
      2017 ond huuhdiin munguu avch bsanaa 2018 ond avahaa bolison asuuhaar amjirgaanii sudalgaand hamragdaagui gehiin 2 sard hamragdsan hariu ni hezèe garah yum bol...
      27.123.214.106
      Мэдэгдсэн Хариулах
      • irgen 2018-05-24 18:06:14
        zoriltot bulgiin ail gecheed uguhuu bolichih yumaa sudalgaagaa zuv hiigeechee hariu garaagui geh yum
        27.123.214.106
        Мэдэгдсэн Хариулах