Улсаа аврах ард түмний хөдөлгөөний тэргүүн Б.Жагар өнөөдөр мэдээлэл хийлээ.
Тэрбээр өнөөдөр АТГ-ын дарга Х.Энхжаргалд “Оюутолгой” ХКК-ийн ТУЗ-ийн гишүүнээр ажиллаж байгаа Ерөнхийлөгч асан Н.Багабанди нарын гурван хүнийг албанаас нь чөлөөлж, шалгуулах мэдэгдэл шаардлагыг хүргүүллээ.
Тус хөдөлгөөний тэргүүн Б.Жагар “Би Оюутолгойг шалгах ажлын хэсэгт орж ажиллаж байгаа. Саяхан Д.Тэрбишдагва гишүүний ахалсан Оюутолгойн ажлын хэсгийнхэн хаалттай хуралдсан. Энэ үеэр О.Баасанхүү гишүүн маш ноцтой мэдэгдэл хийсэн. Тодруулбал, Оюутолгойг төлөөлж байгаа ТУЗ-ийн гишүүд болох Н.Багабанди, Ч.Алтаннар, Б.Мөнхбаатар нар жилд 240 сая төгрөгийн цалин авдаг. Эдгээр хүмүүс хөрөнгө оруулагч нэртэй эдийн засгийн алуурчдын гар хөл болж, эх орныхоо эрх ашгийг доогуур тавьж байна. Тиймээс тэднийг АТГ-т шалгуулж хариуцлага тооцох ёстой” гэлээ.
Оюутолгойн гэрээ, хөрөнгө оруулалтыг судлах эрх бүхий Ажлын хэсгийг ч тэрбээр нэлээд шүүмжилж байгаа аж. “Энэ ажлын хэсэг хэлбэр төдий. Оюутолгойн далд уурхайг ажиллуулах санаатай. Ямар ч ажлын төлөвлөгөө байхгүй, шалгаагүй байж, бид нараар хүчээр гарын үсэг зуруулж, УИХ-аар оруулж ирэх гэж байна. АТГ-ын дарга ажлаа хийх ёстой. Би шаардлагаа 10 хоногийн хугацаатай хүргүүлж байна. Хэрэв ямар нэгэн хариу өгөхгүй бол Х.Энхжаргал даргыг огцруулах арга хэмжээ авна” гэв.
Ийнхүү Оюутолгойн ТУЗ-ийн гишүүдийг шалгаж хариуцлага тооцохгүй бол дараагийн алхамдаа орно гэдгийг тэрбээр онцлов.
О.Сайхан
Оллоо.mn
Тэрбээр өнөөдөр АТГ-ын дарга Х.Энхжаргалд “Оюутолгой” ХКК-ийн ТУЗ-ийн гишүүнээр ажиллаж байгаа Ерөнхийлөгч асан Н.Багабанди нарын гурван хүнийг албанаас нь чөлөөлж, шалгуулах мэдэгдэл шаардлагыг хүргүүллээ.
Тус хөдөлгөөний тэргүүн Б.Жагар “Би Оюутолгойг шалгах ажлын хэсэгт орж ажиллаж байгаа. Саяхан Д.Тэрбишдагва гишүүний ахалсан Оюутолгойн ажлын хэсгийнхэн хаалттай хуралдсан. Энэ үеэр О.Баасанхүү гишүүн маш ноцтой мэдэгдэл хийсэн. Тодруулбал, Оюутолгойг төлөөлж байгаа ТУЗ-ийн гишүүд болох Н.Багабанди, Ч.Алтаннар, Б.Мөнхбаатар нар жилд 240 сая төгрөгийн цалин авдаг. Эдгээр хүмүүс хөрөнгө оруулагч нэртэй эдийн засгийн алуурчдын гар хөл болж, эх орныхоо эрх ашгийг доогуур тавьж байна. Тиймээс тэднийг АТГ-т шалгуулж хариуцлага тооцох ёстой” гэлээ.
Оюутолгойн гэрээ, хөрөнгө оруулалтыг судлах эрх бүхий Ажлын хэсгийг ч тэрбээр нэлээд шүүмжилж байгаа аж. “Энэ ажлын хэсэг хэлбэр төдий. Оюутолгойн далд уурхайг ажиллуулах санаатай. Ямар ч ажлын төлөвлөгөө байхгүй, шалгаагүй байж, бид нараар хүчээр гарын үсэг зуруулж, УИХ-аар оруулж ирэх гэж байна. АТГ-ын дарга ажлаа хийх ёстой. Би шаардлагаа 10 хоногийн хугацаатай хүргүүлж байна. Хэрэв ямар нэгэн хариу өгөхгүй бол Х.Энхжаргал даргыг огцруулах арга хэмжээ авна” гэв.
Ийнхүү Оюутолгойн ТУЗ-ийн гишүүдийг шалгаж хариуцлага тооцохгүй бол дараагийн алхамдаа орно гэдгийг тэрбээр онцлов.
О.Сайхан
Оллоо.mn