Яруу найргийн нэгэн гэрэлт од үүрд харваж, утга зохиол хэмээх том ертөнц эзгүйрсэн долоо хоног өнгөрч байна.
Догшин ноён хутагтын нутгаас төрсөн даруухан хөвүүнээ үүрд алдлаа. Монголын яруу найргийн сод билигт төлөөлөгч, ард түмний хайртай хүү, МЗЭ-ийн Удирдах зөвлөлийн дарга, СГЗ Д.Нацагдоржийн шагналт, "Болор цом"-ын эзэн, нэрт яруу найрагч А.Эрдэнэ-Очир талийгаачийг сүүлчийн замд нь үдэх ёслолыг Улсын дуурь бүжгийн эрдмийн театраас өнөө өглөө гүйцэтгэлээ.
Талийгаачийг оршуулах ёслолд ар гэрийнхэн нь болон ах дүү, журмын анд найз нөхөд, МЗЭ-ийн удирдлага, яруу найрагчид гээд бүгд цугласан байв.
Төрийн соёрхолт, СГЗ, зохиолч Д.Төрбат сэтгэлийн зул тэрлэжээ. Тэрбээр “Эвий муу дүү минь ижийгээ амьдад үхэж болохгүй, ижий минь цээжиндээ наргүй болно” гэж бичиж явлаа. Тэр сайхан яруу найрагч үгүй болсноор бид ч цээжиндээ наргүй болох шиг болов. Уран цэцэн санаа урсаж ундарч байдаг уран зохиолын ертөнцийн нэгэн гэрэлт авьяас билиг бид бүгдэд “Гэнэн шувууд”, “Сэтгэл тунгалагших намар”, “Миний цуглуулсан хорвоо” зэрэг тостой гараар баримгүй хэдэн сайхан ном үлдээгээд одлоо” хэмээн бичжээ.
О.Сайхан
Оллоо.mn
Догшин ноён хутагтын нутгаас төрсөн даруухан хөвүүнээ үүрд алдлаа. Монголын яруу найргийн сод билигт төлөөлөгч, ард түмний хайртай хүү, МЗЭ-ийн Удирдах зөвлөлийн дарга, СГЗ Д.Нацагдоржийн шагналт, "Болор цом"-ын эзэн, нэрт яруу найрагч А.Эрдэнэ-Очир талийгаачийг сүүлчийн замд нь үдэх ёслолыг Улсын дуурь бүжгийн эрдмийн театраас өнөө өглөө гүйцэтгэлээ.
Талийгаачийг оршуулах ёслолд ар гэрийнхэн нь болон ах дүү, журмын анд найз нөхөд, МЗЭ-ийн удирдлага, яруу найрагчид гээд бүгд цугласан байв.
Төрийн соёрхолт, СГЗ, зохиолч Д.Төрбат сэтгэлийн зул тэрлэжээ. Тэрбээр “Эвий муу дүү минь ижийгээ амьдад үхэж болохгүй, ижий минь цээжиндээ наргүй болно” гэж бичиж явлаа. Тэр сайхан яруу найрагч үгүй болсноор бид ч цээжиндээ наргүй болох шиг болов. Уран цэцэн санаа урсаж ундарч байдаг уран зохиолын ертөнцийн нэгэн гэрэлт авьяас билиг бид бүгдэд “Гэнэн шувууд”, “Сэтгэл тунгалагших намар”, “Миний цуглуулсан хорвоо” зэрэг тостой гараар баримгүй хэдэн сайхан ном үлдээгээд одлоо” хэмээн бичжээ.
О.Сайхан
Оллоо.mn