Монголын минь өв соёл, үүх түүх арвинтай зуун жилийн нүүр үзэж буй Богд хааны ордон музейг тойруулан газар шорооны ажил эхлүүлсэн нь нийгэмд нилээд шүүмжлэл дагуулж, анхаарал татаад байна.
Тухайлбал, “АПУ” гэх эрх дархтай, эд хөрөнгөтэй компани тус газрын тусгай хамгаалалтын бүсэд асар барих нэрийдлээр баар цэнгээн, шоуны газар нээхээр, урин дулаан цагтай уралдаж, улайрч буй нь энэ юм.
Ордон музейн удирдлагуудын үгийг огтоос тоодоггүй “АПУ” компанийхантай тэмцэлдээд ч арга барагдаж яваа захирал нь аргагүй эрхэнд салбарын сайдадаа хандаж аврал хүсчээ.Тодруулбал, БСШУС-ийн сайд Ц.Цогзолмаад тус музейн захирал О.Мэндсайхан дээрх асуудлаар хандсан байгаа ажээ.
Түүний хувьд олон жил АПУ-гийнхантай “алалцаж” тэмцэж байгаа ч өнөөдрийг хүртэл ямар ч шийдэлд хүрч, шийдвэр гаргаагүй байна. Тиймээс холбогдох газруудад хандаж буй аж.
Үнэт үзмэр дурсгал болсон үүх түүхтэй газраа үеийн үедээ өвлүүлэн үлдээе гэж бодож байгаа бол өнөөдрөөс эхлэн хамгаалалт, хараандаа авах нь салбар яамны ажил баймаар санагдах юм. Салбарын сайд нь түүх соёлын дурсгалт газраа хамгаалах уу, эсвэл АПУ-гийн талд “ажиллах” уу гэдгийг цаг хугацаа харуулах байх. Энэ талаар эргэн мэдээлнэ.
О.Сайхан
Оллоо.mn
Тухайлбал, “АПУ” гэх эрх дархтай, эд хөрөнгөтэй компани тус газрын тусгай хамгаалалтын бүсэд асар барих нэрийдлээр баар цэнгээн, шоуны газар нээхээр, урин дулаан цагтай уралдаж, улайрч буй нь энэ юм.
Ордон музейн удирдлагуудын үгийг огтоос тоодоггүй “АПУ” компанийхантай тэмцэлдээд ч арга барагдаж яваа захирал нь аргагүй эрхэнд салбарын сайдадаа хандаж аврал хүсчээ.Тодруулбал, БСШУС-ийн сайд Ц.Цогзолмаад тус музейн захирал О.Мэндсайхан дээрх асуудлаар хандсан байгаа ажээ.
Түүний хувьд олон жил АПУ-гийнхантай “алалцаж” тэмцэж байгаа ч өнөөдрийг хүртэл ямар ч шийдэлд хүрч, шийдвэр гаргаагүй байна. Тиймээс холбогдох газруудад хандаж буй аж.
Үнэт үзмэр дурсгал болсон үүх түүхтэй газраа үеийн үедээ өвлүүлэн үлдээе гэж бодож байгаа бол өнөөдрөөс эхлэн хамгаалалт, хараандаа авах нь салбар яамны ажил баймаар санагдах юм. Салбарын сайд нь түүх соёлын дурсгалт газраа хамгаалах уу, эсвэл АПУ-гийн талд “ажиллах” уу гэдгийг цаг хугацаа харуулах байх. Энэ талаар эргэн мэдээлнэ.
О.Сайхан
Оллоо.mn