Зайсангийн хажууд Бурхантай хөшөөтэй хашаан дотор баригдаж байсан таван давхар төмөр карказан барилгыг нураах буулгах шийдвэрийг эсэргүүцсэн иргэн Б.Дайчинхүүгийн тэмцэл хурцдаж эхлэв.
Удаа дараа төрийн захирамж, хууль дүрмийг үл хүндэтгэж хүлээж аваагүй түүнд төр төмөр нүүрээ харуулж, төрийн цагдаа нараар бүчүүлж байгаад барилгыг нь буулгаж эхэлсэн ч шүүхийн байгууллагын эсэргүүцэлтэй тулгарч, өмнө нь хүчин мөхөсдөв.
Тодруулбал, дээрх барилгыг бариулж буй иргэн Б.Дайчинхүү нь өнгөрсөн сард Нийслэл дэх Захиргааны хэргийн Анхан шатны шүүхэд гомдол гаргажээ. Тэрбээр гомдолдоо Хан-Уул дүүргийн Засаг дарга Ж.Алдаржавхлангийн гаргасан А/138 тоот захирамжийг хууль бус хэмээсэн байна. Ингээд шүүх өнгөрсөн сарын 25-ны өдөр Б.Дайчинхүүгийн гаргасан гомдлыг хэлэлцээд төрийн байгууллагын албан тоот захирамжийг хууль зөрчсөн хэмээн үзэж барилгыг буулгах ажлыг зогсоожээ.
Харин Б.Дайчинхүүгийн хувьд өнгөрсөн долоо хоногт мэдээлэл хийсэн бөгөөд тэрбээр “эрх мэдэлтнүүдийн авлига авах арга нарийссан, төрийн алба шат шатандаа асар их хүнд сурталтай болсон. Тусгай хамгаалалттай газар нутагт эрх мэдэлтнүүд хэрхэн газар авч бусдад өндөр үнэ ханштай дамлаж зардаг гэх асуудлыг бүгдийг нь илчилнэ. Мөн миний зөвшөөрөлтөй баригдаж байсан барилгыг хүчээр буулгах гэсэн албан тушаалтнуудыг АТГ-т шалгуулах болно” гэдгээ мэдэгдэв.
О.Сайхан
Оллоо.mn
Удаа дараа төрийн захирамж, хууль дүрмийг үл хүндэтгэж хүлээж аваагүй түүнд төр төмөр нүүрээ харуулж, төрийн цагдаа нараар бүчүүлж байгаад барилгыг нь буулгаж эхэлсэн ч шүүхийн байгууллагын эсэргүүцэлтэй тулгарч, өмнө нь хүчин мөхөсдөв.
Тодруулбал, дээрх барилгыг бариулж буй иргэн Б.Дайчинхүү нь өнгөрсөн сард Нийслэл дэх Захиргааны хэргийн Анхан шатны шүүхэд гомдол гаргажээ. Тэрбээр гомдолдоо Хан-Уул дүүргийн Засаг дарга Ж.Алдаржавхлангийн гаргасан А/138 тоот захирамжийг хууль бус хэмээсэн байна. Ингээд шүүх өнгөрсөн сарын 25-ны өдөр Б.Дайчинхүүгийн гаргасан гомдлыг хэлэлцээд төрийн байгууллагын албан тоот захирамжийг хууль зөрчсөн хэмээн үзэж барилгыг буулгах ажлыг зогсоожээ.
Харин Б.Дайчинхүүгийн хувьд өнгөрсөн долоо хоногт мэдээлэл хийсэн бөгөөд тэрбээр “эрх мэдэлтнүүдийн авлига авах арга нарийссан, төрийн алба шат шатандаа асар их хүнд сурталтай болсон. Тусгай хамгаалалттай газар нутагт эрх мэдэлтнүүд хэрхэн газар авч бусдад өндөр үнэ ханштай дамлаж зардаг гэх асуудлыг бүгдийг нь илчилнэ. Мөн миний зөвшөөрөлтөй баригдаж байсан барилгыг хүчээр буулгах гэсэн албан тушаалтнуудыг АТГ-т шалгуулах болно” гэдгээ мэдэгдэв.
О.Сайхан
Оллоо.mn