АТГ-ын дарга Х.Энхжаргалын бүрэн эрхийн хугацаа дуусгавар болоогүй байхад дараагийн дарга нарыг нь томилохоор улайрсан Ерөнхийлөгчийн Тамгын газрынхан УИХ-ын босгонд бүдэрч мэдэхээр болов.
Тодруулбал, ард иргэдээсээ санал авч “шалгарсан” хоёр эрхмийн нэрийг өнгөрсөн долоо хоногт Ерөнхийлөгч Х.Баттулга УИХ-д өргөн мэдүүлсэн билээ. Тэгвэл өчигдөр эрх баригч намынхан түүний өргөн мэдүүлсэн хоёр хүний нэрийг хүлээж авах боломжгүй гэдгээ мэдэгдэв. Яагаад гэвэл одооны дарга Х.Энхжаргалын бүрэн эрхийн хугацаа дуусгавар болоогүй байхад хууль зөрчиж, хоёр хүний нэрийг мэдүүлж байгаа нь буруу гэдгийг тодотгов.
Гэвч хэн нь хууль зөрчөөд байгаа нь бас эргэлзээтэй юм. Ерөнхийлөгчийн Тамгын газраас болохоор Х.Энхжаргалын бүрэн эрхийн хугацаа дууссан гэж үзээд байгаа бол АТГ-ынхан хугацаа дуусаагүй байгаа гэж удаа дараа мэдэгдсэн юм.
Тухайлбал, Х.Энхжаргалыг УИХ 2016 оны 7 дугаар сарын 8-ны өдөр 7 дугаар тогтоолоор АТГ-ын даргаар томилсон байна.
Энэ 7 дугаар тогтоолд "Авлигын эсрэг хуулийн 21 дүгээр зүйлийн 21.1 дэх хэсгийг үндэслэн..." гэж байдаг аж. Тогтоолыг бүрэн эхээр харахыг хүсвэл http://www.legalinfo.mn/law/details/12047?lawid=12047 холбоосоор орж үзэж болох юм.
Авлигын эсрэг хуулийн 21 дүгээр зүйлийн 21.1-д "Авлигатай тэмцэх газрын дарга, дэд даргыг ...УИХ 6 жилийн хугацаагаар томилно" гэж заасан байдаг.
Гэвч авлигачтай тэмцэхгүй байна гэсэн шалтгаанаар хүчээр авч хаях гээд байгаа нь илт учраас АТГ-ын даргын асуудал ацын шалаанд оржээ. Ерөнхийлөгч өөрийн бүрэн эрхийн хүрээндээ ард түмнээсээ тодруулсан нэрсийг УИХ-д өргөн мэдүүлсэн. Харин дэмжих эсэхийг УИХ мэднэ гэж хэлж байсан удаатай. Тэгвэл энэ удаад дэмжихгүй байхаар болов. Нөгөө талд асар их эрх ашгийн цаана АТГ-ын даргыг аваад хаячих гэсэн хүсэл сонирхол нуугдаж байна хэмээн олон нийт харж байгаа ч аль нь ялагч байхыг цаг хугацаа л харуулах үлдлээ.
О.Сайхан
Оллоо.mn
Тодруулбал, ард иргэдээсээ санал авч “шалгарсан” хоёр эрхмийн нэрийг өнгөрсөн долоо хоногт Ерөнхийлөгч Х.Баттулга УИХ-д өргөн мэдүүлсэн билээ. Тэгвэл өчигдөр эрх баригч намынхан түүний өргөн мэдүүлсэн хоёр хүний нэрийг хүлээж авах боломжгүй гэдгээ мэдэгдэв. Яагаад гэвэл одооны дарга Х.Энхжаргалын бүрэн эрхийн хугацаа дуусгавар болоогүй байхад хууль зөрчиж, хоёр хүний нэрийг мэдүүлж байгаа нь буруу гэдгийг тодотгов.
Гэвч хэн нь хууль зөрчөөд байгаа нь бас эргэлзээтэй юм. Ерөнхийлөгчийн Тамгын газраас болохоор Х.Энхжаргалын бүрэн эрхийн хугацаа дууссан гэж үзээд байгаа бол АТГ-ынхан хугацаа дуусаагүй байгаа гэж удаа дараа мэдэгдсэн юм.
Тухайлбал, Х.Энхжаргалыг УИХ 2016 оны 7 дугаар сарын 8-ны өдөр 7 дугаар тогтоолоор АТГ-ын даргаар томилсон байна.
Энэ 7 дугаар тогтоолд "Авлигын эсрэг хуулийн 21 дүгээр зүйлийн 21.1 дэх хэсгийг үндэслэн..." гэж байдаг аж. Тогтоолыг бүрэн эхээр харахыг хүсвэл http://www.legalinfo.mn/law/details/12047?lawid=12047 холбоосоор орж үзэж болох юм.
Авлигын эсрэг хуулийн 21 дүгээр зүйлийн 21.1-д "Авлигатай тэмцэх газрын дарга, дэд даргыг ...УИХ 6 жилийн хугацаагаар томилно" гэж заасан байдаг.
Гэвч авлигачтай тэмцэхгүй байна гэсэн шалтгаанаар хүчээр авч хаях гээд байгаа нь илт учраас АТГ-ын даргын асуудал ацын шалаанд оржээ. Ерөнхийлөгч өөрийн бүрэн эрхийн хүрээндээ ард түмнээсээ тодруулсан нэрсийг УИХ-д өргөн мэдүүлсэн. Харин дэмжих эсэхийг УИХ мэднэ гэж хэлж байсан удаатай. Тэгвэл энэ удаад дэмжихгүй байхаар болов. Нөгөө талд асар их эрх ашгийн цаана АТГ-ын даргыг аваад хаячих гэсэн хүсэл сонирхол нуугдаж байна хэмээн олон нийт харж байгаа ч аль нь ялагч байхыг цаг хугацаа л харуулах үлдлээ.
О.Сайхан
Оллоо.mn