Салбарын сайдын захирамж, хууль дүрмийг үл хүндэтгэж, төрийн албаныханд удаа хүндрэл учруулж, ажилд нь саад болж буй иргэн Б.Дайчинхүүгийн хууль бусаар барьсан барилгыг өчигдрөөс эхлэн нурааж буулгаж эхэлсэн юм. Тэгвэл энэхүү барилгыг буулгахад 5-6 хоног шаардагдана гэдгийг албаны эх сурвалж хэллээ.
Тодруулбал, Зайсангийн хажууд Бурхантай хөшөөний ард баригдаж буй барилгыг буулгах шийдвэрийг салбарын яамнаас гаргасан бөгөөд Богдхан уулын дархан цаазат газрынханд үүрэг даалгавар өгсөн байсан юм. Харин удаа дараа буулгахыг шаардсан ч барилга барьж байгаа компанийн хамгаалагчид цахилгаан бороохой, нохойгоор айлган сүрдүүлж хавьтуулахгүй байсан юм. Тэгвэл өчигдрөөс эхлэн цагдаагийн хамгаалалтад дээрх хууль бусаар баригдаж буй барилгыг хүчээр буулгаж байгаа юм.
Зөвшөөрөлгүй баригдсан барилгыг нь буулгаж байгаа Б.Дайчинхүү эсэргүүцээгүй, харин ч өчигдөр мэдээлэл хийж энэ асуудлын ард байгаа олигархиудын ашиг сонирхол, Богдхан уулын хамгаалалтын захиргаанаас яагаад зөвхөн энэ барилгыг нураах гээд байгаа, барилга зөвшөөрөлтэй болон зөвшөөрөлгүй эсэх талаар баримт дэлгэсэн. Тэрбээр “Би яах вэ эд хөрөнгө, мөнгө санхүүгээрээ хохирч байна. Гэхдээ хууль бус газрын наймаачдыг илчилнэ” гэсэн юм.
О.Сайхан
Оллоо.mn
Тодруулбал, Зайсангийн хажууд Бурхантай хөшөөний ард баригдаж буй барилгыг буулгах шийдвэрийг салбарын яамнаас гаргасан бөгөөд Богдхан уулын дархан цаазат газрынханд үүрэг даалгавар өгсөн байсан юм. Харин удаа дараа буулгахыг шаардсан ч барилга барьж байгаа компанийн хамгаалагчид цахилгаан бороохой, нохойгоор айлган сүрдүүлж хавьтуулахгүй байсан юм. Тэгвэл өчигдрөөс эхлэн цагдаагийн хамгаалалтад дээрх хууль бусаар баригдаж буй барилгыг хүчээр буулгаж байгаа юм.
Зөвшөөрөлгүй баригдсан барилгыг нь буулгаж байгаа Б.Дайчинхүү эсэргүүцээгүй, харин ч өчигдөр мэдээлэл хийж энэ асуудлын ард байгаа олигархиудын ашиг сонирхол, Богдхан уулын хамгаалалтын захиргаанаас яагаад зөвхөн энэ барилгыг нураах гээд байгаа, барилга зөвшөөрөлтэй болон зөвшөөрөлгүй эсэх талаар баримт дэлгэсэн. Тэрбээр “Би яах вэ эд хөрөнгө, мөнгө санхүүгээрээ хохирч байна. Гэхдээ хууль бус газрын наймаачдыг илчилнэ” гэсэн юм.
О.Сайхан
Оллоо.mn