Хүүхдийн 20 мянган төгрөгийг олгох асуудалд хоёр нам өөр хоорондоо талцаад ямар нэгэн шийдвэрийг эцэслэн гаргаагүй байна.
УИХ-д суудалтай намууд шийдэл олохгүй Ажлын хэсэг байгуулах шийдвэрийг өчигдөр Төсвийн байнгын хорооны хуралдаанаар гаргав. Ингэснээр дахин хугцаа алдах гэж байна хэмээн зарим гишүүдийн зүгээс асуудлыг хойшлуулахгүйгээр шийдэх, гарц гаргалгааг гаргах талаар байр сууриа илэрхийлээд байна.
Тухайлбал, УИХ-ын гишүүн С.Бямбацогт “Хүүхдийн мөнгийг нийт хүүхдийн 80 хувьд олгоно, 100 хувьд олгоно гээд талцаад маргалдаад суухгүйгээр шийдэх гарц, боломж байна. Хүссэн хүүхэд бүрт нь хүүхдийн мөнгө олгоё. Өөрөөр хэлбэл хүүхдийн мөнгө авах хүсэлт гаргасан хүүхэд бүрт өгье. Ингэж олгоход нийт хүүхдийн 90 орчим хувь нь хүүхдийн мөнгө авах хүсэлт гаргах тооцоо гарсан. Өмнөх жилүүдийн судалгаа, баримтыг харахад боломжтой айл өрхүүд хүүхдийн мөнгөө огт авдаггүй байна. Иймээс улстөржихгүйгээр асуудлыг хурдан шийдэх, хүүхэд бүрт хүүхдийн мөнгө олгоё гэсэн МАН-ын мөрийн хөтөлбөр, Ерөнхийлөгчийн санаачилсан хууль ч хэрэгжсэн, улсын төсөвт ч дарамт учруулахгүйгээр асуудлыг шийдэх гаргалгаа байна шүү дээ. Иймээс Ажлын хэсэг байгуулж асуудлыг хойшлуулахгүйгээр, хурдан хугацаанд шийдье гэсэн саналтай байна. Энэ асуудлыг улстөржихгүйгээр шийдэх хэрэгтэй байна” гэсэн юм.
УИХ-д суудалтай намууд шийдэл олохгүй Ажлын хэсэг байгуулах шийдвэрийг өчигдөр Төсвийн байнгын хорооны хуралдаанаар гаргав. Ингэснээр дахин хугцаа алдах гэж байна хэмээн зарим гишүүдийн зүгээс асуудлыг хойшлуулахгүйгээр шийдэх, гарц гаргалгааг гаргах талаар байр сууриа илэрхийлээд байна.
Тухайлбал, УИХ-ын гишүүн С.Бямбацогт “Хүүхдийн мөнгийг нийт хүүхдийн 80 хувьд олгоно, 100 хувьд олгоно гээд талцаад маргалдаад суухгүйгээр шийдэх гарц, боломж байна. Хүссэн хүүхэд бүрт нь хүүхдийн мөнгө олгоё. Өөрөөр хэлбэл хүүхдийн мөнгө авах хүсэлт гаргасан хүүхэд бүрт өгье. Ингэж олгоход нийт хүүхдийн 90 орчим хувь нь хүүхдийн мөнгө авах хүсэлт гаргах тооцоо гарсан. Өмнөх жилүүдийн судалгаа, баримтыг харахад боломжтой айл өрхүүд хүүхдийн мөнгөө огт авдаггүй байна. Иймээс улстөржихгүйгээр асуудлыг хурдан шийдэх, хүүхэд бүрт хүүхдийн мөнгө олгоё гэсэн МАН-ын мөрийн хөтөлбөр, Ерөнхийлөгчийн санаачилсан хууль ч хэрэгжсэн, улсын төсөвт ч дарамт учруулахгүйгээр асуудлыг шийдэх гаргалгаа байна шүү дээ. Иймээс Ажлын хэсэг байгуулж асуудлыг хойшлуулахгүйгээр, хурдан хугацаанд шийдье гэсэн саналтай байна. Энэ асуудлыг улстөржихгүйгээр шийдэх хэрэгтэй байна” гэсэн юм.
О.Сайхан
Оллоо.mn