Хөвсгөл аймгийн Түнэл сумын тавдугаар багийн малчин Ж.Болд-Эрдэнийн хар халзан хонь таван ихэр хурга гаргаж, малчин эзнээ баярлуулжээ. Учир нь таван ихэр хурга, ишиг мэндлэх нь хоёр ихэр ботго, тугал гарахтай адил ховор тохиолдол байдаг аж.
Малчин Ж.Болд-Эрдэнийнх ам бүл тавуулаа, амины 200 гаруй толгой малтай бөгөөд энэ жилийн хувьд мал нь ихэрлэж байгаад бэлэгшээж байгаа ажээ. Тухайлбал, тэдний нэг хонь 5 ихэр, хоёр хонь 3 болон 2 ихэр хурга гаргасан байна.
Г.Зул