Хан-Уул дүүргийн нутаг дэвсгэр буюу Зайсангийн бурхантай хөшөөний дэргэд хууль бусаар барьж байгаа барилгыг нураах салбарын сайдын шийдвэр гараад удаж буй.
Харин сайдын захирамж болон дүүргийн ЗДТГ-аас гаргасан шийдвэрийг ажил хэрэг болгохоор Богдхан уулын тусгай хамгаалалтын захиргааныхан өчигдөр дээрх барилгыг нураахаар кран аваачиж, ажлаа эхлүүлэх гэсэн боловч цахилгаан бороохойтой, айхтар нохойтой залуусын өмнө хүчин мөхөсджээ. Тэднийг болон дүүргийн цагдаагийн алба хаагчдыг төмөр хашаа руугаа ойртуулаагүй байна. Ингэж л төрийн шийдвэрийг уландаа гишгэж, төрийн цагдаа нарын өөдөөс эсэргүүцэл үзүүлжээ.
Тодруулбал, газрын зөвшөөрөлгүй, өөрөө дур мэдэн барилгын ажлаа эхлүүлсэн гэх Дайчинхүүгийн таван давхар барилгыг нураах ажил өчигдөр өглөө 09.00 цагт эхлэх ёстой байжээ. Гэвч өөрсдийнхөө хууль бусаар барьж байгаа барилгыг хамгаалах үүрэгтэй гэсэн хэсэг залуус цахилгаан бороохой барьж дайрчээ. Иргэн Дайчинхүүд барилга нураах мэдэгдлийг өгөөд удаж байгаа ч ямар нэгэн хариу өгөөгүй байна. Ийнхүү зохион байгууллалтайгаар төрийн ажилд саад болж байгаа энэхүү барилгыг нураалцахад дүүргийн цагдаагийн хэлтсийнхнийг хамтрахыг Засаг даргаас нь үүрэг чиглэл болгожээ.
Харин дүүргийн цагдаагийн алба хаагчид дуудлагын дагуу ирсэн байна. Ийнхүү зөвшөөрөлгүй барьсан барилгыг буулгах салбарын сайдын тушаал, Засаг даргынх нь захирамж гарчихаад байхад төрийн шийдвэрийг биелүүлсэнгүй. Уг нь цагдаа, газрын албаныхан хамт байлцаж, барилгыг нь буулган газраа албадан чөлөөлөх ажлыг гардан зохион байгуулах үүрэгтэй байв. Гэвч тэд чадсангүй, нохойтой, цахилгаан бороотой хамгаалалтын хэдэн залуусын эсрэг юу ч хийгээгүй ажээ.
Гэхдээ манайхныг асуудал үүссэний араас байнга явдаг гэсэн шүүмжлэл ч бий. Яагаад гэвэл анх хууль бусаар баригдаж эхлэх үед нь барилгын ажлыг зогсоохгүй байж өчнөөн олон давхар баригдсан хойно нь буулгана, нураана гэж мэдэгддэг гэх. Өчнөөн хөрөнгө мөнгө зарцуулсан хүмүүс барилгаа нураалгаж сүйдүүлэхгүй нь мэдээж. Тиймээс асуудал эхлэхээс өмнө энэ байдалдаа анхаарч хяналт тавьдаг байхыг хүсч байгаа юм.
О.Сайхан
Оллоо.mn
Харин сайдын захирамж болон дүүргийн ЗДТГ-аас гаргасан шийдвэрийг ажил хэрэг болгохоор Богдхан уулын тусгай хамгаалалтын захиргааныхан өчигдөр дээрх барилгыг нураахаар кран аваачиж, ажлаа эхлүүлэх гэсэн боловч цахилгаан бороохойтой, айхтар нохойтой залуусын өмнө хүчин мөхөсджээ. Тэднийг болон дүүргийн цагдаагийн алба хаагчдыг төмөр хашаа руугаа ойртуулаагүй байна. Ингэж л төрийн шийдвэрийг уландаа гишгэж, төрийн цагдаа нарын өөдөөс эсэргүүцэл үзүүлжээ.
Тодруулбал, газрын зөвшөөрөлгүй, өөрөө дур мэдэн барилгын ажлаа эхлүүлсэн гэх Дайчинхүүгийн таван давхар барилгыг нураах ажил өчигдөр өглөө 09.00 цагт эхлэх ёстой байжээ. Гэвч өөрсдийнхөө хууль бусаар барьж байгаа барилгыг хамгаалах үүрэгтэй гэсэн хэсэг залуус цахилгаан бороохой барьж дайрчээ. Иргэн Дайчинхүүд барилга нураах мэдэгдлийг өгөөд удаж байгаа ч ямар нэгэн хариу өгөөгүй байна. Ийнхүү зохион байгууллалтайгаар төрийн ажилд саад болж байгаа энэхүү барилгыг нураалцахад дүүргийн цагдаагийн хэлтсийнхнийг хамтрахыг Засаг даргаас нь үүрэг чиглэл болгожээ.
Харин дүүргийн цагдаагийн алба хаагчид дуудлагын дагуу ирсэн байна. Ийнхүү зөвшөөрөлгүй барьсан барилгыг буулгах салбарын сайдын тушаал, Засаг даргынх нь захирамж гарчихаад байхад төрийн шийдвэрийг биелүүлсэнгүй. Уг нь цагдаа, газрын албаныхан хамт байлцаж, барилгыг нь буулган газраа албадан чөлөөлөх ажлыг гардан зохион байгуулах үүрэгтэй байв. Гэвч тэд чадсангүй, нохойтой, цахилгаан бороотой хамгаалалтын хэдэн залуусын эсрэг юу ч хийгээгүй ажээ.
Гэхдээ манайхныг асуудал үүссэний араас байнга явдаг гэсэн шүүмжлэл ч бий. Яагаад гэвэл анх хууль бусаар баригдаж эхлэх үед нь барилгын ажлыг зогсоохгүй байж өчнөөн олон давхар баригдсан хойно нь буулгана, нураана гэж мэдэгддэг гэх. Өчнөөн хөрөнгө мөнгө зарцуулсан хүмүүс барилгаа нураалгаж сүйдүүлэхгүй нь мэдээж. Тиймээс асуудал эхлэхээс өмнө энэ байдалдаа анхаарч хяналт тавьдаг байхыг хүсч байгаа юм.
О.Сайхан
Оллоо.mn