Дэлхийд байхгүй тэнэглэлээ болиоч

Судалгаа хийгээд үзвэл манай монголчуудын тархины мэдээлэл хүлээн авах системд лавтай өөрчлөлт орсон.

Өдөр болгон өөдгүй мэдээ сонсоно. Улстөрчдийн увайгүй үйлдэл, урвалт шарвалт, хов живд хоёр чих бүр дөжирсөн. Тархи ч гөлийх шинжтэй болж байна.

Байсаар байгаад хо­шин шогийнхон ч сэтгэж чадахааргүй хошин шог юм сэдээд, тэрийгээ ажил хэрэг болгоно гээд хээв нэг зогсдог боллоо.

Өчигдөр /2018.4.24./ Монгол Улсын Ерөнхийлөгчийн Тамгын газрын дарга З.Энхболд мэдээлэл хийж байна. Цагтаа УИХ-ын дарга хүртэл хийж явсан, цаадах наадахыг мэдэх л ёстой хүн юм, уг нь.

Гэтэл тэрээр АТГ-ын даргыг ард түмний санал асуулгаар тодруулна гэж мэдэгдлээ. Тэгээд ямар шалгуур хангасан, хэн гээч энэ албан тушаалд нэр дэвшиж болох вэ гэдгийг хүртэл зарлав. Ард түмэн АТГ-ын даргаар тавих хүнийхээ нэрийг Ерөнхийлөгчийн албан ёсны сайт руу явуулах юм гэнэ.

Арай ч дээ. Боль л доо. Энэ чинь Монголын төр шүү дээ. Гадныхан сонсвол яана. Тэд шоолно. Монгол Улсын Ерөнхийлөгчийн баг ав­ли­гатай тэмцэх тусгай чиг үүргийн албаны даргаа ингэж сонгодог боллоо л гэнэ шүү дээ.

Тэрнээс биш Ерөн­хийлөгч Х.Баттулгад шадарлан суугаа нэгэн хүн Төрийн ордны цонхоор ширтэж байгаад олчихсон “мэргэн PR” гэж  мэдэхгүй.

Тиймээс эртхэн хэл­чихье. Ерөнхийлөгч минь энэ тэнэглэлийг л зогсоож үз.

Мах уу шөл үү, өдөр үү шөнө үү гэдэг шиг ийм санал асуулга гээчийг манайхаас өөр ярих улс энэ дэлхийд байхгүй гэдэгт итгэ.

Одоогоос дөрвөн жилийн өмнө, 2014 оны ха­вар Улсын баатар Э.Бат-Үүл хотын дарга байхдаа яаж баларч байлаа даа. Хогны ногоон уутанд жил бүр олон тэрбум төсөвлөж зарцуулаад иргэд түүнийг нь эсэргүүцсэн юм. Аргаа барахдаа “Хогны уут тараах уу, болих уу” гэсэн санал асуулга явуулсан. Нийслэлийн иргэд “Үгүй” л гэсэн.

Харин өнөөдөр хогны уут биш АТГ-ын даргын асуудлыг ярьж байна. Хогны уут, АТГ-ын дарга гэхээр хоорондоо мөн ч хол сонсогдож байгаа биз.

Ер нь яагаад Монгол Улсын Ерөнхийлөгч АТГ-ын дарга, Улсын Ерөнхий прокурор, шүүгч нар зэргийг санал болгох эрхтэй байхаар хуульчилсан юм бэ. Тусгаар улсын хуулийг мөрдүүлэх албан тушаалтнуудыг сонгох эрхийг яагаад Ерөнхийлөгчид даатгасан юм бэ. Энэ талаар бод л доо.

Монгол Улсын Үндэсний аюулгүй байдал гу­рав­хан гишүүнтэй. Энэ зөвлөлийн дарга нь Монгол Улсын Ерөн­хий­лөгч Х.Баттулга, ги­шүүн нь УИХ-ын дарга М.Энхболд, Ерөнхий сайд У.Хүрэлсүх нар юм. Монгол төрийн “хар хайрцаг”-ийг нээх, тэнд юу байгааг харах эрх зөв­хөн энэ гуравхан хүнд байдаг.

Чухамдаа, ийм эрх хуваалцдаг учраас шүүгч, проку­рор, АТГ-ын даргыг Монгол Улсын Ерөн­хийлөгч санал болго гээд хуульд заасан гэсэн үг.

Дээрх албан тушаа­луудтай холбоотой өчнөөн нарийн ширийн асуудал бий. Жирийн бид ойлгох ч үгүй. Тэгээд бас, дараа нь Улсын ерөнхий прокурорыг, бүх шатны шүүгч нарыг санал асуулгаар тодруулах уу.

Өнөөдөр АТГ-ын даргыг санал асуулгаар тод­руулна гэлээ. Ерөн­хий­лөгчийн Тамгын газ­рынх нь даргын амнаас “…Г.Баасан болно, бо­лохгүй гэсэн мэдээлэл яваад байна” гэсэн үг унаж байна. Ийм яриа яваад байгаа учраас санал асууна гээд байгаа юм уу, энэ хүнийг дэмжээрэй гээд байгаа юм уу, ойлгоогүй.

Гэхдээ, энэ чинь Монголын төр шүү дээ, дахиад хэлье. АТГ-ын дарга гэдэг албан тушаал чинь Г.Баасан гэдэг хүнд дарагдаад бүр доошоо живчихлээ. Одоо тэгээд юу болох вэ. Тэгэхээр Г.Баасан тэргүүтэй хүмүүс анкетаа өгөөд АТГ-ын даргад нэр дэвших үү. Жилд төдөн хүн барьж хорино гэж мөрийн хөтөлбөр дэвшүүлэх үү.

Ер нь тэгээд ийм санал асуулга болдог юм гэхэд ард түмэн хэнийг дэмжих вэ. Зурагтаар байнга гарч, таньдаг болсноор нь Х.Бат-Ялалт, Г.Баасан хоёрын нэрийг явуулах уу. Ийм маягаар энэ санал асуулга эхлээ ч үгүй байхдаа хошин шогийн “зууны манлай” үзүүлбэр болж мэдэхээр болчихоод байгаа юм. Ард түмэн ч шоолж байна. Нэртэйгээр нь хүүхдээ цэцэрлэгт сугалаагаар оруул­даг шиг, өмчлөх газрыг сугалаагаар олго­дог шиг АТГ-ын даргыг сугалаагаар сонгочих гэж байна.

Эцэст нь, нэг юм л тов тодорхой байна. АТГ-ын дарга болчих жинхэнэ хүн ийм санал асуулгад хэзээ ч нэр дэвшихгүй. Жинхэнэ чекист хэзээ ч улстөрчид шиг сонгуульд ордоггүй. Тэд сонгогддог юм. Тэр сонголтыг Монгол Улсын Ерөнхийлөгч, Үндэсний аюулгүй байдлын зөв­лөлийн тэргүүн хийдэг юм. Тиймээс дэлхийд байхгүй энэ тэнэглэлийг больж үз!

Зууны мэдээ
Б.Дамдин-Очир

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • аагий 2018-04-28 05:11:12
    АТГ-ын даргын ажлыг би хийе. Надад найз нөхөд, ажил байхгүй. Хэн ч авилгал надад өгч чадахгүй юм байна. Яагаад гэвэл томчуул намайг мэдэхгүй танихгүй.
  • зочин 2018-04-26 03:48:10
    АТГ-д З, Энхболд өөрөө санаархаад байгаа юм өөрөө хүсээд байгаа Баасан авгайг тодруулсан нь дээр дээ
  • Irgen 2018-04-25 16:16:52
    Nerteigeer n sugalaagaar tomilchihoosoi
  • Haha 2018-04-25 16:15:23
    Ard tumenees sanal avch songoh ni zuv bugdeeree heleltsvel buruugui
  • Иргэн 2018-04-25 14:57:03
    Одоо боловсролоос илүү ёс зүйтэй.. сэтгнлтэй хүн эрэлттэй болсон цаг. Харвардууд яаж байгаа билээ..ха ха...
  • zochin 2018-04-25 13:28:44
    atg iin darga gedeg mash hariytslagatai ajil gedeg n todorhoi yamarch namaas hamaaralgvi shydraga 2 gvi setgeleer ajillah hvn heregtei
  • Монгол 2018-04-25 12:25:18
    60 тэрбумын шургах сэтгүүлч байна. МАН аас хэдийг авсан бэ.
  • Erka 2018-04-25 12:15:22
    Genco guia ch ix tenegtej bn daa. Tarvagan xun chin buruu zuvluud bgaa yum uu.
  • Унш даа 2018-04-25 11:31:50
    Хэсэг хүмүүст тойрч суугаад санал хурааж 1-ийгээ алж идэх болжээ. Энэ бол ардчилал Олонхын санал авсан тул 1-гээ нухжээ. Юу нь буруу байна Олонхоороо шийдсышд
  • Өө 2018-04-25 11:06:54
    Тэнэг юм бичдэг сэтгүүлч вэ. Улс төрчид сонговол тэднийхээ эрх ашгыг л хамгаална. Юу буруу гэж? Ийм эргүү ацнууд байгаа болохоох Монгол улс ийм байгаа бөлгөө
  • Зочин 2018-04-25 10:37:33
    Санал асуулгаар сонгосон нь дээрээ ,олигархууд өөрсдийн хүнээ л тавина ш дээ.Одоогийн ажиллаж байгаа энэ нөхөр 60ттэрбумын хэргийг шалгахгүй л байгаа бүз дээ яа...
  • Irgen 2018-04-25 10:30:20
    Iim erguu shiidver yariad bga Enkhbold odoo bolio. Naad gazraa tavan buulgad ulsiin tosov hemnesen deer sh de. Yamar medrel yum bee
  • George 2018-04-25 10:29:55
    Санал асуулгаар шалгаруулна гэдэг хамгийн оновчтой арга.Ард түмэнд сонгох эрх мэдлийг өгчбайна шүү дээ
  • evropoos 2018-04-25 07:57:12
    Mash zov yum bichjee Avilgaliin toroo ard tumnii ner barij hamgaaluulah gej baigaa yum biz dee tegeed daraa ni ard tumen demjsen mundag shudraga hun geh uu ...
  • ккк 2018-04-25 07:46:21
    Санал асуулгаар тодруулж болохгүй гэсэн хууль байна уу??? байхгүй. Чамд нийтлэл яаж бичихийг Ерөнхийлэгч зааж өгөхгүй байгаа биз дээ.
  • zochin 2018-04-25 05:52:07
    ug ni sonind zo'v l yum bicheed bna daa. Yum oilgodog l humuus yum bicheed bna Zuunii medee goltoi l yum niitleed bna
  • хуульч 2018-04-25 05:43:12
    ХУУЛИАР ОЛГОСОН ЭРХ МЭДЛЭЭР БУС ХУУЛЬГҮЙ ЮМ ШИГ АВИРЛАВАЛ Монгол улсын ерөнхийлөгч огцроно эсхүл УИХ тарах болно доо ??? МОНГОЛ УЛС ХУУЛЬТАЙ, ТӨРТЭЙ УЛС?...
  • Зочин 2018-04-25 05:38:49
    Харин ч АРД түмнээ өндөрт өргөж саналыг н авч байгаа юм биш үү,
  • ss 2018-04-25 05:12:51
    Elbegdorjiin site gsndee bs iimerhv ym bichku bol bs bolku te :))
  • Очир 2018-04-25 05:05:31
    яагаад болдоггүй юм чи өөрөө битгий тэнэгт муу ман минь дэлхийд ч гэх шиг ард түмэн ч гэх шиг чам шиг юм ард түмний өмнөөс дүгнэлт хийх юм уу хол очиж хуууц
  • зочин-1 2018-04-25 04:56:06
    Му-д үймээн гарч л байвал энэ Баттулга, Энхболд гэдэг 2 хүн баярлаж байдаг бололтой. Баттулга гэдэг хүнийг нийгэмд тогтворгүй байдал бий болгох гэж сонгоогүй шү...
  • Зочин 2018-04-25 04:40:38
    60 тэрбумынханаас өдрийн хоол идсэн сэтгүүлч хоолныхоо төлбөрийг хийж байгаа нь энэ үү. Яагаад болохгүй гэж. Бүр ч сайн хувилбар биш үү...
    • зочин  2018-04-25 05:00:33
      Зөв бичсэн байна. энэ ажигүй алхайсан нөхөд өдөро өнгөөрөөхийн тулд хэрүүл зодоон, талцал тэмцлийг холоос хараад сууж байдаг байх шүү
      66.181.160.40
      Мэдэгдсэн Хариулах
  • зочин 2018-04-25 04:33:43
    женког дэмжиж бна. олны нүд хурц шүү дээ. дэмжиж бна.
  • БАТСҮХ 2018-04-25 03:54:18
    ЕРӨНХИЙЛӨГЧ АРД ТҮМНИЙГ ТӨЛӨӨЛӨХ ЭРХЭЭ ХЭРЭГЖҮҮЛЭХ НЭГ ХЭЛБЭР ЮМ ГЭЖ ОЙЛГОЖ БНА. ДЭМЖИЖ БН
    • зочин 2018-04-25 05:04:18
      хөөе найз чи сайн бод до. Баасан даргааро тавибал ээ мөн олон хүнийг хилсдүүлнэ дэ чи, чиний таньдаг хүмүүс, ах дүү нарыг чинь ч хэлмэгдүүлж мэднэ шүү дэ
  • ??? 2018-04-25 03:53:47
    Хүний сэтгэх чадвар (IQ) 130-аас дээш гардаггүй гэдэг. Гэтэл тэнэглэхэд доошоо хязгааргүй ажээ!!! Бурхан бас шударга биш байгаа биз???
  • ard 2018-04-25 03:46:02
    chi uuruu erguu teneg yam bichihee bolioch
  • mongol 2018-04-25 03:43:17
    chi tegeed erunhiilugch gedeg hun buhniig meddeg daldiig hardag hun baih estoi geh geed baigaa yam uu malaa ard tumnees asuuj baigaad shiiddeg yavdal haanch bn
  • sar 2018-04-25 03:39:11
    ene irgen gej bichij baigaa hun bol oopoo ene niitleliig bichsen mal bn shuu
  • moog  2018-04-25 03:36:35
    teneg yamaa ene turd shalguur gej ugui dandaa doldoichid bolson yumuu dAA
  • иргэн 2018-04-25 03:33:58
    Би чадна гээд байгаа Баасанг нь сонгочихвол яасын
  • иргэн 2018-04-25 03:33:29
    энэ тэнэг женкод зевлех гэж мануухай байдаг л байхдаа з энхболд ч тэнэг толгой бишдээ еренхийлегчтэйгээ зереед яахав гэж л заримдаа тэнэгтээд бна уу даа баасан ...
  • zochin 2018-04-25 03:29:36
    enkhbold , elbegeegiin khunees uter turgen salakhguy bol MONGOL AWILGADAA BARIGDAJI SUYRLEE
  • иргэн 2018-04-25 03:29:02
    баттулга гуайг хуулиар олгосон эрхээ эдэл гэж сонгосон шуу чадахгуй бол ажлаа егчихее одоо удахгуй баасантай би суухуу яахав гэж л асуух дутуу байна даа
  • Зөв 2018-04-25 03:27:55
    АТГ-ын даргаар ард түмний дундаас эрдэм чадалтай, шударга энгийн хүн тавьбал ажил нь илүү явна гэж боддог. Шударга хүн авилгалын асуудлыг хянаад удирдаж чадна.
  • sar 2018-04-25 03:27:19
    ene sait man namiig demjdeg uchiraas iim niitlel bichdeg huntei yum A nam ch gesen ooriin saittai ene hoer nam baigaa cagt hezeech sain yum bolohgui
  • Ж 2018-04-25 03:27:18
    Тэнэглэлд хязгаар үгүй юм даа тусгай чиг үүргийн байгуулгын даргаа юун ард түмэн сонгох бидний өмнөөс ажилаадах гэж ард түмэн жёнког сонгосон бх
  • zochin 2018-04-25 03:27:09
    яагаад сонгож болохгүй гэж
  • зочин 2018-04-25 03:23:00
    Хэ, хэ. юу л болоод байна даа
  • bkdwb 2018-04-25 03:18:41
    yamar ch baisan M.Enkhboldiin xunees salax xeregtei
  • зочин 2018-04-25 03:15:49
    Наранд унтаад саранд бөөсөө алав гэгчн үлгэр
  • sar 2018-04-25 03:12:10
    argaa baraad iim ajil hiij baigaa yum battulgiig yum hiilgehgui bn shuu dee .Ingehgui bol m.enh boldiin hun garchina shuu dee yamar yum oilgodogui malnuud be
  • А 2018-04-25 03:08:37
    Яагаад болохгүй гэж тэнэг сэтгүүлчээ юугаа хуцаад байгаа мал вэ
  • Хогны уут дэлхийн хөгжингүй бүх улсад би 2018-04-25 02:59:07
    Хогны мөнгөнөөс орж ирдэг багахан хэсгийг уут болгож үнэгүй тарах гэж үзсэн.Зөв юмыг иргэд эсэргүүцсэн тул тэр мөнгө дарга нарын мэдлээр хаашаа ч хамаагүй орчих...
  • иргэн 2018-04-25 02:50:52
    Ер нь одоогийн энэ төрийн дампуурал 2016 оны сонгуулийн өмнө хууль зөрчиж Сонгуулийн хууль өөрчилснөөс үүдэлтэй. Хэрэгтэй бол хуулийг зөрчиж чаддаг хүн аюултай
  • иргэн 2018-04-25 02:48:23
    АТГ-ийн даргаар мэргэжлийн хүн байх ёстой байхаа, популист хүн гарвал өөрийн нэр хүндээ бодоод баахан гэмгүй хүнийг барьж хориод сүйдлэх байх. 37 он болох вий
  • зочин 2018-04-25 02:44:21
    дэижиж байна
  • зочин 2018-04-25 02:43:36
    Баттулга минь даанч яавдаа чи иймхэн юмыг мэдэдгүй олгой толгойтой хүнүү Монголын ард түмэн чамайг энэ асуудлуудыг өөрөө шийд гэж эрх өгсөн чадмааргүй бол шууд ...
  • zochin 2018-04-25 02:35:48
    ene mied sugddug nukhur awilgatay khezeech temtsekhguyee , argalakh ajil l khiine .