Мазаалайг хамгаалахад БНХАУ тусална

БНХАУ-ын Засгийн газрын буцалтгүй тусламжаар хэрэгжих Монгол Улсын говийн мазаалай баавгайг хамгаалах техникийн туслалцаа үзүүлэх төсөл хэрэгжүүлэх хэлэлцээрт гарын үсэг зурах ёслол БНХАУ-аас МУ-д суугаа Элчин сайдын яаманд боллоо.

Энэхүү хэлэлцээрт БОАЖЯ-ны Хүрээлэн буй орчин, байгалийн нөөцийн  удирдлагын газрын дарга Г.Нямдаваа, БНХАУ-аас Монгол Улсад суугаа ЭСЯ-ны Худалдаа, эдийн засгийн зөвлөх Сун вэрэн нар гарын үсэг зурлаа.
 


Гарын үсэг зурах ёслолын арга хэмжээний үеэр Байгаль орчин, аялал жуулчлалын дэд сайд Ц.Батбаяр, БНХАУ-аас Монгол Улсад суугаа Элчин сайдын хэргийг түр хамаарагч  Ян Чиндун нар баяр хүргэж үг хэллээ.
 


Энэхүү хэлэлцээрийн дагуу Хятадын тал Монголын талтай хамтран Мазаалай баавгайн амьдрах орчны менежментийн төслийн судалгаа, Мазаалай баавгайн амьдрах орчны экологийн чанарын үнэлгээний судалгаа, хүнсний ургамлын популяцын судалгаа болон биологийн олон янз байдлын мониторингийн судалгааг хийж гүйцэтгэх бөгөөд Монголын Их говийн тусгай хамгаалалттай газарт техникийн болон мэргэжлийн хүмүүст газар дээрх сургалт зохион байгуулах, БНХАУ-д хоёр удаагийн сургалт зохион байгуулах; төсөлд шаардлагатай тоног төхөөрөмж, материалаар хангах; төслийн хэрэгжилтийн хугацаанд Мазаалай баавгайн тэжээлд зориулан жилд 20 тонн улаан буудайн үр олгох бөгөөд төслийн нийт өртөг 11,63 сая юань-н санхүүжилттэй 3 жилийн хугацаанд хэрэгжинэ.

Эх сурвалж: БОАЖЯ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • иргэн 2018-04-23 08:40:52
    АВИЛГАЧИДТАЙ ТЭМЦЭХЭД ХЯТАДУУДААС ЗӨВЛӨГӨӨ АВБАЛ ТААРНА. ДААНЧ АВИЛГАЧИД ӨӨРСДИЙГӨӨ НУХУУЛАХ ГЭЖ ГЭЖ ХЯТАДУУДААС ТУСЛАМЖ АВАХГҮЙ.
  • Батад 2018-04-23 07:17:04
    Хөдөлмөрлөж байж өөрсдийгөө тэжээ. Хүнээр тэжээлгэвэл амьтан болно
  • Бат 2018-04-23 05:57:40
    3 сая иргэнээ хоолтой ажилтай байлгаж чадахгүй байж мазаалай ёстой зүгээр суухаар л гэдэг байхдаа