Сүүлийн нэг жил гаруйн хугацаанд тогтмол өсөлттэй байсан ам.долларын ханш энэ долоо хоногоос эхлэн буурсаар өнөөдрийн байдлаар 1855 төгрөгтэй тэнцэж байна. Арав хүрэхгүй хоногийн өмнө 1905 төгрөгт хүрч иргэдийг багагүй сандаргасан долларын ханш өдгөө 50 төгрөгөөр буурчээ. Ам.долларын ханш ийнхүү сулрах болсонд иргэд баяртай байгаа ч үүнийг эдийн засгийг эрчимжүүлэх “ЭЗЭН 100” хөтөлбөртэй холбон тайлбарлах иргэд цөөнгүй байна. Тодруулбал уг хөтөлбөрийн хугацаа дууссан хэдий ч Засгийн газар, яам, агентлагуудын зүгээс үр дүнгийн талаар мэдээлэл хийгээгүй байгаа. Тун удахгүй мэдээлэл хийнэ гэсэн мэдээлэл байгаа учир үүнээс урьтаж ам.долларын ханшийг зохион байгуулалттайгаар буулгаж байгаа гэх хүмүүс байна. Учир нь манай улсад орж ирэх валютын урсгал нэмэгдсэн зүйл одоогоор байхгүй байгаа.
Б.Сансартуяа
Оллоо.мн
Б.Сансартуяа
Оллоо.мн