Чөлөөт бөх, сонгомол бөхийн Билл Фарреллийн нэрэмжит олон улсын уламжлалт тэмцээн өчигдөр АНУ-ын Нью-Йорк хотод эхэллээ. Тэмцээний эхний өдөр эмэгтэйчүүдийн жингийн барилдаан болоход 2017 оны цэргийн дэлхийн аварга, ОУХМ Ганбаатарын Отгонжаргал 55 кг-ын жинд түрүүлжээ. Тэрбээр эзэн орны Саманта Клингелийг 12:2-оор, Ронна Хитоныг 10:0-ээр ялсан байна.

Тэмцээнд АНУ, Монгол, Бенин, Канад, Израиль, Казахстан, Молдав, Перу, БНСУ, ОХУ, Тажикистан, АНЭУ, Украин, Венесуэль гэсэн 14 орны бөхчүүд зодоглож байгаа бөгөөд өнөөдөр чөлөөт бөхийн эрэгтэйчүүдийн жингийн барилдаан болно.

Г.Зул