Бага насны хүүхдийг малд явуулахгүй байхыг анхаарууллаа

Монгол орны нийт нутгаар цасан болон шороон шуурга шуурах төлөвтэй байгаа учраас нийт малчид ард иргэд бага насны хүүхдийг малд явуулахгүй байхыг ҮХААЯ-наас онцгойлон  анхааруулж байна.

Хаврын улиралд байгалийн гэнэтийн үзэгдэл гарч цасан болон шороон шуурга шуурах үерт хүн эндэж  мал хорогдох аюул өмнө нь гарч байсан тул малчид ард иргэд тогтмол цаг агаарын мэдээг сонсож малаа бэлчээрлүүлэх шаардлагатайг анхааруулав.

2014 оны 5 дугаар сарын 15-наас 2014 оны 5 дугаар сарын 19-нийг хүртэлх цаг агаарын урьдчилсан төлвөөс харахад  15-нд баруун болон төвийн нутгаар,16-нд нутгийн хойд хэсгээр, 17-нд зарим газраар, 18-нд баруун зүгийн нутгийн хойд хэсэг, говийн нутгийн зарим газраар хур тунадас, нойтон цас орно. Салхи 15,16-нд говийн нутгаар секундэд 12-14 метр, 18-нд баруун зүгийн нутгаар секундэд түр зуур 16-18 метр хүрч шороон шуурга шуурна. Хангай, Хөвсгөлийн уулархаг нутгаар шөнөдөө 2-7 градус хүйтэн, өдөртөө 6-11 градус, говийн бүс нутгийн өмнөд хэсгээр шөнөдөө 5-10 градус, өдөртөө 20-25 градус дулаан, бусад нутгаар шөнөдөө 2 градус хүйтнээс 3 градус дулаан, өдөртөө 12-17 градус дулаан байна.

Г.Уянга
оллоо.мн

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.