“Дугаарын хязгаарлалт, зохицуулалтыг зайлшгүй хийх шаардлагатай”

Нийслэлд хийгдэх авто зам, шугам сүлжээ, дэд бүтцийн бүтээн байгуулалтын ажилтай холбоотой авто замын ачааллыг бууруулах, дугаарын хязгаарлалтыг хэрхэн шийдвэрлэх талаар Нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү, Нийслэлийн замын хөдөлгөөний удирдлагын төвийн дарга Д.Одбаяр, Авто замын хөгжлийн газрын орлогч дарга Б.Индра, Нийслэлийн, Нийслэлийн Замын цагдаагийн албаны Хөдөлгөөн зохицуулалтын хэлтсийн дарга Б.Батболд нар мэдээлэл хийлээ.

Нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү “Ирэх 4 дүгээр сарын 15-наас 10 дугаар сарын 1-ныг хүртэл авто замын бүтээн байгуулалтын ажил эхэлж авто замын ачаалал нэмэгдэнэ. Замын цагдаагийн гүүрэн гарц, Зүүн 4 замын огтлолцол бүхий гүүрэн гарцын барилгын ажил, 60-70 жилийн насжилттай 40 мянгат орчмын цэвэр усны шугамыг Австри улсын шинэ технологиор доторлох засварын ажил зэрэг бүтээн байгуулалтыг ажлууд нэмэгдэж энэ зун авто замууд хаагдах учир дугаарын хязгаарлалтыг хэрхэн хийх, түгжрэлийг хэрхэн бууруулах асуудал яригдаж байна” гэлээ.

Тухайлбал, Замын цагдаагийн гүүрэн гарцтай холбоотой 8 газар түр зам гаргахаар төлөвлөжээ. Авто замын хөгжлийн газрын орлогч дарга Б.Индра “Замын цагдаагийн баруун урд уулзварын гүүрэн гарцын бүтээн байгуулалтын ажил 2.5 жилийн хугацаанд гүйцэтгэхээр яригдсан. Бид ерөнхий гүйцэтгэгч компанитай харилцан тохиролцож, техник хэрэгсэл болон хүн хүчийг нэмэгдүүлснээр 1.6 жилд хийж гүйцэтгэхээр бэлтгэл ажлаа хангаад байна. Дөрөвдүгээр сарын 15-наас 10 дугаар сарын 30 гэхэд гүүрний ул суурь буюу тулгуур багана дам нурууг бүрэн хийхээр болсон. Гүүр нь нийт 96 том тулгуур баганатай, 470 метр урттай. А В С гэсэн 3 рамтай томоохон хэмжээний бүтээн байгуулалт болох юм” гэж ярилаа.

Төмөр зам, авто замтай нэг түвшинд огтлолцдог замын цагдаагийн уулзвар нь Нарантуул худалдааны төвийн уулзвар хүртэл баруун тийшээ Энхтайваны гүүр, урагшаа Home plaza, хойшоо Гадаад хэргийн яам хүртэл түгжрэл үүсдэг байсан. Гүүр ашиглалтад орсноор энэ түгжрэл байхгүй болно гэж тооцоолж байна. Мөн авто замтай огтлолцдог төмөр замаар өдөртөө 40 галт тэрэг зорчдог. Ингэх тоолонд автомашины хөдөлгөөн хязгаарлагдаж түгжрэл үүсдэг байна. Мөн авто машин, галт тэрэг мөргөлдөх осол аваар их гардаг байсан бол гүүрэн гарц баригдсанаар энэ асуудлууд шийдэгдэх юм.

Хөдөлгөөний зохион байгуулалтын хувьд Авто замын түгжрэлийг бууруулах ажлын хэсэг, мэргэжлийн байгууллагуудын баг хамтран хэд хэдэн санал гаргаж Дүнжингарав хороолол, Оддын хотхон, Баянмонгол хорооллуудын хөдөлгөөнийг таслахгүй байхаар зохион байгуулж байна. Долоон байршилд авто замыг шинээр хийж орц гарц нэмэх, туслах замууд холбохоор ажиллаж байна. Бүтээн байгуулалтын ажлын явцад Нарны замын хөдөлгөөнийг огт хязгаарлахгүй юм

Нийслэлийн замын хөдөлгөөний удирдлагын төвийн дарга Д.Одбаяр “Замын цагдаагийн уулзвараар цагт 2500-2800 буюу өдөртөө 20 мянга орчим тээврийн хэрэгсэл зорчдог. Улаанбаатар хотын өмнөд болон хойд хэсгийг холбосон төмөр замтай огтлолцдог томоохон уулзвар юм. Тиймээс дугаарын хязгаарлалт, зохицуулалтыг зайлшгүй хийх шаардлага тулгарч байна. Авто замын бүтээн байгуулалттай холбоотой автомашины дугаарын хязгаарлалтыг хийх 2 санал байгаа. Тухайлбал, одоо хэрэгжиж байгаагаар долоо хоногт нэг удаа дугаарын хязгаарлалтад ордог байсан бол долоо хоногт 2 удаа хязгаарлагдахаар яригдаж байна.

Бүтээн байгуулалтын үеэр даваа, лхагва гарагт сондгой буюу 1, 3, 5, 7, 9 дугаараар төгссөн автомашин, мягмар, пүрэв гарагт 0, 2, 4, 6, 8-аар төгссөн автомашиныг хөдөлгөөнд оролцуулж, баасан гарагт Нарантуул, Бөмбөгөр зэрэг томоохон худалдааны төвүүдийг амраах. Бусад бүст хязгаарлалт тогтоохгүй байх боломжтой хэмээн үзэж байгаа аж.

Хоёрдугаар хувилбар нь Саппорогийн уулзвараас Офицеруудын ордон хүртэлх хязгаарлалтын бүст даваа, лхагва гарагт сондгой буюу 1, 3, 5, 7, 9 дугаараар төгссөн автомашин, мягмар, пүрэв гарагт 0, 2, 4, 6, 8-аар төгссөн автомашиныг хөдөлгөөнд оролцуулж, баасан гарагт хязгаарлалтгүйгээр замын хөдөлгөөнд оролцуулах юм” гэлээ.

Эдгээр саналуудыг иргэдийн дунд санал асуулга явуулж дэмжигдсэн саналыг хэрэгжүүлэх юм. Томоохон худалдааны төвүүдийн амрах хуваарийг шилжүүлж мягмар гаригт амардаг байсан бол баасан гаригт амрахаар зохицуулах юм. Санал асуулгыг хэвлэл мэдээллийн хэрэгслээр иргэд олон нийтэд нээлттэй явуулж, дэмжигдсэн саналыг мөрдөх юм гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Бодоо 2018-04-02 08:22:31
    Хөдөлгөөнд оролцох хоногоо тооцож татвараа хасуулаяаа.
  • зочин 2018-03-28 09:01:58
    Санал авсан аваагүй аль хэдийн шийдчихсэн юм биш үү, саналын хариуг ИХ сонгуультай адилхан луйвардах юм биш үү сурснаараа.
  • Zochin 2018-03-27 15:30:54
    Өөр арга байхгүй бол ажлаа өг хө
  • nh 2018-03-27 14:17:28
    Зүүн гар тийш эргүүлэхгүй гэж ЗҮЙЛЭГТЭДЭГ үйлдэлтэй агаар нэг малнуудаа сэтгэхгүй бол Н-слэл-н ард иргэдээс холдож огцороод хол яваач албан тушаалын голнууд
  • Унаган иргэн 2018-03-27 12:56:30
    Огцрооч, толгой нь ажилладаггүй торгох, хориглох, хязгаарлахаас өөр юм сэтгэдэггүй дарга нэртэй хувалзнуудаар юу ч хийх вэ дээ.
  • Миний бодол 2018-03-27 12:52:48
    Нарантуул захыг нүүлгээчээ.
    •  2018-03-28 02:17:07
      Нээрээ Нарантуул, Барс зах, Зуун айлыг нүүлгэх хэрэгтэй
  • ө 2018-03-27 12:24:28
    энэ дурак баярхүү гэдэг хуу жа аг зайлуулвал таарна
  • hi 2018-03-27 12:07:09
    huzaad bgaarai tegeed aJilaa yaj hiih uuu ger bulee yaj tejeeh uu.mashinaaraa ajil hiideg humuusiig ya gej bgaa yum..huuchinaaraa bail daa..naad zamaa orgotgood...
  •  2018-03-27 11:32:49
    олноороо дахин нэг машин авая. гүүр барьж байхаар нүхэн гарцаа олон эгнээ олон зэрэгцээ хийчих_ мөнгө идэх аргаа л гэж олон хүний чихэнд цуурайтаад байна.
  • иргэн 2018-03-27 09:28:27
    хятадууд барих юм болохоор барьчих байхаа харин манайхан л бага дараа болоосой манай тер мен иргэд еерсдее юм хийж чадахгуй хийдэгт нь байнга садаа болно
  • иргэн 2018-03-27 09:14:21
    Гүүр барихын оронд энэ гарамаа өргөтгөөд 4-6 эгнээтэй болгочихвол болоо бус уу, маш бага зардал гарна
  • Zochin 2018-03-27 09:12:11
    yadargaatai yum be. hot tolovlolt alga ene olon humuusiin hot ruu nuulgeed l baih uu oron suutsjuulj baina geed hotiin tovdoo shavaad baishin bariad l baih uu
  • Таня 2018-03-27 08:11:09
    7-гоор төгссөн бол хэзээ ч явж болох нээ
  • Иргэн 2018-03-27 08:02:09
    Төмөр замаа өөр газраар шилжүүлчвэл энэ олон гүүр барих хэрэг бх уу . Миний л бодол
  • зочин 2018-03-27 07:54:58
    Дахиад нэг машин авахаасдаа
  • hotiin irgen 2018-03-27 07:26:13
    good luck. sain zohitsuulj uguud irged joohon huleetstei handchihval saihan guuren gartstai bolchihno.
  • zochin 2018-03-27 07:22:54
    Хувиа хичээсэн,ёс суртахуунгүй олон ОРКуудыг заавал хатуу аргаар зохицуулах хэрэгтэй.Харин ч зөөлдөж байна шүү.
    • Ганцаараа яв 2018-03-27 11:28:13
      Бээжиндээ ч юм уу пхеньянд очиж дарамтлуул.дахиад өөр дугаартай машин авах хэрэг гарчаад бна.
  • Mongol er 2018-03-27 07:00:23
    Tolgoigoo arai ooroor ajilluulah hun 1 ch alga uu?