Ажлын өдрүүдэд тэгш, сондгойгоор хязгаарлаж хөдөлгөөнд оролцуулах санал гаргалаа

Нийслэлийн Засаг даргын Зөвлөлийн өчигдрийн хуралдаанаар 2018 онд нийслэлд хэрэгжүүлэх автозам барилгын төслүүд, түгжрэлийг сааруулах бодлого болон боловсролын салбарт хийх бүтээн байгуулалтын ажлуудыг хэлэлцлээ.
 


Замын цагдаагийн газрын уулзварын гүүрэн гарцын талаар Нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү танилцууллаа.

Замын цагдаагийн уулзварын гүүрэн гарцын бүтээн байгуулалтын ажлыг энэ оны дөрөвдүгээр сараас эхлэх бөгөөд 1.6 жил үргэлжилнэ. Үүнтэй холбоотойгоор автозамын түгжрэлийг бууруулах зорилгоор тухайн хэсэгт найман жижиг замыг шинээр барих, өргөтгөхөд 1.3 тэрбум төгрөг шаардлагатай байгаа аж. Тухайлбал,
 

  • Махатма Гандигийн гудамжийг Нарны замтай холбох 0.4 км автозам барихад 393 сая төгрөг,
  • Нийслэл хүрээ өргөн чөлөөг Удирдлагын академитай холбох 0.3 км автозам барихад 198.2 сая,
  • Хүннүгийн гудамж-Саруул хотхон-Соёлж чиглэлд 0.3 км автозамыг хашлагажуулахад 31.6 сая төгрөг шаардлагатай байгаа юм.


Мөн Автозамчдын гудамжийг 13 дугаар хороололтой холбох 0.14 км гүүр барихаар төлөвлөсөн байна.

Энэхүү бүтээн байгуулалттай холбоотойгоор нийслэлийн автозамын түгжрэлийг сааруулах зорилгоор автомашины дугаарын хязгаарлалтад түр хугацаанд буюу ирэх сарын 15-наас аравдугаар сарын 1-ний өдрийг хүртэл тодорхой өөрчлөлт оруулах шаардлагатай аж. Ажлын хэсгээс хоёр төрлийн санал боловсруулсан байна. Нэгдүгээрт, дугаарын хязгаарлалтыг зөвхөн Бага тойрууд хэрэгжүүлэх.
 


Ингэхдээ даваа, лхагва гарагт сондгой буюу 1, 3, 5, 9 дугаараар төгссөн автомашин, мягмар, пүрэв гарагт 0, 2, 4, 6, 8-аар төгссөн автомашиныг хөдөлгөөнд оролцуулж, баасан гарагт Нарантуул, Бөмбөгөр зэрэг томоохон худалдааны төвүүдийг амраах. Бусад бүст хязгаарлалт тогтоохгүй байх боломжтой хэмээн үзэж байгаа аж. Хоёрдугаар хувилбар нь Саппорогийн уулзвараас Офицеруудын ордон хүртэлх хязгаарлалтын бүст даваа, лхагва гарагт сондгой буюу 1, 3, 5, 9 дугаараар төгссөн автомашин, мягмар, пүрэв гарагт 0, 2, 4, 6, 8-аар төгссөн автомашиныг хөдөлгөөнд оролцуулж, баасан гарагт хязгаарлалтгүйгээр замын хөдөлгөөнд оролцуулах санал гаргасан байна.
 


Цаашдаа Багшийн дээд, Арслантай гүүр, Бөхийн өргөө, 100 айл болон Баянбүрд, Саппорогийн уулзвар зэрэг нийт 20 байршилд олон түвшний огтлолцол буюу гүүрэн гарцтай болгохоор төлөвлөж байгаа аж. Ингэснээр Улаанбаатар хотын автозамыг түгжрэлгүй болгох, дугаарын хязгаарлалтыг цуцлах боломж бүрдэх юм. Энэхүү төлөвлөгөөг Засаг даргын зөвлөлийн хурлаар дэмжсэн тохиолдолд зураг төслийг боловсруулах ажлыг эхлүүлэхэд бэлэн гэдгийг Нийслэлийн Засаг даргын орлогч П.Баярхүү тодотгож байлаа.
 

Хоёр томоохон гүүрэн гарцын ажил эхэлнэ
 


Энэ үеэр Нийслэлийн Засаг дарга бөгөөд Улаанбаатар хотын Захирагч С.Батболд “Өнөөдөр 3 чухал асуудлыг нээлттэйгээр хэлэлцэж байна. Дэд бүтцийн өргөтгөл, шинэчлэл, их засвар, урсгал засварын ажил, Замын хөдөлгөөнийг зохион байгуулах, түгжрэлийг бууруулах ажил, Боловсролын салбарын хөрөнгө оруулалтын асуудал нь жил бүр иргэдийн анхаарлыг татдаг. Зун болохоор зам барих, дулааны шугам сүлжээ болон цэвэр усны шугам, ариутгал, татуургыг солихтой холбоотой авто замыг хаадаг. Энэ нь иргэдийн бухимдлыг төрүүлдэг. Дулааны шугам сүлжээ, Ус сувгийн удирдах газар, Орон сууц нийтийн аж ахуйн газар, Захирагчийн ажлын алба зэрэг байгууллагын хоорондын ажлын уялдаа холбоогүйн улмаас жил бүр засвар шинэчлэлийн ажил хийгддэг. Тиймээс эдгээр ажлыг уялдуулах үүднээс дэд бүтэц, өргөтгөл шинэчлэлийн ажлын график гаргасан. Энд ямар ажил хэзээ эхлээд хэзээ дуусах талаар дэлгэрэнгүйгээр гарч байна. Графикийн дагуу холбогдох байгууллагууд ажиллаж, заасан хугацаандаа амжиж дэд бүтцийн ажлыг хийж дуусгах юм.
 


Улаанбаатар хотод дэд бүтцийн чиглэлд энэ жил хөрөнгө оруулалт нэлээн идэвхжих хандлагатай байна. Олон улсын санхүүгийн байгууллагуудаас авсан зээлийн хүрээнд гэр хорооллыг хөгжүүлэх төслийн ажил энэ зун нэлээн идэвхжинэ. Тиймээс нэгдсэн ажлын графикийн дагуу явна. Өнөөдөр батлагдаж гарч буй графикийн дагуу холбогдох байгууллагынхан иргэдэд хүндрэл учруулахгүйгээр, урьдчилан мэдээ мэдээллийг цаг алдалгүй хүргэж ажиллах хэрэгтэй. Өмнө нь хэрэглээний халуун усыг хаах тохиолдол бүтэн сараар үргэлжилдэг байсан бол одоо хамгийн дээд тал нь 7 хоногийн дотор халуун усыг хаахаар төлөвлөж байгаа. Болж өгвөл хэрэглээний халуун усыг хаахгүйгээр засвар шинэчлэлийн ажил хийхэд онцгой анхаарч ажиллана.

Нийслэл хотын замын хөдөлгөөний түгжрэлийг бууруулах ажил маш чухал. Монгол Улсын хэмжээнд жилдээ 40 орчим мянган автомашин орж ирдэг. Үүний 80 хувь нь Улаанбаатар хотод замын хөдөлгөөнд оролцож байна. Гэтэл бидэнд ирж буй мэдээллээр нэг ч автомашин хогийн цэгт очихгүй байна гэсэн судалгаа бий.

Хоёр томоохон гүүрэн гарцын ажил нийслэл хотод эхлэх учраас авто замын түгжрэл маш ихээр гарна. Тиймээс энэ талд онцгой анхаарал хандуулж ажиллана. Энэ зун бүтээн байгуулалттай холбоотойгоор автозамын ачаалал ихэсч, хүндрэлтэй болно. Тиймээс иргэд үүнийг ойлгож замын хөдөлгөөндөө соёлтой, хүлээцтэй хандаж оролцохыг уриалж байна. Иргэдийнхээ дэмжлэгтэйгээр хаврын бүтээн байгуулалтын ажлыг богино хугацаанд чанартай гүйцэтгэнэ” гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • олон түвшинтэй болохгүй бол ерөөсөө боло 2018-03-28 06:31:20
    олон түвшинтэй болохгүй бол ерөөсөө болохгүй. Харин наад ажлууд дээрээ сайн туршлагатай менежерүүд тавихгүй бол идүүлээд дуусна. Өндөр үнэтэй болно.
  • Азаа 2018-03-27 13:20:23
    Машиныхаа татварыг тэр хэмжээгээр нь бууруулаачээ шударга л бай даа ядаж абтобус таксиндаа өгье л дөөөө
  • zochin 2018-03-27 06:17:48
    Dugaariin hyazgaarlalt bolnoo. Zam zasahd tsag hugatsaa, sain sudalgaa, tuluvlult chuhal baina. Utaa ikh hayadag, agaar bohirduuldag mashiniig tsuulmuur bna
  • Жолооч 2018-03-27 06:14:15
    Бид татвараа төлсөн шүү. Битгий машины эрх боогоод бгаарай.
  • иргэн 2018-03-27 04:57:46
    Бүтээн байгуулалт хийх гэж зорьж байгаа нь сайн хэрэг! Гэвч маш сайн нягталж бодож тооцоолсон байх хэрэгтэй! Ажлаа сунжруулж л болохгүй шүү!!!
  • Зочин 2018-03-27 04:23:42
    Танилц: үхэр малын шийдвэр.
  • иргэн 2018-03-27 03:37:38
    Ард иргэд бид ойлгоноо, харин хурдан шуурхай, төлөвлөсөн хугацаандаа барьж дуусгаарай, тэрболтол явган явж хүүхдээ цэцэрлэг сургуульд нь хүргэж өгч байнаа
  • Zochin 2018-03-27 03:27:24
    Тийм ч таатай сонсогдохгүй байна. Хүүхэд зөөх, ажилдаа явах гээд олон ажил байна. Улаанбаатар хотын ажлын цагийг өөрчлөөч
  • зочин 2018-03-27 03:13:25
    энд сэтгэгдэл бичиж байгаа хүмүүс юмыг дандаа хар талаас нь харахын эерэг талаас нь харж болодоггүй юмуу өөрсдөө хийж чадахгүй байж дуугүй байвал яасийн .
  • Иргэн 2018-03-27 02:59:37
    Иргэдэд таалагдах өөр санал гаргасан нь дээр байх шүү. Ажил хэрэгч байдлаар хандал даа. Судалгаа сайн хийх хэрэгтэй. Хүмүүсээс саналаа аваарай.
  • jh 2018-03-27 02:50:45
    Илжигнүүдээ өөр толгойд тань өөдтэйхэн санаачилчих ГАРГАЛГАА алага уу?нэртэй нь дээр ТӨВ замаа бүүр хаачих ард түмэн тань зорчихгүй,зөвхөн дарга та ТААВААРАЙ
  • ХОТЫН ДАРГА Д 2018-03-27 02:39:01
    яг явсан өдрөөрөө л тавар төлнө. ОЙГОВ УУ САНДУЙ ХЭН МИНЬ. ХОТЫН ИРГЭДЭЭ ХОХИРООДОГ ЧАМ МУУГ ХЭН ДАРГА ГЭДИЙМ. ЗАЙЛААД ЯВААД МОРИО УЯ