Эрсдэл дагуулж болзошгүй шийдвэрийг зогсоолоо

“Монголын хөрөнгийн бирж” ТӨХК үнэт цаасны зах зээл дэх энгийн арилжааны хэмжээг бууруулах, жижиг хувьцаа эзэмшигчдийн эрх ашгийг зөрчих, хөрвөх чадварыг нэмэгдүүлдэг шинэ төрлийн бүтээгдэхүүн, үйлчилгээний хөгжилд сөргөөр нөлөөлөх магадлалтай шийдвэр гаргасныг Санхүүгийн зохицуулах хороо зогсоолоо. Тус ТӨХК-ийн удирдлага өнгөрөгч хоёрдугаар сарын 28-нд тушаал гарган, хувьцааны багцын арилжааны үнийн дүнгийн доод хэмжээг 250 сая төгрөг байсныг 100.0 сая төгрөг болгон бууруулсан нь дээрх эрсдэлүүдийг дагуулж болзошгүй гэж үзэв.

Иймд Хороо зах зээлд шударга, үр ашигтай, өрсөлдөөн бүхий, ил тод байдлыг хэвшүүлэх чиг үүргийнхээ хүрээнд “Монголын хөрөнгийн бирж” ТӨХК-д үүрэг даалгавар өгч, уг шийдвэрийг хүчингүй болгууллаа.

Биржийн захиалгын сангаас гадуур, урьдаас хэлэлцэн тохирсон, системд мэдээлэл нь ил харагдахгүй арилжааг багцын арилжаа гэх бөгөөд энэ төрлийн арилжаа үнэт цаасны зах зээлд 2012 оноос нэвтэрсэн юм. Анх үнэт цаасны нийт арилжаанд эзлэх багцын арилжааны хэмжээ 85 хувь байсан бол 2017 онд 58.3 хувь болж буураад байна. Зах зээлд сэргэлт бий болж, хөрөнгө оруулагчдын итгэл нэмэгдэж буй өнөөгийн нөхцөлд багцын арилжааг дэмжих нь сөрөг үр дагавартай гэж Хороо үзэж буй юм.

Эх сурвалж: СЗХ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Zochin 2018-03-20 02:18:54
    Altai ch birjiig alj bna da. Barimt, materialiin byrdel dutuu, ersdeltei companiudiig byrtgej avdag bolood bga. Ajiltai l baival zah zeel hamaagyi um bna lee. ...
  • Иргэн 2018-03-19 11:16:22
    Аль дээр өөрснөө хүчингүй болгочихсон байсан санагдах юм. Жаахан сүржин мэдээлэл болчихож
  • Аюуш 2018-03-19 09:28:54
    Далд наймааны л нэг хэлбэр шүү дээ.