Буриадын Ерөнхийлөгчийн нэрэмжит эрэгтэйчүүдийн олон улсын уламжлалт тэмцээн ирэх амралтын өдрүүдэд ОХУ-ын Улаан-Үд хотод болно.

23 дахь удаагийн тэмцээнд МЧБХ-ны 2018 оны эрэгтэйчүүдийн чансааны нэг, хоёрдугаарт эрэмбэтэй бөхчүүд зодоглоно. Тодруулбал, эрэгтэйчүүдийн 57 кг-ын жинд Э.Бэхбаяр, Ц.Цогбадрах, 61 кг-д Т.Түвшинтулга, Ц.Чинзориг, 65 кг-д Т.Тулга, Б.Батмагнай, 70 кг-д Б.Бямбадорж, Л.Батбаяр, 74 кг-д Г.Мандахнаран, З.Сумъяабазар, 79 кг-д Г.Төрболд, 86 кг-д О.Үйтүмэн, П.Өнөрбат, 92 кг-д Л.Төртогтох, Д.Доржсүрэн, Ч.Алтангэрэл, 97 кг-д Ө.Батзул, Б.Одсүрэн, 125 кг-д Н.Золбоо, М.Лхагвагэрэл гэсэн 20 тамирчин ОУХМ Б.Батзоригийн удирдлага дор оролцох юм.

Түүнчлэн олон улсын шүүгч Х.Ганболд, Л.Болормаа, Б.Алтангадас нар тэмцээнийг дэнслэнэ.

Г.Зул