МУИС-ийн босго ийм намхан болчихсон уу, Я.Төмөрбаатар захирал аа

МУИС-ийн Олон улсын харилцааны магистрын сургалтад ИНЕГ-ын тодорхойлолт бүхий О нь МУИС-ийн захирлын 2015 оны А/275 дугаар тушаалаар элсчээ.

Гэтэл оюутан О нь бакалаврын дипломгүй байсан гэнэ. Энэ талаар салбарын яам, хууль хяналтынхан хүртэл хянаж шалгасан байна.

Тодруулбал, хууль зөрчиж магистрын сургалтад оюутан элсүүлсэн талаар АТГ-т нэгэн иргэн мэдээлэл хүргүүлж, гомдол гаргажээ. Иргэний гомдлын мөрөөр АТГ-аас БСШУСЯ-нд 2017 оны тавдугаар сарын 24-ний өдөр 05/4565 тоот албан бичиг илгээсэн байгаа юм.

Харин БСШУС-ын сайдын тушаалаар 2017 оны зургадугаар сарын 5-ны өдрийн МУИС-ийн олон улсын харилцаа, нийтийн удирдлагын сургуулийн үйл ажиллагаанд хяналт шинжилгээ, үнэлгээ хийх ажлын хэсгийн удирдамжийг баталжээ.

Энэхүү хяналт шалгалтыг БСШУСЯ-ны Хяналт- шинжилгээ, үнэлгээ, дотоод аудитын газрын хяналт-шинжилгээ, үнэлгээний мэргэжилтэн Б.Доржхуяг, П.Уранчимэг нар хийсэн байна.

Шалгалтаар илэрсэн зөрчлүүдийн нэг болох оюутан О-г элсүүлэн талаар талаар ажлын хэсгийнхэн илтгэх хуудастаа бичжээ. Ингэхдээ тэрээр гадаадад 2011, 2013 онд нисэхийн сургалт ад хамрагдаж төгссөн байна. Түүнд бичсэнээр  “...Оюутан О нь МУИС-ийн захирлын 2015 оны А/275 дугаар тушаалаар Олон харилцааны магистрын сургалтад элсэн орсон байна. О нь гадаадад Нисгэгчийн мэргэжил олгох сургалтанд хамрагдаж 2011 онд төгссөн, 2013 онд мөн гадаада Роккег-50 агаарын хөлгийн маягийн зэрэглэл эзэмших сургалтанд хамрагдсан байна. ИНЕГ-аас дээрх хоёр академи нь мэргэжил олгох бакалаврын зэрэгтэй адилтгах хэмжээний сургалт явуулж гэрчилгээг олгодог болох талаар 2015 оны арванхоёрдугаар сарын 1-ний өдрийн 02/г/1173 дугаар албан бичгийг тус сургуульд хүргүүлсэн байна. Харин дээрх сургалтуудыг бакалаврын боловсролтой дүйцүүлэн магистрын сургалтад элсүүлсэн нь Дээд боловсролын тухай хуулийн 8 дугаар зүйлийн 8.7-д “...Дээд боловсрол эзэмшүүлэх дипломын сургалт 90 багц цагаас доошгүй байх бөгөөд өмнөх түвшний сургалтын багц цагийг оролцуулан бакалаврын сургалт 120-оос, магистрын сургалт 150-аас, докторын сургалт 210 багц цагаас тус тус доошгүй байна” гэж заасныг зөрчсөн байна. О нь магистрын сургалтанд элсэн орсноос хойш 1 улирал суралцаж, 4 улирал суралцаагүй байх буюу “МУИС-ийн сургалтын журам”-ын 4 дүгээр зүйлийн 4.11.12-т “Нэг удаагийн чөлөөний хугацаа 2 хүртэл улирал байж болно. Чөлөө олгох тухай Сургалтын албаны эрхлэгчийн шийдвэрийг бүрэлдэхүүн сургуулийн захирлын тушаалаар баталгаажуулна. Сурагцагчийн суралцах хугацаанд олгох чөлөөний нийт хугацаа 2 жилээс хэтрэхгүй байна” гэсэн заалтын дагуу үргэлжүүлэн суралцах боломжгүй болсон байна” гэжээ.

БСШУСЯ-наас энэ тайлангаа АТГ-т хүргүүлж, АТГ-ын Хяналт шалгалт, дүн шинжилгээний хэлтсийн дарга, эрхэлсэн комиссар Х.Хашбаатар 2017оны арваннэгдүгээр сарын 10-ны өдрийн 05/8107 тоот албан бичгээр гомдол гаргасан иргэнд хариу хүргүүлжээ.

Уг хариудаа  АТГ-ын Хяналт шалгалт, дүн шинжилгээний хэлтсийн дарга, эрхэлсэн комиссар Х.Хашбаатар “...Дээрх зөрчилтэй асуудлуудыг дахин гаргуулахгүй байх талаар анхааруулж, дотоод хяналт шалгалтыг сайжруулах талаар МУИС-д албан бичгээр хүргүүлсэн болно” гэсэн байна.

Эндээс харахул, ганцхан сарын өмнө МУИС-ийн Захиргаа, дотоод хамтын ажиллагаа хариуцсан дэд захирал, доктор, профессор Ч.Ундрамын өдөр тутмын сонинд ярьсан “...Төрөөс дээд боловсролын талаар баримтлах бодлогын бичиг баримтад Монголын дөрвөн их сургуулийг Азийн топ 100 сургуульд оруулна гэж баталсан байгаа. Тэгэхээр хамгийн түрүүнд МУИС-д хамаарна гэж бид үзэж байгаа. Тиймээс 2024 он хүртэлх стратеги төлөвлөгөөг шинэчлэн батлахдаа Азийн топ 100 сургуульд багтана  хэмээн зорьсон байгаа” гэдэг нь бүтэх болов уу даа гэж бодогдов.

Тиймээс МУИС-ийн захирал, доктор Я.Төмөрбаатараас “...МУИС-ийн босго ийм намхан болчихсон уу” гэж асууя.

Өглөөний сонин
Р.Саруул

 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2018-08-27 02:40:03
    үнэн бичжээ. МУИС-н нэр барьж зарим мэргэжлээр 10 багштай 5 оюутантай ч байгаа шүү. Ялангуяа байгалийн ухааны салбарт бүр ч энгийн үзэгдэл. Өндөр цалин авхаад
    202.9.41.175
    Мэдэгдсэн Хариулах
  • Zochin 2018-05-30 09:10:57
    Сэтгүүлч нэртэй Р.Саруул гуай та судалж байж бич. Сургуулийн босго оноог сургуулийн захирал тогтоодоггүй юм шүү дээ. Я.Төмөрбаатарт ямар ч хамаагүй асуудал.
    203.217.139.225
    Мэдэгдсэн Хариулах
  • зочин 2018-03-01 09:16:12
    намайг байхад Академич Содном,Академич Шагдарсүрэн гээд сор болсон эрдэмтэд захирал байж дээ,одоо намын цүнх баригчид дуртай нь ичихгүй ирдэг болж дээ
    103.9.88.162
    Мэдэгдсэн Хариулах
  • Эмч 2018-03-01 06:03:00
    2015 онд МУИС-ийн даргаар хэн байсан юм бол доо.Ардчилсан намаас байсан гэж бодож байна.Одоогийн захирал Төмөрбаатар гэдэг хүнд ер нь хамаагүй юм бишүү дээ.
    124.158.112.2
    Мэдэгдсэн Хариулах
  • хуульч 2018-03-01 03:55:04
    АТГ -аас зохиосон семинарт ороогүй гэж төрийн албан хаагчидад хариуцлага хүлээл гэж томорч чаддаг мөртлөө МИУС -ЫН ЗАХИРГААНД АНХААРУУЛГА ӨГДӨГ АТГ ХЭРЭГГҮЙ ???...
    202.9.43.197
    Мэдэгдсэн Хариулах
  • Зочин 2018-03-01 03:54:06
    Их дээд сургуулиудын восго оноог өндөрсгөөчээ. Дээд боловсролтой гэх ажилгүйчүүд, УБ-н проблемууд г м олон зүйл !!!
    103.57.92.59
    Мэдэгдсэн Хариулах
  • Бат 2018-03-01 03:35:45
    Босгоо өндөрсөгөж сурч чадхыг нь оруулахсан төлбөрөө өгч оронд нь диплом авсан болж боловсорлын нэр хүндийг унагалаадаа
    202.9.43.190
    Мэдэгдсэн Хариулах
  • zochin 2018-03-01 03:22:03
    ugaas namhan biz dee
    202.70.34.70
    Мэдэгдсэн Хариулах
  • Зориг 2018-03-01 03:05:26
    Тэр О гэдэг нь ямарч арын хаалга саатай юм. Дээд сургууль төгсөөгүй байж МИАТ-н зардлаар 2 ч удаа гадаадад мэргэжлийн сургалтанд хамрагдаж байдаг.
    183.177.97.14
    Мэдэгдсэн Хариулах
  • зочин 2018-03-01 02:50:41
    АТГазарт хийх ажил үнэхээр байхгүй байгаа юм байна даа.
    27.123.214.117
    Мэдэгдсэн Хариулах