У.Хүрэлсүх: Түүхий нүүрсийг хориглож, айл өрхийг боловсруулсан түлшээр хангана
Ерөнхий сайд У.Хүрэлсүх, Засгийн газрын гишүүд, Нийслэлийн удирдлагууд, ЗГХЭГ, НЗДТГ, хэлтсийн дарга, мэргэжилтнүүд оролцсон “Нийслэлийн өмнө тулгамдаж буй асуудлууд, шийдвэрлэх арга зам” уулзалт өчигдөр боллоо.

Энэ үеэр Нийслэлийн Засаг дарга бөгөөд Улаанбаатар хотын Захирагч С.Батболд “Нийслэлийн эдийн засаг, нийгмийн өнөөгийн байдал, тулгамдаж байгаа асуудал”, Нийслэлийн Засаг даргын орлогч П.Баярхүү “Гэр хорооллын дэд бүтцийн төвийн тухай”, Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр “Хог хаягдлын менежментийн төслийн тухай”, Улаанбаатар хотын Ерөнхий архитектор Э.Анар “Нийслэлийн нутгийн захиргааны байгууллагуудыг Яармагт байршуулах, хотын шинэ төв байгуулах тухай” гэсэн үндсэн дөрвөн илтгэл тавьж, хэлэлцүүлэв.

Ерөнхий сайд У.Хүрэлсүх уулзалт, ярилцлагад оролцогчдод хандаж үг хэлэхдээ Улаанбаатар хотын захиргаа Засгийн газар хоёр нягт уялдаатай хамтарч ажиллах учиртай. Өнөөдөр хэлэлцүүлсэн эдгээр төсөл, хөтөлбөрийг ажил болгоход сэтгэл, эрч хүч, зохион байгуулалт хэрэгтэйг онцоллоо.

Улаанбаатарт хамгийн түрүүнд шийдвэрлэх, нэн тулгамдсан асуудал бол утаа, агаарын бохирдол. Энэ сэдвээр олон жил хоосон ярилаа гэж Ерөнхий сайд хэлээд 2019 оны дөрөвдүгээр сарын 1-нээс Улаанбаатарт ахуйн зориулалтаар түүхий нүүрс оруулахгүй, хуульчилж хориглоно. Айл өрхийг боловсруулсан түлшээр хангана. Бэлтгэл ажил эхэлсэн. Ингэж чадвал утаа, агаарын бохирдол 50 хувь багасна. Энэ ажлыг БОАЖ-ын сайд Н.Цэрэнбат, Хотын дарга С.Батболд хоёр хариуцаж ажиллахыг үүрэг болголоо.

Цэвэрлэх байгууламжийн ажлыг энэ хавар эхлүүлнэ. Энэ асуудлыг Барилга, хот байгуулалтын сайд Х.Баделханд хариуцуулсан. Энэчлэн бүх ажил эзэнтэй байх ёстой гэлээ.

Уулзалт зохион байгуулсан хотын удирдлагад Ерөнхий сайд У.Хүрэлсүх талархал илэрхийлээд Засгийн газар, хотын удирдлагууд улиралд нэг удаа ингэж уулзаж, ажлын явцаа ярилцаж, асуудлаа шийдэж байх нь зүйтэй гэж хэллээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Монгол Улсын Ерөнхий сайд У.Хүрэлсүх


 

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • zochin  2018-02-07 05:10:24
    ter ix mungiig utaa geed uren taran xiivel daraa n ta nar oorsnoo tulnu shuu
    202.179.26.165
    Мэдэгдсэн Хариулах
  • ТАНСАГ ЮМ БҮҮ ЯРЬ 2018-02-06 07:10:50
    АРД ТҮМЭН ЧИНЬ ЯДУУРААД НҮҮРСЭЭ Ч ТҮЛЖ ЧАДАХАА БАЙСААН ЕРӨНХИЙ САЙДАА. ЮУ ХАМААГҮЙ ШАТААСНЫХ НЬ УТААГААР ТА БИД АМЬСГАЛЖ БАЙНАА. ЮУН БОЛОВСРУУЛСАН ТҮЛШ
    59.153.112.51
    Мэдэгдсэн Хариулах
  • Цнд  2018-02-06 04:19:54
    Хулгайгаар оф-шт байрлуусан мөнгөө оруулж ирээд орон сууцаар хангал даа. Хулгайчуудтайгаа хуйвалдаад заваарч байхынхаа оронд
    66.181.160.114
    Мэдэгдсэн Хариулах
  • Зочин 2018-02-06 04:10:55
    Oрон сууц нэхэж, өнөө маргаашгүй бүх асуудал цэгцрүүлэх шидтэн хүсээд байгаа хүмүүс ХӨӨРХИЙ.. түүхий нүүрсийг хориглоно гэдэг зөв шийдвэр.
    138.197.174.154
    Мэдэгдсэн Хариулах
  • ARD 2018-02-06 03:15:52
    ene bol utaanaas hamgiin hurdan salah arga
    49.0.147.60
    Мэдэгдсэн Хариулах