НИТХ-ын дарга С.Амарсайхан хуралдаа суудаггүй төлөөлөгчдөд хандан хатуухан үг хэллээ
Өнгөрөгч баасан гарагт/01.26/  НИТХ-ын  ээлжит XVIII хурал хуралдсан. Тус хуралд НИТХ-ын 45 төлөөлөгч оролцох ёстойгоос 24 төлөөлөгч оролцсон буюу  төлөөлөгчдийн ирц 53.3 хувьтайгаар хуралдсан юм. Хуралдааны төгсгөлд нийслэлийн иргэдийг төлөөлж сонгогдсон атлаа НИТХ-ын хуралдаа суудаггүй,  шалтгаангүй хурал тасалсан төлөөлөгчдөд хандан  НИТХ-ын дарга С.Амарсайхан хатуухан үг хэллээ.

Тэрбээр "Төлөөлөгчид та бид захиргааны албан хаагчидаасаа том хариуцлага шаарддаг, ёс зүйтэй байхыг нэхдэг шигээ жижигхэн хариуцлагыг өөрсдөө биелүүлдэг байх сэтгэл итгэл байхгүй бол энд суух ямарч шаардлага байхгүй. Иргэдээ төлөөлж байгаа, нутгийн удирдах ёсыг өөрсдөө хэрэгжүүлж байгаа эрхэм төлөөлөгчид та бүхэн өөрсдөө ёс зүй, хариуцлага, сахилга батыг хэн нэгнээс гуйдаг, асуудаг, эрдэг, сурдаг байж болохгүй. Ялангуяа МАН-ын бүлгийн дарга С.Мөнхчулуун, АН-ын Ц.Баатархүү хоёр надаас төлөөлөгчдийн ирцийн тухай асуух, шаардах биш өөрсдөө  төлөөлөгчдөө хуралдаа суулгах, ирц бүрдүүлэх, нэгдсэн хуралдаанд бүлгийнхээ төлөөлөгчдийг оролцуулах, хариуцлагыг нь дээшлүүлэх тал дээр анхаарч ажилла.

Ер нь  энд байхгүй байгаа, хуралдаа суудаггүй төлөөлөгчид хөгжлийн тушаа болсон, асуудал ажил гацаадаг хариуцлагагүй байдал, аминчхан үзэл, явцуу сэтгэлгээгээ өөрсдөөсөө эхлээд хаяцгаах хэрэгтэй. Өнөөдөр хуралд сууж байгаа 24 төлөөлөгчөөс гадна гадаадад томилолтоор яваа зургаан төлөөлөгч байгаа, бусад төлөөлөгчдийг хуралдаа суулгах асуудлыг хоёр бүлгийн дарга анхаарч ажилла гэдгийг зориуд хэлье.

Төлөөлөгчид өөрсдөө үйл ажиллагааны зардал, урамшуулал аваад явж байгаа, үүнийг нуух шаардлага байхгүй, зардал урамшуулал аваад явж байгаа юм бол сард ганц болдог, жилд 10 хүрэхгүй удаа болдог НИТХ-ын хуралдаа ирээд суучихдаг, иргэдийнхээ төлөөлөл болж ажилладаг, сонгуулиар амлаж байсан шигээ иргэдийн асуудлыг ярьдаг, шийдвэрлэхэд оролцдог байх хэрэгтэй. Хуралдаа суухгүй, байхгүй байж байснаа гэнэтхэн гарч ирээд хууль дүрэм гээд том том юм ярьж улс төр хийчихээд алга болчихдог байж болохгүй ээ. Энэ тал дээр ил тод нээлттэй байх ёстой. Хоёр бүлгийн дарга энэ асуудлаар  нээлттэй мэдээлэл хийгээд цаашид хуралд ирэхгүй байгаа төлөөлөгчид, ирсэн ч ирцээ бүртгүүлчихээд гараад явчихдаг төлөөлөгчидтэйгээ хариуцлага  тооц, иргэддээ нээлттэй мэдээлэл өг гэсэн саналыг хүргэж байна" гэсэн юм.

Ийнхүү Нийслэлийн иргэдийн төлөөлөл болж НИТХ-д сонгогдсон атлаа иргэдээ төлөөлөх үндсэн ажлаа хийдэггүй, хуралдаанд оролцдоггүй, шалтгаангүйгээр хурал тасладаг төлөөлөгчидтэй хариуцлага ярих ёстой гэдгийг НИТХ-ын дарга С.Амарсайхан хэлсэн үгэндээ дурдлаа. Цаашид төлөөлөгчдийн ирцийг нэмэгдүүлэх, хуралд нь ирүүлэх асуудалд анхаарч ажиллах үүргийг  НИТХ дэх МАН, АН-ын бүлгийн дарга нар болон Ажлын албанд үүрэг болголоо.

 Т.Гэрэл

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ЗӨВ 2018-01-29 03:21:04
    ЭНЭ ЗАЛУУГ ЧИНЬ МЭЛГЭРИЙН ОРОНД УИХ ДАРГААР ТАВЬЯ
    202.72.245.198
    Мэдэгдсэн Хариулах
  • Дорнод Хэрлэн сум 7 баг 2018-01-29 03:14:01
    Таны хэлдэг 100 % зөв шүү УИХ ч гэсэн ирцээ бүлэгтэйгээ тооцоо ч , Бүлгийн учир үүнд л байгаа шүү дээ С.Амарсайхандаа ХАРИУЦЛАГА-ын амжилт хүсье. Ажлаа нарийн т...
    139.5.219.35
    Мэдэгдсэн Хариулах